ទំលាប់អាក្រក់ទាំងនេះហើយដែលបំផ្លាញភាពឆ្លាតវ័យរបស់អ្នកដោយមិនដឹងខ្លួន
Connect with us

គួរដឹង

ទំលាប់អាក្រក់ទាំងនេះហើយដែលបំផ្លាញភាពឆ្លាតវ័យរបស់អ្នកដោយមិនដឹងខ្លួន

រឿងខ្លះៗដូចជាការជក់បារីនិងការផឹកស្រា ពិតជាប៉ះពាល់ដល់ការយល់ដឹង និងបង្អាក់សមត្ថភាពយល់ដឹងរបស់យើង។ ឧទាហរណ៍អ្នកប្រហែលជាមិនចង់ធ្វើតេស្ត IQ បន្ទាប់ពីរាត្រីមួយដែលទើបតែចេញការផឹកស៊ី ឬបារនោះទេ។ ទោះបីជាយ៉ាងណាក៏ដោយ មានទម្លាប់ជាច្រើនដែលយើងតែងតែធ្វើវាជារឿយៗ ហើយវាក៏ចូលរួមក្នុងការបន្ថយកម្រិតប្រាជ្ញារបស់យើងដោយមិនចាំបាច់ឱ្យយើងដឹងភ្លាមៗនោះឡើយ។

តួយ៉ាងភាពឆ្លាតវ័យរបស់មនុស្សយើងគឺខុសៗគ្នា ហើយក៏មានកត្តាជាច្រើនដែលប៉ះពាល់ដល់ភាពឆ្លាតវ័យទាំងនោះ ដូច្នេះថ្ងៃនេះអាណាចក្រចង់ប្រាប់មិត្តអ្នកអានខ្លះៗពីទំលាប់អាក្រក់ដែលធ្វើប៉ះពាល់ដល់គំនិតស្មារតី ភាពឆ្លាតវ័យ និងសុខភាពទាំងមូល។

១. ការដែលប្រើទូរស័ព្ទគ្រប់ពេលវេលា

យើងដឹងថាមនុស្សម្នាក់ៗសុទ្ធតែមានទូរស័ព្ទដៃកាន់ប្រើគ្រប់ៗគ្នា ព្រោះវាមានអត្ថប្រយោជន៏ច្រើនសម្រាប់យើងនៅពេលបច្ចុប្បន្ន ប៉ុន្តែយ៉ាងណាក្តី វានៅតែមានភាពមិនល្អមកជាមួយ ដូចជាការបង្អាក់ខាន និងកាត់បន្ថយកំរិតនៃភាពឆ្លាតវ័យរបស់យើង។ តាមការស្រាវជ្រាវរបស់សាកលវិទ្យាល័យ នៅទីក្រុង តិចសាស មួយបានបង្ហាញការពិសោធន៏រវាងមនុស្ស៨០០នាក់ ដែលមានទូរស័ព្ទ និងមនុស្សដែលមិនមានទូរស័ព្ទនៅពេលធ្វើតេស្ត។ លទ្ធផលគឺបង្ហាញថា មនុស្សដែលមិនមានទូរស័ព្ទជាប់ខ្លួន គឺអាចធ្វើបានល្អ ជាងអ្នកដែលមានទូរស័ព្ទជាប់ខ្លួន។ ដូច្នេះ ធ្វើឱ្យគេសន្និដ្ឋានថាទូរស័ព្ទពិតជាមានឥទ្ធិពលដល់ភាពឆ្លាតវ័យរបស់យើងមែន។ ទូរស័ព្ទវាធ្វើឱ្យយើងទំលាប់ខ្លួនចុចវាមិនឈប់ ធ្វើឱ្យយើងញៀន និងតែងតែឆែកវាគ្រប់ពេល ដូច្នេះ ការដែលទុកវាចោលខ្លះបើមិនចាំបាច់គឺជារឿងល្អមួយ។

២. របបញ៉ាំអាហារ

យើងទាំងអស់គ្នាដឹងថារាងកាយនិងខួរក្បាលរបស់មនុស្សត្រូវការវីតាមីននិងសារធាតុរ៉ែមួយចំនួនដើម្បីលូតលាស់និងដំណើរការល្អបំផុត។ ខួរក្បាលលូតលាស់លឿនបំផុតក្នុងអំឡុងពេលបីឆ្នាំដំបូងនៃជីវិត ដូច្នេះប្រភេទអាហារដែលផ្តល់ឱ្យកុមារក្នុងដំណាក់កាលនេះធ្វើឱ្យមានផលប៉ះពាល់យូរអង្វែងលើខួរក្បាលរបស់កុមារ។

