ពិសេសណាស់! ប្រទេសចិនពេលនេះមានប្រព័ន្ធដាក់ពិន្ទុដល់ប្រជាជនខ្លួនទៀតផង!
Connect with us

ទាក់ទាញ

ពិសេសណាស់! ប្រទេសចិនពេលនេះមានប្រព័ន្ធដាក់ពិន្ទុដល់ប្រជាជនខ្លួនទៀតផង!

ក្នុងរយះពេលប៉ុន្មានឆ្នាំចុងក្រោយនេះ សន្ទុះនៃពត៌មានប្លែកៗទាក់ទងនឹងប្រទេសចិនបានកើនឡើងជាលំដាប់ ដោយសារតែប្រទេសនេះបាននឹងកំពុងក្លាយខ្លួនជាមហាអំនាចមួយរូបដែលអាចប្រកួតប្រជែងជាមួយប្រទេសខ្លាំងៗដទៃទៀតហើយ ដូច្នេះវាគឹការចាំបាច់ដែលប្រទេសចិនត្រូវរៀបចំប្រទេសខ្លួនអោយបានល្អឈានមុខគេ។

ចំពោះទស្សនះរបស់ពិភពលោក ពួកគេមិនសូវជាមើលមកជនជាតិចិននៅក្នុងផ្លូវល្អប៉ុន្មានឡើយ ពោលគឺជនជាតិចិនតែងតែធ្វើអោយគេឃើញថាខ្លួនមានអត្តចរិតឈ្លើយ កោងកាច គ្មានសណ្តាប់ធ្នាប់ រឺមិនចេះគិតពីអ្នកដទៃជាដើម។

ប៉ុន្តែការគិតបែបនេះគឺអាចជារឿងពិតមួយ ដោយសារតែប្រទេសចិនធាតុពិតទៅគឺងើបតែរីកចម្រើនខ្លាំងនាប៉ុន្មានឆ្នាំចុងក្រោយនេះទេ ហើយទន្ទឹមនឹងការរីកចម្រើននោះ មានប្រជាជនរបស់ខ្លួនមិនតិចជាងរយលាននាក់ទេ ដែលមិនទាន់បានទទួលយកការអប់រំដិតដល់ដូចមហាអំនាចសេដ្ឋកិច្ចដទៃ។ អញ្ចឹងហើយទើបប្រជាជនខ្លួនភាគច្រើនមើលទៅមិនសូវជាអាចចូលចំនោមជាមួយនឹងជនជាតិដទៃ។

ដើម្បីដោះស្រាយបញ្ហានេះ និងដើម្បីធានាអោយបានសន្តិសុខក្នុងប្រទេសផងនោះ រដ្ឋាភិបាលចិនបានសម្រេចបង្កើតគោលនយោបាយមួយ ដែលដាក់ពិន្ទុដោយទៅប្រជាជនខ្លួនណាម្នាក់ដែលរស់នៅប្រកដទៅដោយសណ្តាប់ធ្នាប់ល្អក្នុងសង្គម និងដកពិន្ទុសម្រាប់បុគ្គលណាដែលបង្កជាភាពចលាចល រឺអសីលធម៌នៅក្នុងសង្គម។

ការដាក់ពិន្ទុនេះទៀតសោតមានធ្វើឡើងដូចជាទៅការការគោរពច្បាប់ ការចាយវាយ និងការប្រាស្រ័យទាក់ទងរវាងគ្នានិងគ្នាក្នុងសង្គម។ បុគ្គលដែលទទួលបានពិន្ទុខ្ពស់នឹងទទួលបានការយកចិត្តទុកដាក់ច្រើនជាងធម្មតា ឧទាហរណ៍ថាអាចចូល បានលឿនជាងអ្នកដទៃ រឺអាចទទួលបានការផ្គូផ្គងច្រើននៅក្នុងកម្មវិធីស្វែងរកគូរស្នេហ៍ជាដើម។

ផ្ទុយទៅវិញ សម្រាប់អ្នកដែលមានពិន្ទុតិចអាចនឹងទទួលការពិន័យដោយអ៊ីនធឺណែតខ្លួនប្រើប្រាស់នោះមានល្បឿនយឺតជាងមុន រឺក៏ការពង្រឹងតឹងរឹងទៅលើការធ្វើដំណើរទៅណាជាដើម។

