តោះ! ចង់ដឹងអត់ថានាយករដ្ឋមន្ត្រីថ្មីលោក មូហាធៀ ម៉ូហាម៉ាត់ ជានរណា?
Connect with us

ពួកគេជានរណា

តោះ! ចង់ដឹងអត់ថានាយករដ្ឋមន្ត្រីថ្មីលោក មូហាធៀ ម៉ូហាម៉ាត់ ជានរណា?

ថ្មីៗទាំងសារពត៌មានក្នុងស្រុក និងក្រៅស្រុកសុទ្ធតែបានចុះពីប្រធានបទស្តីពីលទ្ធផលបោះឆ្នោតជាសកលរបស់ប្រទេសម៉ាឡេស៊ីស្ទើរតែគ្រប់ប្រទេសនៅក្នុងពិភពលោក។

អ្វីដែលគួរអោយចាប់អារម្មណ៍នោះគឺថា នៅក្នុងការបោះឆ្នោតនេះ ក្រុមគណបក្សប្រឆាំងបានយកឈ្នះគណបក្សកាន់អំនាចយ៉ាងងាយស្រួល ដោយទទួលបានលទ្ធផល ១១២កៅអី បើប្រៀបធៀបនឹងគណបក្សកាន់អំនាចដែលទទួលបានត្រឹមតែ៧៦កៅអីតែប៉ុណ្ណោះ។

ប៉ុន្តែរឿងហេតុដែលគួរអោយពិសេសជាងនេះទៅទៀតនោះគឺថា គណបក្សប្រឆាំងដែលឈ្នះនោះគឺដឹកនាំដោយបុរសចំនាស់អាយុ ៩២ឆ្នាំម្នាក់ឈ្នោះថា ម៉ូហាធៀ ម៉ូហាម៉ាត់។ តើលោកជានរណា? ហេតុអ្វីបានជាលោកទទួលបានការគាំទ្រយ៉ាងគំហុកបែបនេះ?

សម្រាប់អ្នកដែលតាមដានពត៌មានអន្តរជាតិ រឺជនជាតិម៉ាឡេស៊ីផ្ទាល់នោះ បុរសចំនាស់ម្នាក់នេះមិនមែនជាមនុស្សប្លែកមុខណានោះឡើយ។ លោក ម៉ូហាធៀ ម៉ូហាម៉ាត់ គឺធ្លាប់បានធ្វើជានាយករដ្ឋមន្ត្រីនៅប្រទេសម៉ាឡេស៊ីនោះកាលពីមុនប៉ុន្មានដងរួចមកហើយ។

លោកធ្លាប់ជាសមាជិកដំបូងនៅក្នុងប័ក្ស United Malay National Organisation (UMNO) ដែលជាក្រុមតស៊ូបង្កើតឡើងដើម្បីទាមទារយកឯករាជ្យពីអាណានិគមអង់គ្លេស។ លោកធ្លាប់បានកាន់អំនាចលើកទី១នៅឆ្នាំ ១៩៦៤ ប៉ុន្តែត្រូវបានចុះចេញពីដំណែង៥ឆ្នាំក្រោយមក ដោយសារតែបញ្ហារើសអើងជាតិសាសន៍រវាងចិន និងម៉ាឡេ។

នៅក្នុងកំឡុងឆ្នាំ ១៩៧០ លោកបានចុះចូលនឹងប័ក្ស UMNO វិញ ហើយនឹងបានកាន់អំនាចម្តងទៀតនៅឯឆ្នាំ​ ១៩៨១ រហូតដល់ឆ្នាំ ២០០៣។ កាលនោះ លោកគឺជានាយករដ្ឋមន្ត្រីដែលកាន់អំនាចបានយូរបំផុតនៅក្នុងពិភពលោក។

នៅក្រោមការគ្រប់គ្រងរបស់លោក លោក ម៉ូហាធៀ ម៉ូហាម៉ាត់ ត្រូវបានគេគោរពដោយសារតែលោកមានស្នាដៃក្នុងការស្តារសេដ្ឋកិច្ច និងធ្វើអោយប្រទេសម៉ាឡេស៊ីមានការរីកចម្រើន។ កាលនោះ លោកមានបំនងអោយសង់អាគារភ្លោះដែលម៉ាឡេស៊ីមានសព្វថ្ងៃនេះ ព្រោះលោកចង់អោយម៉ាឡេស៊ីដើរតួរជាមហាអំនាចមួយដែរនៅក្នុងពិភពលោក។