ដូច្នេះរបបអាហារសម្រាប់កុមារគឺសំខាន់ណាស់សម្រាប់កំរិតនៃភាពចេះដឹង និងភាពឆ្លាតវ័យរបស់គេ អ្នកស្រាវជ្រាវក៏បាននិយាយថា បើសិនជាអ្នកធ្វើការផ្លាស់ប្តូររបបអាហារនៅពេលគេធំឡើង កំរិតនៃ IQ នោះក៏តែទាបជាងអ្នកដែលមានរបបអាហារល្អតាំងពីដំបូងដែរ។

៣. ការធ្វើការងារច្រើនក្នុងពេលតែមួយ

អ្នកខ្លះប្រហែលជាមិនដឹងទេថា ការធ្វើការងារច្រើន ឬពីរ បីក្នុងពេលតែមួយពិតជាមានលើមនុស្សយើងមែន អ្នកខ្លះចាប់ការងារច្រើនដោយសារតែតំរូវការជីវិត ដូច្នេះ គេត្រូវធ្វើការងារច្រើនក្នុងពេលតែមួយ។ ជាការពិត ខួរក្បាលយើងមិនអាចផ្ដោតបានល្អនោះទេ បើសិនមានការងារច្រើន ឬមានការគិតច្រើនក្នុងពេលតែមួយ ព្រោះខួរក្បាលមនុសយើងមានកំណត់ បើគិតច្រើន ឬមានការងារច្រើនវាក៏ហត់ណាស់ដែរ។ អ្នកខ្លះទៀតគិតថា ធ្វើការងារច្រើននៅពេលតែមួយបែបនេះគឺលឿន ប៉ុន្តែមិនពិតទេ ការធ្វើការងារម្តងមួយទើបប្រសើរ និងលឿនជាងពិតមែន។

អ្នកស្រាវជ្រាវក៏បានបន្តថា ទោះការជក់បារី ឬការអត់គេង ក៏មិនបាត់បង់ធំធេងនៃកំរិតភាពឆ្លាតវ័យដល់ការធ្វើការងារនៅពេលតែមួយនេះដែរ។

៤. ការញ៉ាំជាតិស្ករច្រើន

យើងដឹងហើយថាស្ករមិនល្អសម្រាប់សុខភាពរបស់យើងទេ មិនត្រឹមតែសុខភាព វាក៏អាចប៉ះពាល់ដល់ភាពឆ្លាតវ័យរបស់យើងដែរ។ អ្នកស្រាវជ្រាវក៏បានធ្វើពិសោធន៏ទៅលើសត្វកណ្តុរផងដែរ ដោយដាក់ឱ្យវាស៊ីរបស់ដែលមានជាតិស្ករខ្ពស់ និងអាហារដែលមានអូមេហ្គា៣។ រវាងទាំងពីរប្រភេទ កណ្តុរដែលញ៉ាំជាតិស្ករច្រើនគឺធ្វើការមិនបានល្អដូចកណ្តុរក្រុមផ្សេងនោះទេ វាមិនចាំផ្លូវបានច្បាស់ឡើយ។

ដូច្នេះមនុស្សយើងក៏ដូចគ្នាដែរ យើងដឹងថាយើងត្រូវការជាតិស្ករខ្លះ ប៉ុន្តែយើងក៏មិនត្រូវញ៉ាំវាច្រើនពេកដែរ យើងត្រូវចេះរើសប្រភេទអាហារញ៉ាំ ដូចជាផ្លែឈើដែលមិនសូវមានជាតិផ្អែម ឬញ៉ាំបន្លែជំនួសវិញក៏ប្រសើរដែរ។

. ការបើកបរហួសច្រើនពេក

ចំណុចមួយនេះប្រាកដជាផ្ដល់ការភ្ញាក់ផ្អើលដល់អ្នកជាមិនខាន ព្រោះមិនសូវមានអ្នកនិយាយពីវាឡើយ ដែលថាការបើកបរអាចប៉ះពាល់ដល់កំរិតប្រាជ្ញារបស់យើង។ ការបើកបរលើសពី ២ម៉ោងឡើងទៅជារៀងរាលើថ្ងៃ វាពិតជាកាត់បន្ថយភាពឆ្លាតវ័យ ក៏ដូចជាកំរិតនៃការគិតរបស់យើងដែរ។ ក្នុងចំណោមអ្នកធ្វើតេស្ត ៥០០០០០ នាក់ មាន៩៣០០០ នាក់ដែលតែងតែបើកឡានជាញឹកញាប់ ឬបើកឡានច្រើនម៉ោង ពិតជាមានការថយចុះនៃកំរិត IQ ពិតមែន។

