ដឹងអត់ហេតុអ្វីបានជាអ្នកគួរលាបឡេការពារកម្តៅថ្ងៃមុនពេលឡើងជិះយន្តហោះ?
Connect with us

គួរដឹង

ដឹងអត់ហេតុអ្វីបានជាអ្នកគួរលាបឡេការពារកម្តៅថ្ងៃមុនពេលឡើងជិះយន្តហោះ?

ទោះបីជាអ្នកមិនមានគម្រោងទៅលេងលើឆ្នេរខ្សាច់ក្តី ក៏ឡេការពារកម្តៅថ្ងៃគឺជារបស់ដ៏សំខាន់មួយដែលគួរតែមាននៅក្នុងវ៉ាលីធ្វើដំណើររបស់អ្នកជានិច្ច។ មុនពេលនិងក្នុងអំឡុងពេលជិះយន្តហោះអ្នកគួរតែលាបឡេការពារកម្តៅថ្ងៃ ដើម្បីការពារខ្លួនអ្នកពីកាំរស្មីស្វាយអ៊ុលត្រា(ultraviolet rays)។

Why Sunblock during flight?

ពេលដែលអ្នកកាន់តែកៀកទៅជិតព្រះអាទិត្យ ស្បែករបស់អ្នកក៏កាន់តែមានហនិភ័យខ្ពស់ពីវិទ្យុសកម្មដ៏គ្រោះថ្នាក់។ វេជ្ជបណ្ឌិត Marisa Garshick អ្នកឯកទេសខាងសើស្បែកបានពន្យល់ថា បង្អួចនៅលើយន្ដហោះមិនអាចផ្តល់ការការពារគ្រប់គ្រាន់សំរាប់ស្បែករបស់អ្នកទេ។ លោកបានបន្តថា ទោះបីជាបង្អួចយន្ដហោះអាចទប់ស្កាត់កាំរស្មីប្រភេទ​ UVB ក៏ដោយ ក៏កាំរស្មីប្រភេទ UVA នៅតែអាចឆ្លងកាត់បាន។ កាំរស្មីប្រភេទ UVA ប្រហែលជាមានឥទ្ធិពលតិចជាងកាំរស្មីប្រភេទ UVB ប៉ុន្តែវានៅតែអាចបំផ្លាញកោសិកាស្បែក ហើយអាចបង្កជាជម្ងឺមហារីកស្បែកបាន។

Why Sunblock during flight?

កាំរស្មីព្រះអាទិត្យនៅរយៈកម្ពស់ខ្ពស់មានផលប៉ះពាល់ដល់ស្បែករបស់អ្នកខ្លាំងជាងនៅរយៈកម្ពស់ទាប។ យោងតាមការសិក្សាមួយបានឱ្យដឹងថា ផលប៉ះពាល់មកពីការប៉ះទៅនឹងកាំរស្មីUV រយៈពេល ៥៦នាទីរបស់អ្នកបើកយន្តហោះនៅក្នុងកាប៊ីនយន្ដហោះនៅរយៈកម្ពស់ជាង ៩០០០ម៉ែត្រស្មើនឹងផលប៉ះពាល់មកពីការប៉ះទៅនឹងកាំរស្មី UV ដោយការដេកហាលថ្ងៃរយៈពេល ២០នាទី។

Why Sunblock during flight?

ប្រសិនបើអ្នកកំពុងរៀបចំសម្រាប់ការហោះហើរជាពិសេសអ្នកដែលត្រូវអង្គុយកៅអីជាប់បង្អួច សូមកុំភ្លេចលាបឡេការពារកម្តៅថ្ងៃមុនឡើងយន្តហោះ។ សម្រាប់ការធ្វើដំណើររយៈពេលយូរ អ្នកត្រូវលាបរៀងរាល់ ២ម៉ោងម្តង។ សូមរកដបតូចល្មមសំរាប់ដាក់ឡេការពារកម្តៅថ្ងៃ ដើម្បីភាពងាយស្រួលរបស់អ្នក។ ដូច្នេះរាល់ពេលអ្នកស្ថិតនៅលើយន្តហោះ ធ្វើដំណើរកម្សាន្តនៅលើកោះ ឬស្នាក់នៅផ្ទះក៏ដោយ អ្នកគួរលាបឡេការពារកម្តៅថ្ងៃជាប្រចាំ៕

អត្ថបទល្អផ្សេងទៀត៖ ប្រើម៉ាស់បិទមុខរាល់ដងហ្នឹង មានដឹងពីចំនុចសំខាន់ៗទាំង៦នេះរឺអត់?

