អញ្ចឹងតើបានជាអោយតែឆ្អែតតែងតែមានអារម្មណ៍ងងុយគេង!
Connect with us

សុខភាព & សម្រស់

អញ្ចឹងតើបានជាអោយតែឆ្អែតតែងតែមានអារម្មណ៍ងងុយគេង!

វាគឺជារឿងទូទៅខ្លាំងណាស់ ដែលមនុស្សស្ទើរតែគ្រប់គ្នាទៅហើយ ដោយបន្ទាប់ពីពួកគេទទួលទានអាហារឆ្អែតហើយ ពួកគេច្រើនតែងងុយគេង ហើយភាគច្រើននៃអាការះនេះទៀតនោះគឺកើតឡើងកំឡុងពេលបន្ទាប់ពីបាយថ្ងៃត្រង់រួច។

ហេតុអ្វីបានជាអញ្ចឹងតើបានជាអោយតែឆ្អែតតែងតែមានអារម្មណ៍ងងុយគេងទៅវិញ?

ការងងុយគេងបន្ទាប់ពីទទួលទានអាហាររួចអាចបណ្តាលមកពីមូលហេតុច្រើន ដោយក្នុងនោះមានដូចជា៖

១. ប្រព័ន្ធរំលាយអាហារ និងអរម៉ូន

នេះគឺជាកត្តាដែលពេញនិយម រឺក៏ទូទៅបំផុតសម្រាប់មនុស្សស្ទើរតែ៩០%ដែលែទទួលទានអាហារហើយមានអារម្មណ៍ងងុយគេង។ បន្ទាប់អ្នកទទួលទានឆ្អែត ខ្លួនរបស់អ្នកនឹងបញ្ចេញសារធាតុដូចជា amylin, glucagon រឺcholecystokinin ជាដើម ដែលពួកវានេះនឹងធ្វើអោយអ្នកមានអារម្មណ៍ឆ្អែត ខណះដែលខួរក្បាលក៏បានឆ្លើយតបដោយបញ្ចេញអរម៉ូន សេរ៉ូតូនីន ដែលធ្វើអោយអ្នកងងុយគេងដូចគ្នា។

២. ប្រភេទអាហារ

ជួនកាល ក្រៅពីការរំលាយអាហារ និងអរម៉ូនហើយនោះ ការងងុយគេងក្រោយពេលទទួលទានអាហារក៏បណ្តាលមកពីប្រភេទអាហារដែលអ្នកបរិភោគផងដែរ ពោលគឺអាហារខ្លះមានផ្ទុកសារធាតុផ្សេងៗដែលអាចទៅជួយបង្កើនដល់ការផលិតអរម៉ូនមេឡាតូនីន ដែលជាអរម៉ូនទទួលខុសត្រូវអោយអ្នកមានអារម្មណ៍ងងុយគេង។

៣. ទម្លាប់គេងក្រោយពេលទទួលទានអាហារ

មានមនុស្សមួយចំនួន គឺមានទម្លាប់ទម្លាប់គេងក្រោយពេលទទួលទានអាហារ ពិសេសគឺអាហារថ្ងៃត្រង់តែម្តង អញ្ចឹងហើយនេះអាចជារឿងធម្មតាមួយដែលកើតឡើងដោយសារតែទម្លាប់របស់អ្នកម្នាក់ៗ។

៤. បញ្ញាសុខភាព

គួរបញ្ជាក់ផងដែរថា ជួនកាលការងងុយគេងបន្ទាប់ពីទទួលទានអាហារក៏អាចបណ្តាលមកពីកត្តាសុខភាពរបស់អ្នកផ្ទាល់់ផងដែរក៏ថាបាន។ មានន័យថាជួនកាល អ្នកមានបញ្ហាសុខភាពអ្វីមួយ រឺមានសុខភាពខ្សោយក៏ធ្វើអោយបញ្ហានេះកើតឡើងបានយ៉ាងងាយស្រួលផងដែរ៕

អត្ថបទល្អផ្សេងទៀត៖ វិធីបញ្ឃប់បញ្ហាងងុយគេងនៅកន្លែងធ្វើការដោយមិនចាំបាច់ពិសារកាហ្វេ!

