តោះៗ! មកជួបជាមួយមនុស្សដែលមានអវៈយវៈវែងជាងគេលើលោក!!!
Connect with us

ទាក់ទាញ

តោះៗ! មកជួបជាមួយមនុស្សដែលមានអវៈយវៈវែងជាងគេលើលោក!!!

ជាការពិតណាស់ មនុស្សយើងម្នាក់ៗកើតមកសុទ្ធតែមានរូបសម្បត្តិផ្សេងៗគ្នា។ ផ្នែកនៃរាងកាយរបស់មនុស្សម្នាក់ៗក៏មានការលូតលាស់ផ្សេងៗគ្នាដែរ។ អ្នកខ្លះអាចមានអវយវៈ ឬផ្នែកនៃរាងកាយលូតលាស់ខុសប្រក្រតីដោយសារកត្តាចំនីអាហារ ឬកត្តាហ្សែន (Genetic) ហើយវាបានកា្លយទៅជាលក្ខណៈពិសេសរបស់បុគ្គលនោះ។ ដូច្នេះហើយទើបសៀវភៅកំណត់ត្រាពិភពលោកហ្គីណេស (Guinness Book of World Records) បានកត់ត្រាទុកមនុស្សមួយចំនួនដែលមានផ្នែកនៃរាងកាយវែងជាងគេលើលោក។

១. លោក Anthony Victor (ជនជាតិឥណ្ឌា) មានរោមត្រចៀកវែងជាងគេ ប្រវែង ១៨.១ សង់ទីម៉ែត្រ។

២. លោក Nick Stoeberl (ជនជាតិអាមេរិក) មានអណ្តាតវែងជាងគេ ប្រវែង ១០.១ សង់ទីម៉ែត្រ។

៣. អ្នកនាង You Jianxia (ជនជាតិចិន) មានរោមភ្នែកវែងជាងគេ ប្រវែង ១២.៤ សង់ទីម៉ែត្រ។

៤. កញ្ញា Ekaterina Lisina (ជនជាតិរុស្ស៊ី) មានជើងវែងជាងគេ ប្រវែង ១៣២ សង់ទីម៉ែត្រ។

៥. លោក Matthew McGrory (ជនជាតិអាមេរិក) មានមេជើងវែងជាងគេ ប្រវែង ១២.៧ សង់ទីម៉ែត្រ។

៦. អ្នកនាង Xie Qiuping (ជនជាតិចិន) មានសក់វែងជាងគេ ប្រវែង ៥.៦២ ម៉ែត្រ។

៧. អ្នកនាង Lee Redmond (ជនជាតិអាមរិក) មានក្រចកដៃវែងជាងគេ ប្រវែងសរុបទាំង១០ម្រាមគឺ ៨.៦៥ ម៉ែត្រ។

៨. ស្ត្រីនៃកុលសម្ព័ន្ធPadaung ឬ Karen (ប្រទេសមីយ៉ាន់ម៉ា) មានកវែងជាងគេ ប្រវែងវែងបំផុតគឺ ៤០ សង់ទីម៉ែត្រ។

៩. លោក Mehmet Özyürek (ជនជាតិតួកគី) មានច្រមុះវែងជាងគេ ប្រវែង ៨.៨ សង់ទីម៉ែត្រ។

ប្រភព៖ Guinness World Records

អត្ថបទល្អផ្សេងទៀត៖ កំពូលមនុស្សទាំង១០នាក់ដែលមានថាមពលចម្លែកខុសគេ

យើងធ្លាប់បានឃើញហើយនៅក្នុងភាពយន្តហូលីវូដ ឬភាពយន្តបែបប្រយុទ្ធគ្នាដោយប្រើយុទ្ធសិល្ប៏ ឬថាមពលផ្សេងៗ ដែលមនុស្សឯទៀតមិនមាន។ តួយ៉ាង នៅក្នុងជីវិតពិតវាក៏មានដែរនូវមនុស្សដែលមានកម្លាំងខ្លាំង និងថាមពលចម្លែកៗគួរឱ្យកោតសរសើរ។ ដូច្នេះថ្ងៃនេះយើងនឹងណែនាំមនុស្សទាំង១០ រូបដែលពួកគេសុទ្ធតែមានថាមពលចម្លែក ដែលមនុស្សគ្រប់គ្នាប្រាថ្នាចង់បានជារឿយៗ។

. លោក Liew Thow Lin បុរសដែកឆក់

10 superpower people

មានមនុស្សមួយចំនួនដែលអាចមានថាមពលឆក់បែបនេះ ប៉ុន្តែនៅក្នុងប្រវត្តិសាស្រ្តទាំងអស់បុរសឈ្មោះថា Liew Thow Lin នេះគឺមានឈ្មោះល្បីល្បាញជាងគេនៅប្រទេសចិន ដែលរាងកាយរបស់គាត់គឺអាចឆក់របស់របរបានជាច្រើនមុខ ជាពិសេសគឺជាតិដែក។

. លោក Daniel Browning Smith បុរសខ្លួនកៅស៊ូ

10 superpower people

បុរសម្នាក់នេះមានតួនាទីជា ពិធីករ ជាអ្នកកំប្លែង ជាអ្នកលេងកីឡា និងជាបុរសអច្ឆរយៈដែលអាចបត់បែនរាងកាយរបស់គេឱ្យទន់ដូចកៅស៊ូបាន។ លោកបានគេស្គាល់ថាជាមនុស្សដែលមានទេពកោសល្យក្នុងការបត់បែនខ្លួនបានទន់ និងបានគ្រប់កាលៈទេសៈ ដូចអ្នកលេងសៀកយ៉ាងអញ្ចឹងដែរ។