ដើម្បីសម្រស់ មនុស្សម្នាក់ៗបានធ្វើរឿងជាច្រើន មិនថាការម៉ាស្សា ការប្រើប្រាស់ផលិតផលសម្អាង គ្រឿងផ្សំធម្មជាតិ រឺការបិតម៉ាស់ដើម្បីចិញ្ចឹមស្បែក និងថែរក្សាសម្រស់នោះទេ។ ការបិតម៉ាស់ទៀតសោតគឺជាការពេញនិយមបំផុតដែលមនុស្សជាច្រើនតែងតែធ្វើដើម្បីអោយខ្លួនកាន់តែស្អាត ព្រោះថាវាមានភាពងាយស្រួល ហើយឆាប់អោយផលនៅនឹងមុខទៀតផង។

ប៉ុន្តែទោះបីជាយ៉ាងណាក៏ដោយ មានមនុស្សមួយចំនួនប្រហែលជាមិនបានដឹងនោះពីចំនុចទាំង៦នេះ ខណះដែលខ្លួនធ្លាប់បានប្រើប្រាស់ម៉ាស់ក៏ដោយ ដោយចំនុចទាំងនោះមានដូចជា៖

១. មិនបានលាងមុខមុនពេលបិត

មានមនុស្សមួយចំនួនបានប្រើប្រាស់ម៉ាស់ ទាំងដែលមុខរបស់ពួកគេមិនបានលាងស្អាតល្អនោះទេ។ ការដែលមិនបានលាងមុខចម្រះអោយស្អាតបាតមុនពេលដែលបិតម៉ាស់នោះ នឹងធ្វើអោយម៉ាស់បាត់បង់ប្រសិទ្ធិភាពរបស់វា។

២. មិនធ្វើតាមការណែនាំ

ជារឿយៗមនុស្សភាគច្រើនតែងតែប្រើប្រាស់ម៉ាស់បិតមុខដោយមិនបានធ្វើតាមការណែនាំដែលមាននៅលើកញ្ចប់របស់វានោះទេ។ ដោយសារតែម៉ាស់មួយចំនួនមានវិធីប្រើប្រាស់ផ្សេងៗគ្នា ការមិនមើលពីពាក្យណែនាំនោះនឹងអាចធ្វើអោយអ្នកមិនទទួលបានប្រសិទ្ធភាពពីវាទាំងស្រុងនោះទេ។

៣. មិនសម្រួលម៉ាស់នោះអោយមករាបលើមុខល្អ

ដោយសារតែមុខមនុស្សម្នាក់ៗសុទ្ធតែមានទំហំ និងទម្រង់ខុសពីគ្នា នៅពេលដែលអ្នកបិតម៉ាស់ វាជារឿងចាំបាច់មួយដែលអ្នកត្រូវដាក់អោយម៉ាស់នោះមានសភាពរាបល្អជាប់នឹងស្បែកមុខ ទើបជាតិចិញ្ចឹមដែលនៅលើម៉ាស់នោះអាចប៉ះពាល់បានល្អ។

៤. មិនគួរលាបឡេផ្តល់សំនើមមុនបិតម៉ាស់

មានអ្នកខ្លះបានយល់ច្រលំថា ការប្រើប្រាស់ឡេផ្តល់សំនើមមុនពេលបិតម៉ាស់នឹងអាចជួយអោយមុខរឹតតែស្អាត និងមានសំនើម ប៉ុន្តែធាតុពិតទៅវាពុំបានជួយអ្វី ក្រៅពីធ្វើអោយខ្ជះខ្ជាយផលិតផលនោះទេ។

៥. បិតម៉ាស់យូរពេក

ជាមធ្យម ម៉ាស់នីមួយៗតម្រូវអោយអ្នកបិទត្រឹមតែពី១៥ទៅ៣០នាទីប៉ុណ្ណោះយ៉ាងយូរបំផុត ប៉ុន្តែមានពេលជាច្រើនដែលមនុស្សម្នាក់បានបិតវាលើសពីម៉ោងកំណត់ ព្រោះពួកគេគិតថាការបិតវាកាន់តែយូរនឹងអាចធ្វើអោយប្រសិទ្ធិភាពរបស់វាកើនមានកាន់តែខ្លាំង។

៦. លាងសម្អាតមុខបន្ទាប់ពីបិតម៉ាស់រួច

ប្រសិនជាអ្នកមានទម្លាប់លាងមុខបន្ទាប់ពីពេលបិតម៉ាស់នោះ អ្នកធ្វើខុសហើយ។ ជាទូទៅ បើទោះបីជាអ្នកដកម៉ាស់ចេញពីមុខទៅហើយមែន ប៉ុន្តែប្រសិទ្ធិភាពរបស់វានៅមិនទាន់បញ្ចប់នោះទេ ព្រោះតែវានៅមានជាតិខ្លះៗទៀតដែលនៅបន្តចិញ្ចឹមផ្ទៃមុខ ដូច្នេះការលាងសម្អាតមុខបន្ទាប់ពីបិតម៉ាស់នោះនឹងធ្វើអោយសារធាតុទាំងអស់នោះបាត់បង់ឥតអំពើ៕

មតិយោបល់

ពេញនិយម