មានដឹងថារាល់ថ្ងៃអ្នកកំពុងធ្វើខុសរឺអត់? ចង់បត់ជើងធំអោយត្រឹមត្រូវ អ្នកត្រូវធ្វើតាមវិធីនេះ!
Connect with us

គួរដឹង

មានដឹងថារាល់ថ្ងៃអ្នកកំពុងធ្វើខុសរឺអត់? ចង់បត់ជើងធំអោយត្រឹមត្រូវ អ្នកត្រូវធ្វើតាមវិធីនេះ!

ប្រិយមិត្តអ្នកអានប្រហែលជាឆ្ងល់ហើយថា ហេតុអ្វីគ្រាន់តែរឿងបន្ទោរបង់សោះ ក៏មានត្រឹមត្រូវរឺមិនត្រឹមត្រូវដែរ ប៉ុន្តែធាតុពិតទៅការអនុវត្តទម្លាប់បន្ទោរបង់អោយបានត្រឹមត្រូវគឺជារឿងសំខាន់ណាស់ ព្រោះវាអាចជួយអោយសុខភាពអ្នកវិវត្តន៍ទៅបានល្អ។

ប៉ុន្តែហេតុអ្វីបានជាការបន្ទោរបង់របស់អ្នកភាគច្រើនមិនត្រឹមត្រូវទៅវិញ?

តាមពិតទៅ មូលហេតុចម្បងដែលធ្វើអោយមនុស្សម្នាក់បន្ទោរបង់មិនបានត្រឹមត្រូវគឺតាមរយះបង្គន់ដែលពួកគេបន្ទោរបង់នោះ។ បង្គន់ដែលបង្កើតឡើងសម័យថ្មីមានឧបករណ៍កាច់ទឹកល្អត្រឹមត្រូវ អាចមិនមែនប្រាកដថាជាជម្រើសដែលឆ្លាតវៃសម្រាប់ការបន្ទោរបង់នោះឡើយ។

ជាទូទៅ ការបន្ទោរបង់របស់យើងគឺទាក់ទងធំបំផុតទៅនឹងពោះវៀនរបស់យើង។ ដូច្នេះការដែលយើងអង្គុយនៅក្នុងឥរិយាបទអោយត្រូវនឹងរបត់របស់ប្រព័ន្ធបញ្ចេញចោលរបស់យើងគឺជារឿងសំខាន់មួយ។

នៅពេលដែលអ្នកអង្គុយលើបង្គន់សម័យទំនើប ខ្លួនរបស់អ្នកពុំបានសម្របទៅនឹងរបត់នៃប្រព័ន្ធបញ្ចេញចោលរបស់អ្នកនោះទេ ពោលគឺវាជួនកាលអាចធ្វើអោយអ្នកបន្ទោរបង់មិនបានអស់កាកសំណល់ រឺមានភាពឈឺចាប់ពិបាកនៅក្នុងការបន្ទោរបង់ជាដើម។

វិធីដែលត្រឹមត្រូវនៅក្នុងការបន្ទោរបង់នោះគឺថា អ្នកអាចប្រើប្រាស់បង្គន់ចោងហោងដែលគេប្រើប្រាស់នាសម័យមុន រឺក៏អ្នកអាចប្រើប្រាស់បង្គន់សម័យថ្មីប៉ុន្តែដាក់ជើងខ្ពស់លើកូនកៅអីផុតពីដី ដើម្បីអោយខ្លួនអ្នកអាចសម្របបានត្រឹមត្រូវ៕

អត្ថបទល្អផ្សេងទៀត៖ មានដឹងអត់ថា គួរតែបត់ជើងធំពេលណាល្អសម្រាប់សុខភាពអ្នក??? ទាំងនេះជាពេលវេលាដែលអ្នកត្រូវគិតគូរ

មែនហើយការបត់ជើងធំ គឺជាផ្នែកមួយនៃការរស់នៅប្រចាំថ្ងៃរបស់យើង វាជាធម្មជាតិ គ្មានអ្នកណាម្នាក់អាចគេចពីការបត់ជើងធំបានឡើយ។ ចំពោះការបត់ជើងនេះ យើងក៏ត្រូវតែមានពេលវេលាវាច្បាស់លាស់ផងដែរ ព្រោះវាក៏ពាក់ព័ន្ធទៅនឹងបញ្ហាសុខភាពយើងរាល់គ្នា។ អាណាចក្រក៏ចង់ចែករំលែកពត៌មានមួយចំនួនដែលពាក់ព័ន្ធនឹងការបត់ជើងធំនេះ និងពេលវេលារបស់វា ថាតើគួរតែបត់ជើងនៅពេលណាល្អ ហើយជាពិសេសល្អសម្រាប់សុខភាពយើង។