. លោក Shi Liliang អ្នករត់លើទឹក

បុរសម្នាក់នេះត្រូវបានគេស្គាល់ថាជាលោកសង្ឃសៅលីញម្នាក់ដែលមានទេពកោសល្យអាចរត់លើទឹកបានដល់ ១២៥ម៉ែត្រ ធ្វើឱ្យលោកអាចបំបែកអកត្តកម្មពិភពលោកកាលពីឆ្នាំ ២០១៥។

. លោក Hai Ngoc បុរសជើងខ្លាំងអត់ដេក

10 superpower people

បុរសជនជាតិវៀតណាមម្នាក់នេះ មិនបាច់ត្រូវការកាហ្វេឡើយ គឺលោកអាចអត់គេងបានរាប់ឆ្នាំ គាត់អត់គេងជាង​ ៤៣ឆ្នាំទៅហើយ។ គាត់ត្រូវបានគេដឹងថាគាត់កើតកាលពីឆ្នាំ ១៩៤២ ប៉ុន្តែគាត់មានបញ្ហាគេងមិនលក់ជានិច្ច ហើយគាត់តែងតែយកពេលវេលានោះទៅធ្វើការផ្សេងៗ។

. លោក Stephen Wiltshire ពូកែខាងចងចាំ

10 superpower people

ជាជាតិអង់គ្លេស លោកជាស្ថាបត្យកម្មមួយរូបដែលល្បីដោយសារតែភាពអស្ចារ្យរបស់លោក គឺលោកអាចប្រើការចងចាំដ៏ខ្លាំងក្លារបស់លោក ដើម្បីគូរប្លង់ និងរូបភាពផ្សេងៗដោយមិនចាំបាច់មើលគំរូឡើយ។ ការចងចាំរបស់លោកបានធ្វើឱ្យលោកក្លាយជាមនុស្សអស្ចារ្យ ក្នុងវិស័យការងារស្ថាបត្យកម្មរបស់លោក។

. លោក Rathakrishan Velu បុរសដែលមានធ្មេញខ្លាំងក្លា

10 superpower people

បុរសជនជាតិឥណ្ឌា បានប្រើធ្មេញរបស់លោកដើម្បីទាញរថភ្លើងមួយដែលមានទំងន់ ២៦០ តោន​ ឱ្យឈប់បានជាមួយនឹងធ្មេញដ៏ខ្លាំងក្លារបស់លោក។ ហើយលោកក៏បានធ្លាប់ទទួលមេដៃហ្គីនេស បំបែកអកត្តកម្មពិភពលោកកាលពីពេលកន្លងទៅផងដែរ។

.​ លោក Wim Hof បុរសទឹកកក

10 superpower people

បុរសម្នាក់នេះ គឺអាចទ្រាំទៅនឹងអាកាសធាតុ និងត្រជាក់បានដោយងាយ។ លោកអាចតស៊ូនៅក្នុងអាកាសធាតុដែលត្រជាក់ខ្លាំង និងក្តៅខ្លាំង ដោយមិនមានអារម្មណ៏អ្វីទាំងអស់ ហើយការដើរឡើងភ្នំទឹកកកមួយទាំងមូល គឺមិនមែនជាបញ្ហារបស់លោកនោះទេ។

. លោក Ben Underwood បុរសប្រជៀវ

10 superpower people

បុរសម្នាក់នេះបានកើតជម្ងឺមហារីកម៉្យាងដែលធ្វើឱ្យគេបាត់បង់ការមើលឃើញ ឬហៅថាពិការភ្នែក ប៉ុន្តែនៅពេលដែលគេលូតលាស់ធំឡើង គេអាចមានសមត្ថភាពមួយដែលអាច លេងហ្គេម ជិះកង់ ជិះស្គី ឬឡើងភ្នំ និងធ្វើអ្វីផ្សេងៗទៀតបានធម្មតា ដោយមិនចាំបាច់ប្រើភ្នែក។

. លោក Michel Lotito បុរសពូកែញ៉ាំ

10 superpower people

លោកគឺជាអ្នកកំប្លែងជនជាតិបារាំង ដែលអាចញ៉ាំអ្វីៗបានគ្រប់យ៉ាង បូករួមទាំង កៅស៊ូ ដែក និងកែវ ធ្វើឱ្យលោកក្លាយជាបុរសល្បីល្បាញខាងញ៉ាំតែម្តង។

១០. លោក Kevin Richarson អ្នកនិយាយភាសាសត្វ

10 superpower people

បុរសម្នាក់នេះ ជាអ្នកធ្វើការនៅសួនសត្វ នៅឯប្រទេស អាហ្វ្រិកខាងត្បូង គាត់ជាបុរសម្នាក់ដែលអាចនិយាយភាសាសត្វ និងមានទំនាក់ទំនងយ៉ាងជិតស្និទជាមួយនឹងសត្វទាំងនោះ ដោយគ្មានភាពភ័យខ្លាចអ្វីឡើយ សត្វទាំងនោះមានទាំងសត្វតោ សត្វខ្លាគ្រប់ប្រភេទ៕

មតិយោបល់

ពេញនិយម