ហេតុអ្វីបានជាខែកុម្ភះមានតែ ២៨ រឺ២៩ថ្ងៃអញ្ចឹង?
Connect with us

គួរដឹង

ហេតុអ្វីបានជាខែកុម្ភះមានតែ ២៨ រឺ២៩ថ្ងៃអញ្ចឹង?

ជារៀងរាល់ខែនៅក្នុងមួយឆ្នាំៗ សុទ្ធតែមានថ្ងៃយ៉ាង៣០ថ្ងៃ ដោយខែខ្លះមានដល់ទៅ៣១ថ្ងៃផង ប៉ុន្តែអ្វីដែលចម្លែកជាងគេនោះគឺថា ប្លែកអីតែខែកុម្ភះ ថ្ងៃសរុបរបស់ខែនេះបែរជាមានត្រឹមតែ២៨ថ្ងៃ រឺច្រើនបំផុត ២៩ថ្ងៃប៉ុណ្ណោះ។ តើហេតុអ្វីបានជាដូច្នេះទៅវិញ?

កាលពីសម័យបុរាណ ពោលគឺតាំងពីចក្រភពរ៉ូមមក ប្រតិទិនគឺមានលក្ខណះខុសប្លែកពីប្រតិទិននាសម័យនេះ ព្រោះថាកាលនោះក្នុងមួយឆ្នាំត្រូវបានគេកំនត់យកអោយមានត្រឹមតែ ១០ខែតែប៉ុណ្ណោះ។ ប៉ុន្តែនៅក្នុងរាជ្យរបស់ស្តេច នូម៉ា ផមភីលីស ទ្រង់បានបន្ថែមខែចំនួនពីរទៀត អោយគ្រប់១២ខែដូចសព្វថ្ងៃដែលខែនោះមានខែមករា និងកុម្ភះ។


ប៉ុន្តែនៅក្នុងការចែកថ្ងៃនីមួយអោយចូលក្នុងខែទាំង១២នោះ ក្សត្រអង្គនេះពុំមានចែកអោយមានថ្ងៃស្មើគ្នានោះទេ ព្រោះតាមប្រពៃណី និងជំនឿរបស់ជនជាតិរ៉ូមាំង លេខស្មើគ្នាគឺជាលេខមិនល្អ ដូច្នេះហើយលោកបានចែកអោយខែខ្លះមានច្រើនជាង ខែមួយចំនួនផ្សេងទៀត។


បន្ទាប់ពីចែករួមមក ក្នុង១១ខែមានខែខ្លះបានចំនួន៣០ថ្ងៃ រឺខ្លះទៀតបាន ៣១ថ្ងៃ។ អ្វីដែលខុសប្រក្រតីគឺថា ថ្ងៃដែលនៅសល់សម្រាប់ខែមួយចុងក្រោយមានចំនួនតិចជាងគេ ពោលគឺត្រឹមតែ ២៨ថ្ងៃប៉ុណ្ណោះ។


នៅពេលនោះ ក្សត្រនូម៉ា មានសម្រេចចិត្តដាក់ខែកុម្ភះនោះអោយមានត្រឹមតែ២៨ថ្ងៃ ដោយយល់ឃើញថានៅកំឡុងខែកុម្ភះនោះគឺជាថ្ងៃសាសនា ដែលគេប្រារព្ធឡើយដើម្បីអោយទៅកាន់អ្នកស្លាប់ ដូច្នេះហើយទើបបានជាខែកុម្ភះមានត្រឹមតែ២៨ថ្ងៃ រឺ២៩ថ្ងៃមកទល់សព្វថ្ងៃនេះ៕

អត្ថបទល្អផ្សេងទៀត៖ ទម្លាយចម្ងល់របស់​បងប្អូន! អ្វីទៅជា​ផ្កាយដុះកន្ទុយ អាចម៍ផ្កាយ និងដុំថ្មអវកាស

(ភ្នំពេញ)៖ បងប្អូនមួយចំនួន ពេលខ្លះមិនទាន់អាច​បែងចែក​ឲ្យបានច្បាស់លាស់​នោះ​ឡើយ អំពីអ្វីទៅដែល​ហៅថា ផ្កាយដុះកន្ទុយ, អាចម៍ផ្កាយ និងដុំថ្មអវកាស។ តើវត្ថុទាំងបីនេះ ដូចគ្នា ឬមានលក្ខណៈខុសគ្នា​បែបណា និងមានទំហំខុសៗ​គ្នាយ៉ាងដូចម្តេចខ្លះ។ នេះបើតាម​​សម្រង់ឯកសារ​សំខាន់ៗ ដោយ Cambo Space នារសៀល​ថ្ងៃសៅរ៍ ទី២៤ ខែកុម្ភៈ ឆ្នាំ២០១៨។