Best time to poop

អ្នកខ្លះក៏មានអារម្មណ៏អៀនខ្មាសនឹងការបត់ជើងធំនេះ ហើយអ្នកខ្លះក៏មិនហ៊ាននិយាយការពិត ហើយក៏មិនហ៊ានប្រាប់គ្រូពេទ្យត្រង់ពីការបត់ជើងរបស់ខ្លួនទៀត ប៉ុន្តែយើងត្រូវគិតថាវាជារឿងធម្មជាតិទៅហើយមិនបាច់ខ្មាសអៀនពេកទេ។ យ៉ាងនេះហើយ យើងត្រូវតែរក្សាទំលាប់នៃការបន្ទោរបង់ឱ្យបានទៀងទាត់ និងរក្សានូវប្រភេទនៃលាមករបស់យើងផងដែរ។ ហើយវាពិតណាស់ដែលក្នុងពេលមួយថ្ងៃវាប្រាកដជាមានពេលវេលាមួយដែលល្អសម្រាប់ឱ្យអ្នកបន្ទោរបង់ ហើយវាថែមទាំងមានអត្ថប្រយោជន៏ដល់សុខភាពទៀតផង។

Best time to poop

ពេលខ្លះពេលដែលយើងមានអារម្មណ៏ថាឈឺបត់ជើង អ្នកខ្លះក៏ទប់មិនព្រមជុះភ្លាមនោះទេ ចេះតែទុកចាំតិចទៀតៗ ប៉ុន្តែយើងមិនដឹងទេថាការធ្វើបែបនេះគឺមិនត្រឹមត្រូវនោះទេ ហើយបើតាមអ្នកសិក្សាស្រាវជ្រាវ លោកដុកទ័រ Kenneth Koch ប្រធានផ្នែកជម្ងឺ ក្រពះពោះវៀននៅមជ្ឈមណ្ឌលវេជ្ជសាស្ត្រ Wake Forest Baptist បានឱ្យដឹងថា ពេលវេលាដែលល្អសម្រាប់បន្ទោរបង់គឺ នៅពេលព្រឹកព្រលឹម។ ដូច្នេះ ចំពោះ អ្នកដែលតែងតែមានទំលាប់បន្ទោរបង់នៅពេលព្រឹកគឺត្រឹមត្រូវល្អហើយ។  

Best time to poop

ពេលព្រឹកគឺជាពេលវេលាដ៏ល្អបំផុតសម្រាប់ការបន្ទោរបង់ ព្រោះពោះវៀនតូចនិងពោះវៀនធំរបស់អ្នកដំណើរការ ក៏ដូចជាធ្វើការដឹកនាំអាហារ និងកិនរំលាយអាហារ ពីថ្ងៃមុនដែលយើងបានញ៉ាំ ពេលអ្នកដេក ដូច្នេះ នៅពេលក្រោកពីគេងភ្លាមវាជាការល្អបំផុត ដែលយើងត្រូវតែធ្វើការបញ្ចេញចោលកាកសំណល់ទាំងនោះពីក្នុងពោះ។ ការដែលរក្សាទំលាប់បន្ទោរបង់បានទៀងទាត់ល្អ វានឹងជួយដល់បញ្ហាសុខភាព ពោះវៀនធំ តូច មិនឱ្យរាំងស្ទះកាកសំនល់មិនល្អ ដែលអាចផ្ដល់ជាជាតិពុលក្នុងខ្លួន មិនឱ្យអ្នកមានអារម្មណ៏តានតឹង ឬមិនស្រួលខ្លួនពេលឈឺពោះបត់ជើងម្តងៗ។  

Best time to poop

ទំលាប់បន្ទោរបង់ពិតជាសំខាន់ ទោះជាអ្នកមិនបានជុះរាល់ថ្ងៃក៏ដោយ ប៉ុន្តែទំលាប់បន្ទោរបង់ដែលមានសេចក្តីសុខសប្បាយ និងល្អ គឺការដែលមានពេលវេលាជុះទៀងទាត់ ហើយការដែលទំលាប់វាទៅ វាក៏ជួយសម្រួលដល់ការងារចាំបាច់របស់អ្នកផងដែរឬការចេញទៅក្រៅ អ្នកមិនភ័យព្រួយបារម្ភពីការឈឺជុះនៅខាងក្រៅ។ ប៉ុន្តែមនុស្សម្នាក់ៗ ពេលខ្លះក៏មានទំលាប់ខុសគ្នា អ្នកខ្លះជុះបីថ្ងៃម្តង អ្នកខ្លះមួយថ្ងៃបីដង ដូច្នេះថាមិនត្រូវដែរ គ្រាន់តែថាធ្វើយ៉ាងណាត្រូវតែមានទំលាប់ល្អក្នុងបន្ទោរបង់ មានពេលវេលាទៀងទាត់ គឺនៅពេលព្រឹកព្រលឹមនេះឯង៕  

មតិយោបល់

ពេញនិយម