ជាចុងក្រោយផងដែរ បើអ្នកមានទំលាប់ទាំងប្រាំ ឬមួយណាក្នុងចំណោមប្រាំនោះ អ្នកអាចធ្វើការផ្លាស់ប្តូរបន្តិចម្តងៗ ហើយជ្រើសរើសជីវិតមួយដែលត្រឹមត្រូវ ដែលមានសុខភាពល្អ ការផ្លាស់ប្តូរអាហារ ការទំលាប់ធ្វើការងារផ្សេងៗ ព្រោះវានឹងជួយដល់ការគិត គំនិតស្មារតី ភាពឆ្លាតវ័យ និងសុខភាពយើងទាំងមូលផងដែរ៕

អត្ថបទល្អផ្សេងទៀត៖ គន្លឹះសំខាន់ៗដើម្បីបង្កើនភាពឆ្លាតវ័យរបស់អ្នកអោយកាន់តែខ្លាំងទ្វេដង

ជាទូទៅមនុស្សយើងម្នាក់ៗតែងតែចង់បាននូវភាពវ័យឆ្លាតក្នុងការធ្វើអ្វីមួយ មិនថាភាពឆ្លាតវ័យក្នុងការធ្វើការងារ ភាពឆ្លាតវ័យក្នុងការសិក្សា និងជីវិតរស់នៅប្រចាំថ្ងៃផ្សេងៗ។ ក៏ប៉ុន្តែមនុស្សយើងកើតមកគឺមិនអាចយកនូវភាពឆ្លាតវ័យមកជាមួយបានភ្លាមនោះទេ ភាពឆ្លាតវ័យគឺកើតចេញពីការហ្វឹកហាត់ និងការរៀនសូត្រ លុតដំផ្សេងៗ។

ដោយឡែកភាពឆ្លាតវ័យរបស់មនុស្សយើងម្នាក់ៗក៏មានមិនស្មើគ្នាដែរ កំរិតនៃភាពឆ្លាតវ័យគឺខុសគ្នាពីមនុស្សម្នាក់ទៅមនុស្សម្នាក់ទៀត។ ដូចសព្វដងដែរ ថ្ងៃនេះអាណាចក្រនឹងនាំមកនូវគន្លឹះសំខាន់ៗមួយចំនួនដើម្បីបង្កើនភាពឆ្លាតវ័យរបស់យើងឱ្យបានឆាប់រហ័សនិងមានប្រសិទ្ធិភាព។

Improve your intelligence

១. បើយោងតាមអ្នកវិទ្យាសាស្រ្តផ្នែករោគប្រសាទ គាត់បានណែនាំដល់ការលេងវីដេអូហ្គេម ដែលអាចជួយបង្កើនភាពឆ្លាតវ័យរបស់មនុស្សយើង។​ វីដេអូហ្គេម អាចជួយពង្រឹងសមត្ថភាពរបស់អ្នកខាងផ្នែកវាយតម្លៃ និងវិភាគពីស្ថានការណ៏ផ្សេងៗ ហើយអាចជួយឱ្យយើងធ្វើការសំរេចចិត្តបានរហ័ស។ មិនត្រឹមតែប៉ុណ្ណោះ វាក៏អាចជួយដល់គុណភាពដំណើរការនៃខួរក្បាលឱ្យរហ័សរហួន ពង្រឹងការផ្តោតអារម្មណ៏ និងការយកចិត្តទុកដាក់ទៅលើរឿងអ្វីមួយ។

Video game

២. បើយោងតាមអ្នករោគចិត្តសាស្រ្ត ការអនុវត្តនូវការបណ្តុះគោលគំនិតឬការគិតឱ្យបានល្អិតល្អន់ទៅលើគ្រប់ជ្រុងជ្រោយរបស់ហេតុការអ្វីមួយ ឬរឿងអ្វីមួយដែលបានកើតឡើង វាធ្វើឱ្យយើងអាចអភិវឌ្ឍន៏នូវផ្នត់គំនិតរបស់យើងក៏ដូចជាធ្វើឱ្យការគិត និងខួរក្បាលយើងមានភាពអភិវឌ្ឍន៏ដែលអាចដោះស្រាយនូវបញ្ហាអ្វីមួយបានយ៉ាងងាយ ហើយវាក៏ធ្វើឱ្យយើងមានការត្រិះរិះពិចារណាកាន់តែប្រសើរ។