ដើម្បីសម្រេចបាននូវគោលនយោបាយមួយនេះ រដ្ឋាភិបាលចិនបានប្រើប្រាស់កាមេរ៉ាសុវត្ថិភាពប្រមាណជាជាង១៧៦លានកាមេរ៉ាហើយមកទល់ពេលនេះ ហើយពួកគេក៏មានគម្រោងដាក់កាមេរ៉ាអោយបានច្រើនជាងនេះដែរនៅក្នុងឆ្នាំ ២០២០៕

អត្ថបទល្អផ្សេងទៀត៖ ហេតុអ្វីបានជាចិន មិនអោយប្រជាជនខ្លួនប្រើប្រាស់ Facebook?

ប្រសិនជាអ្នកធ្លាប់បានទៅប្រទេសចិន រឺក៏មានមិត្តភក្តិដែលធ្លាប់ចេញចូលប្រទេសចិន អ្នកប្រាកដជាបានដឹងហើយថា នៅក្នុងប្រទេសចិន បណ្តាញសង្គម Facebook គឺមិនត្រូវបានរដ្ឋាភិបាលអនុញ្ញាតអោយប្រើប្រាស់នោះឡើយ។

ហេតុអ្វីបានជាដូច្នេះទៅវិញ?
ដោយសារតែរដ្ឋាភិបាលចិនជារដ្ឋាភិបាលកុំមុយនីស្ត ដូច្នេះហើយពួកគេមានប្រព័ន្ធគ្រប់គ្រងយ៉ាងតឹងតែងទៅលើប្រព័ន្ធផ្សព្វផ្សាយផ្សេងៗ ជាពិសេសទាក់ទងនឹងការចែកចាយនៅលើអ៊ីនធើណែត។ រៀងរាល់ពត៌មានអ្វីក៏ដោយដែលអាចធ្វើអោយប៉ះពាល់ដល់រដ្ឋាភិបាល ក៏ដូចជាបញ្ហាអ្វីក្នុងផ្សេងៗដែលអាចនាំអោយមានបញ្ហាសណ្តាប់ធ្នាប់ដល់សង្គម នឹងត្រូវបានហាមឃាត់ជាដាច់ខាត។

ប៉ុន្តែសម្រាប់ក្រុមហ៊ុន Facebook វិញ រៀងរាល់ពត៌មានរបស់ខ្លួនត្រូវបានបង្ហោះឡើងដោយអ្នកប្រើប្រាស់ជុំវិញពិភពលោក ដោយពួកគេខ្លះអាចថែមទាំងសរសេរទាក់ទងវាយប្រហារដល់រដ្ឋាភិបាលប្រទេសណាមួយ ដើម្បីជានិន្នាការប្រឆាំងនឹងនយោបាយរបស់ប្រទេសណាមួយទៀត ដូច្នេះវាជារឿងសំខាន់មួយដែលរដ្ឋាភិបាលចិនត្រូវដាក់សម្ពាធលើក្រុមហ៊ុន Facebook ជាខ្លាំង ប្រសិនជាខ្លួនពិតជាអាចអនុញ្ញាតអោយជនជាតិចិនប្រើប្រាស់បានមែននោះ។

ដោយសារតែមានបញ្ហាចម្រូងចម្រាស់ជាច្រើនបែបនេះហើយ ទើបធ្វើអោយមកទល់ពេលនេះ បណ្តាញសង្គម Facebook មិនត្រូវបានអនុញ្ញាតអោយប្រើប្រាស់ជាផ្លូវការដោយរដ្ឋាភិបាលចិននោះឡើយ។ ទោះជាយ៉ាងណាក៏ដោយ ទន្ទឹមនឹងការហាមឃាត់ Facebook នេះ មានកម្មវិធីផលិតក្នុងស្រុកដ៏ល្បីៗជាច្រើនដូចជា WeChat និង Weibo ដែលមានតួនាទីដូចជា Facebook ដែរ ដើម្បីជំនួសតំនែងរបស់ Facebook មកកាន់អ្នកប្រើប្រាស់៕

មតិយោបល់

ពេញនិយម