ការវិលត្រលប់ចូលឆាកនយោបាយសារជាថ្មីនេះគឺត្រូវបានធ្វើឡើងបន្ទាប់ពីមានការលេចធ្លាយពត៌មានយ៉ាងធ្ងន់ធ្ងរទាក់ទងនឹងបញ្ហាពុករលួយលុយរាប់ពាន់លានដុល្លាររបស់អតីតនាយករដ្ឋមន្ត្រីម៉ាឡេស៊ីគឺលោក នីចាប់ រាហ្សាក់។ លោក ម៉ូហាធៀ ម៉ូហាម៉ាត់បាននិយាយថាការវិលត្រលប់របស់លោកលើកនេះគឺដើម្បីកសាងច្បាប់ប្រទេសអោយបានល្អឡើងមកវិញ ហើយនិងដាក់ទោសចំពោះអ្នកដែលធ្វើខុស៕

អត្ថបទល្អផ្សេងទៀត៖ចំណុចរបត់ដ៏សំខាន់នេះហើយដែលផ្លាស់ប្តូរជីវិតរបស់មេដឹកនាំអាល្លឺម៉ង់ អាដុល ហុីត្លែ ពីស្លូតមកសាហាវរកលេខដាក់គ្មាន!

នៅក្នុងវ័យកុមារភាព ហ៊ីត្លែរ ត្រូវអត់ទ្រាំជាមួយនឹងអារម្មណ៍ឆេវឆាវ និងភាពតឹងរ៉ឹងរបស់ឪពុក ដែលឪពុកជាអ្នកកំណត់លើវាសនាទាំងស្រុង រហូតធ្វើឲ្យហ៊ីត្លែរ មានអារម្មណ៍ថាតានតឹង ប៉ុន្តែជាសំណាងល្អដែលមានម្តាយជាអ្នកចាំជួយ និងស្រឡាញ់។ យល់ចិត្តគាត់ ផ្តល់ក្តីស្រឡាញ់ និងការយល់ចិត្តឲ្យទៅគាត់។

អាដុលហ្វ៍ ហ៊ីត្លែរ (Adolf Hitler) កើតនៅថ្ងៃទី២០ ខែមេសា ឆ្នាំ១៨៨៩ នៅប្រទេសអូទ្រីស-ហុងគ្រី (Austria-Hungary) ។ គាត់បានទទួលមរណភាព នៅថ្ងៃទី៣០ ខែមេសា ឆ្នាំ១៩៤៥ ទីក្រុងប៉ែកឡាំង ប្រទេសអាល្លឺម៉ង់ (Berlin, Germany)។ គាត់គឺជាមេដឹកនាំបក្សណាស៊ី (Nazi) របស់អាល្លឺម៉ង់ នឹងជាអ្នកបង្កាត់ភ្លើងសង្រ្កាមលោកលើកទី២ តែម្តង។

អាដុល ហ៊ីត្លែរ គឺជាមនុស្សម្នាក់ដែលលេចធ្លោនៅក្នុងទំព័រប្រវត្តិសាស្ត្ររបស់ពិភពលោក។ ដែលមានរហស្សនាមថា “កំពូលមនុស្សផ្ដាច់ការនៃយុគសម័យ”។ ការស្លាប់ ឬត្រូវរស់រានមានជីវិតមនុស្សជាច្រើន គឺស្ថិតលើការបញ្ជារបស់គាត់តែមួយភ្លេតប៉ុណ្ណោះ។ តើនឹងមាននរណាខ្លះដឹងទៅថា ក្រោមកំបាំងមុខរបស់មនុស្សផ្ដាច់ការ កំពូលកាចសាហាវ បែរជាមានភាពទន់ភ្លន់របស់សិល្បករ អ្នកច្នៃប្រឌិតលាក់នៅក្នុងនោះទៅវិញ។