Improve your intelligence

៣. ក៏ដូចគ្នាដែរបើតាមការស្រាវជ្រាវនោះ យើងអាចបង្កើនភាពឆ្លាតវ័យរបស់យើងដោយការធ្វើលំហាត់ប្រាណជាប្រចាំ មិនត្រឹមតែប៉ុណ្ណោះការហាត់ប្រាណក៏ជួយឱ្យខួរក្បាលយើងចងចាំបានល្អជាងមុនផងដែរ។ ហាត់ប្រាណគឺអាចជួយខួរក្បាលយើងឱ្យដំណើរការបានល្អ វាជួយបណ្តុះការលូតលាស់នៃកាចងចាំ និងក៏ដូចជាបណ្តុះសរសៃរប្រសាទថ្មីៗ ដែលឱ្យមានភាពឆ្លាតនិងរក្សាការចងចាំល្អជាងមុន។ ដូច្នេះហើយទើបសហគ្រិនជោគជ័យគឺមានទំលាប់ហាត់ប្រាណជាប្រចាំ។

Improve your intelligence

៤. មួយវិញទៀត ការទទួលទាននូវភេសជ្ជៈដែលមានជាតិកាហ្វេអ៊ីនក៏ជួយដល់ការបង្កើននូវមុខងារថ្មីៗរបស់ខួរក្បាលផងដែរ។ តាមការដកពិសោធន៏មួយចំនួនបានឱ្យដឹងថា ជាតិកាហ្វេអ៊ីនជួយជុំរុញដល់ការគិតរបស់យើងឱ្យកាន់តែច្បាស់ ធ្វើឱ្យអារម្មណ៏យើងប្រសើរឡើង ងាយប្រតិកម្មនឹងរឿងអ្វីមួយឬក៏ហៅថាការពន្លឿននូវការឆ្លើយតបនៃខួរក្បាល បង្កើនការចងចាំ ភាពប្រុងប្រយ័ត្ន និងមុខងារនៃការយល់ដឹងរបស់ខួរក្បាល។

៥. លេងឩបករណ៏តន្រ្តីក៏ជួយដល់ជំនាញនៃការទំនាក់ទំនងរបស់យើងផងដែរ។ ការលេងនូវឩបករណ៏តន្ត្រីជួយបង្កើនប្រព័ន្ធរំញោចនៃភាពភ័យខ្លាច ព្រោះវាធ្វើឱ្យយើងផ្តោតអារម្មណ៏ទៅលើគ្រប់ជំហាននៃឩបករណ៏នោះ។ និយាយរួមការលេងតន្រ្តី ជាពិសេសលេងជាក្រុមគឺជួយឱ្យគ្រប់ប្រព័ន្ធនៃខួរក្បាលទាក់ទងគ្នាតាមឩបករណ៏នោះ ហើយក៏ធ្វើឱ្យយើងមានភាពលឿននៃការចាប់ចំនាំជាមួយនឹងទំនាក់ទំនងរវាងឩបករណ៏តន្រ្តីទាំងនោះ ក៏ដូចជាជីវិតពិតយើងផងដែរ។

៦. ហ្វឹកហាត់នៃការសរសេររបស់អ្នក គឺការសរសេរដោយដៃរាល់អ្វីដែលយើងគិតឬគំនិតរបស់យើង និងរៀបចំគំនិតទាំងនោះឱ្យចេញជាដំនោះស្រាយ។ បើប្រៀបធៀបការវាយគំនិតចូលក្នុងកុំព្យូរទ័រជាមួយនឹងការសរសេរដោយដៃនៃគំនិតទាំងនោះ គឺអ្នកដែលសរសេរដោយដៃនឹងអាចរៀនបានលឿនជាង ចងចាំព័ត៍មានបានយូរ និងងាយចាប់យកនូវគំនិតដែលថ្មីៗ។

Improve your intelligence

៧. អានជាមួយនឹងអត្ថបទឬសៀវភៅរឿងបែបប្រឌិតៗ។ គេបានយល់ឃើញថាអ្នកដែលអាននូវរឿងបែបនោះគឺជាមនុស្សដែលឆាប់យល់ពីស្ថានការណ៏អ្វីមួយដែលកំពុងកើងឡើង ហើយងាយយល់ពីអារម្មណ៏អ្នកដទៃដោយសារតែគេមានភាពស្រមើស្រម៉ៃខ្ពស់ពីការអានទាំងនោះ។

Improve your intelligence

គេខ្លាំងខាងផ្នែកពន្យល់នូវអារម្មណ៏ និងហេតុការណ៏អ្វីមួយដោយប្រើការយល់ឃើញពីទស្សនៈផ្សេងៗគ្នាមកផ្តុំបញ្ចូលគ្នាបង្កើតជារូបភាពមួយឱ្យយើងងាយយល់ពីហេតុការណ៏មួយនោះ៕

មតិយោបល់

ពេញនិយម

Copyright©2017 ANARCHAK TEAM រក្សាសិទ្ធគ្រប់យ៉ាង