បញ្ហាងងុយគេងនៅពេលកំពុងរៀន រឺធ្វើការងារអ្វីមួយ គឺជារឿងសាមញ្ញបំផុតសម្រាប់មនុស្សរាល់គ្នា ប៉ុន្តែវាក៏ជារឿងដែលគួរអោយធុញដែរ ព្រោះអ្នកប្រាកដជាមិនអាចផ្តោតអារម្មណ៍បំពេញការងាររបស់អ្នកបានឡើយ ដោយសារតែភ្នែកអ្នកចេះតែចង់បិត។ អញ្ចឹងហើយទើបបានជាមនុស្សមួយចំនួនធំតែងតែទទួលទានភេសជ្ជះនានាដែលមានជាតិកាហ្វេអ៊ីនដើម្បីជួយអោយពួកគេស្វាងពីបញ្ហាងងុយគេងនោះ។

ថ្វីត្បិតតែអាចជួយដោះស្រាយបញ្ហាបានក៏ពិតមែន កាហ្វេអ៊ីនមានគុណវិបត្តិមួយគឺវាអាចធ្វើអោយអ្នកទទួលទានមានអាការះញៀនមិនអាចអត់វាបានទៅថ្ងៃក្រោយ បើកាលណាទទួលទានជាទៀងទាត់។

ក្រៅពីការទទួលទានភេសជ្ជះដែលមានជាតិកាហ្វេអ៊ីនដូចជាតែ រឺកាហ្វេជាដើម អ្នកអាចបំបាត់បញ្ហាងងុយគេងបានដោយធម្មជាតិតាមវិធីមួយចំនួនខាងក្រោមដូចជា៖

១. ងើបឈរពត់ខ្លួន

ប្រសិនជាអ្នកកំពុងតែអស់កម្លាំងងងុយគេង វិធីដំបូងគេបង្អស់ទាំងអស់ដែលអ្នកត្រូវធ្វើគឺងើបឈរពត់ខ្លួនចុះឡើងៗមួយសន្ទុះ។ ការធ្វើបែបនេះគឺដូចជាជួយដាស់អារម្មណ៍អ្នកអោយមានស្វាងជាងមុន។

២. ដើរចុះឡើងៗ

វិធីមួយទៀតបន្ទាប់ពីងើបឈរពត់ខ្លួនហើយនៅតែមិនបានជោគជ័យ អ្នកគួរតែចេញមកក្រៅបន្តិចដើម្បីដើរចុះដើរឡើងមួយសន្ទុះ អោយខ្លួនប្រាណរាងមានដំណើរការបន្តិច កុំអោយវាសម្រាកពេក ព្រោះវាជាហេតុដែលធ្វើអោយអ្នកងងុយគេង។

៣. សម្រាកភ្នែករបស់អ្នក

ជួនកាលអ្នកងងុយគេងក៏ដោយសារតែភ្នែកអ្នកសម្លឹងមើលអ្វីមួយយូរពេកដែរ ដូច្នេះហើយអ្នកគួរតែឧស្សាហ៍សម្រាកភ្នែករបស់អ្នក កុំអោយវាឆាប់អស់កម្លាំង រឺធ្វើការច្រើនពេក។

៤. ទទួលទានអាហារដែលប៉ូវកម្លាំង

អ្នកមានអារម្មណ៍ងងុយគេងអាចបណ្តាលមកពីខ្លួនប្រាណអស់កម្លាំង ដូច្នេះដោយអ្នកគួរតែព្យាយាមពិសារអាហារណាដែរសម្បូរទៅដោយជីវជាតិបំប៉ន ដើម្បីអោយខ្លួនប្រាណអ្នកមានកម្លាំងច្រើនជាងមុន និងធុនជាមួយនឹងការងងុយគេង។

៥. និយាយជាមួយអ្នកជិតខាងដើម្បីដាស់ខួរក្បាល

ក្រៅពីវិធីសាស្ត្រខាងលើ អ្នកក៏អាចបញ្ឈប់ការងារមួយចំនួនរបស់អ្នក ហើយបែរមកនិយាយជាមួយមនុស្សណាម្នាក់ប៉ុន្មាននាទីសិនក៏បាន ព្រោះវានឹងជួយអោយអ្នកស្វាងជាមុនបានយ៉ាងល្អ។

៦. ផ្លាស់ប្តូរការងារដើម្បីផ្លាស់ប្តូរបរិយាកាស

អ្នកអាចសាកល្បងផ្លាស់ប្តូរការងារដែលអ្នកកំពុងធ្វើទៅធ្វើការងារផ្សេងសិន ព្រោះការប្តូរការងារនឹងអាចធ្វើអោយអ្នកផ្លាស់ប្តូរអារម្មណ៍ ហើយបង្កើតការផ្ចិតផ្ចង់ ដែលវាអាចកាត់បន្ថយការងងុយគេង។

៧. គេងសម្រាកមួយភ្លែតសិន

ប្រសិនជាអ្នកសាកល្បងចំនុចទាំងអស់ខាងលើហើយនៅតែមិនអាចដោះស្រាយបញ្ហាងងុយគេងនេះទៀត អ្នកគេងសម្រាកក្នុងរយះពេលខ្លីមួយ ពោលគឺខ្ទង់១៥ទៅ២០នាទី ព្រោះវានឹងដោះស្រាយបញ្ហាងងុយគេងដោយមានប្រសិទ្ធិភាព៕

មតិយោបល់

ពេញនិយម