ហ៊ីត្លែរ ត្រូវតស៊ូជាមួយការគាបសង្កត់ពីឪពុក និងមនុស្សចាស់ទាំងឡាយ ដែលនៅជុំវិញខ្លួន ដើម្បីដើរតាមក្តីស្រមៃរបស់ខ្លួនឯងក្នុងការប្រកបអាជីពជាវិចិត្រករ។ ប៉ុន្តែ នៅពេលដែលគាត់ចង់ចូលទៅសិក្សាក្នុងមហាវិទ្យាល័យសិល្បៈមួយដែលល្បីឈ្មោះ ពេលនោះផ្លូវនៃក្ដីស្រមៃរបស់គាត់បែរក្លាយជាងងឹតឈឹងគ្មានពន្លឺ ក្នុងខណៈដែលគាត់បានជួបប្រទះនឹងគ្រោះកម្មមួយគឺ ភាពទាល់ក្រ។

ម្យ៉ាងទៀត រលកនៃសំណាងអាក្រក់ បានបោកបក់វាយប្រហារគាត់បន្ថែមពីលើគាត់ ដោយការចាកចេញរបស់មនុស្សជាទីស្រឡាញ់របស់គាត់។

នៅពេលដែលក្តីស្រមៃត្រូវរលាយបាត់ទៅ ព្រមជាមួយនឹងការបាត់ បង់ក្តីស្រឡាញ់ ហ៊ីត្លែរ ក៏ចាំបាច់ត្រូវដើរលើផ្លូវរបស់ទេវតា ដែលបានកំណត់ទុកឲ្យគាត់។ ផ្លូវដើរនោះ គឺជាការស្ម័គ្រចូលធ្វើជាទាហាន ហើយចូលរួមច្បាំងក្នុងសង្គ្រាមលោកលើកទី១ ទៀតផង។

ភាពក្លាហានរបស់ ហ៊ីត្លែរ ព្រមជាមួយភាពអង់អាច បាននាំយកកិត្តិយស និងកេរ្តិ៍ឈ្មោះមកឲ្យគាត់ជាច្រើន រហូតទទួលបានមេដៃឥស្សរិយយសទៀតផង។ តែទោះជាយ៉ាងនោះក្តី ការទទួលរងរបួសក្នុងចម្បាំង ក៏ធ្វើឲ្យគាត់ត្រូវព្យាបាលរបួសក្នុងមន្ទីរពេទ្យ នៅក្នុងពេលដែលសង្គ្រាមលោកលើកទី១ ត្រូវបានបញ្ចប់ ដោយប្រទេសអាល្លឺម៉ង់ ជាភាគីចាញ់សង្គ្រាម។

Related image

ចំពោះការបរាជ័យរបស់ប្រទេស ដែលជាទីគោរពស្រឡាញ់របស់ខ្លួន បានធ្វើឲ្យ ហ៊ីត្លែរ មានការសោកស្ដាយជាពន់ពេក មិនអស់ចិត្តឡើយ ហើយក៏ធ្លាក់ទៅក្នុងភាពសោកសៅអស់រយៈពេលជាយូរ ដោយមិនដឹងឡើយថា សង្គ្រាមលោកនៅលើកក្រោយ បុគ្គលដែលដុតភ្លើងសង្គ្រាមឡើងមកថ្មី គឺជារូបរបស់គាត់ផ្ទាល់ទៅវិញ។

Related image

គួរំលឹកវិញថា នៅវ័យក្មេងមុនពេលកាន់អំណាច ហុីត្លែ បរិភោគតែអាហារបួសតែប៉ុណ្ណោះ ចេះស្រលាញ់បរិស្ថាន មិនដែលសម្លាប់សត្វឡើយ។ ក៏ប៉ុន្តែ ក្រោយពីពេលដែលគាត់ស្រវឹងអំណាច បែរជាផ្លាស់ប្តូរពីមនុស្សស្លូតត្រង់​ទៅជាមនុស្សកាចសាហាវ និងផ្តាច់ការ សម្លាប់មនុស្សរាប់លាននាក់គួរឲ្យញញើតទៅវិញ។

ដូច្នេះវាត្រូវនឹងពាក្យសុភាសិតខ្មែរយើងថា «ពេលបានធ្វើធំតែភ្លេចតូច, នៅពេលមានបានតែងភ្លេចកាលខ្លួននៅក្រីក្រ និងពេលបានទទួលបានអំណាច​ តែចង់អួតអ្នកដទៃ» ដែលជាហេតុធ្វើឲ្យមានវិនាសកម្មពិភពលោក ជាប់ឈ្មោះនៅក្នុងប្រវត្តិសាស្ត្រ៕

មតិយោបល់

ពេញនិយម