១. ផ្កាយដុះកន្ទុយ (Comet)៖ គឺជាវត្ថុអវកាសតូចមួយ នៅក្នុងប្រព័ន្ធព្រះអាទិត្យយើង ដែលវាត្រូវបាន​គេហៅបែបនេះ (ផ្កាយដុះកន្ទុយ) ក៏ព្រោះនៅពេលវាធ្វើដំណើរកៀក​នឹងព្រះអាទិត្យ កម្តៅព្រះអាទិត្យបានជះឥទ្ធិពល​ខ្លាំង​លើតួរបស់វា ធ្វើវាឡើងកម្តៅ និងហើយបំភាយ​ឧស្ម័នចេញពីខ្លួនវា អូសយ៉ាង​វែងអន្លាយ​នៅក្នុងទីអវកាស​តែម្តង។

ប្រការហេតុ​ខាងលើនេះ ធ្វើឲ្យយើងមើលឃើញ​កន្ទុយសៗ នៅក្រោយ​ដុំថ្មនោះ ដែលជាបំភាយនៃឧស្ម័នដោយពន្លឺព្រះអាទិត្យ ទើបវាត្រូវបានឲ្យឈ្មោះថា ផ្កាយដុះកន្ទុយ។ សម្រាប់ទំហំ​​នៃផ្កាយដុះកន្ទុយ ​គឺអាស្រ័យទៅថា តើវាទៅជិតព្រះអាទិត្យ​កម្រិតណា ដែលផ្កាយ​ដុះកន្ទុយខ្លះ អាចរំសាយ​ឧស្ម័នរហូតដល់​ទៅប្រវែង ៨០,០០០គីឡូម៉ែត្រឯណោះ។

២. អាចម៍ផ្កាយ (Asteroid)៖ ជាធម្មតាត្រូវ​បានចាត់ថ្នាក់ ជាចង្កោមដុំថ្ម​អវកាសតូចៗ ដែលគោចរជុំវិញព្រះអាទិត្យ ដូចភព​ដទៃៗដែរ ប៉ុន្តែគន្លងពួកវាខ្លះ​មិនទៀតទាត់ទេ។ កន្លែងដែល​មានអាចម៍ផ្កាយច្រើន​បំផុតនោះ គឺស្ថិតនៅចន្លោះ​ភពអង្គារ និងព្រហស្បតិ៍ ដែលហៅថា ខ្សែក្រវ៉ាត់​អាចម៍ផ្កាយ (Asteroids Belt) ដែលវាហាក់ដូចជាបណ្តុំ​នៃកាកសំណល់ សល់ពីការបង្កើតភព និងប្រព័ន្ធព្រះអាទិត្យ​នេះ។

៣. វត្ថុអវកាស (Space Object)៖ បើនិយាយអំពី​និយមន័យរបស់​ពាក្យនេះ គឺសំដៅ​ទៅលើ​វត្ថុនានា ជាចង្កោមតែម្តង។ វត្ថុអវកាស​សំដៅទៅលើ ភព ព្រះច័ន្ទ អាចម៍ផ្កាយ ឬផ្កាយដុះកន្ទុយ ដែលគោចរ​ជុំវិញអ្វីមួយ ដែលអាចជាភព ឬព្រះអាទិត្យ ដោយមិនគិត​​ពីទម្រង់​នៃគន្លង​គោចរនោះឡើយ។ វាក៏អាចសំដៅ​ទៅវត្ថុអវកាស មកពីប្រព័ន្ធ​ផ្កាយផ្សេង ដូចជាអាចម៍​ផ្កាយ Oumuamua ផងដែរ។

សរុប​សេចក្តីមក លក្ខណៈខុសគ្នា​នៃវត្ថុទាំងនេះ គឺអាស្រ័យទៅលើ​លក្ខណៈសម្បត្តិ​របស់វា​ប៉ុណ្ណោះ ប៉ុន្តែដោយ​សារផ្កាយដុះកន្ទុយ ជាវត្ថុអវកាស​ដែលមានផ្ទុកសារធាតុ​ផ្សេងៗ ដែលអាច​បំភាយឧស្ម័ន នៅពេលត្រូវពន្លឺ​ព្រះអាទិត្យនោះ វាក៏អាចបំលែង​ពីនាម​អាចម៍​ផ្កាយ ទៅជាផ្កាយដុះកន្ទុយ​នោះឯង។ បើសិនជាបងប្អូនមាន​ចម្ងល់បន្ថែម អាចសួរ​បាន​ក្នុង Comment ក្រុមការងារ​​យើងខ្ញុំ នឹងបកស្រាយ​​ជូនបន្ថែមនៅពេល​​បន្តបន្ទាប់​ទៀត៕

មតិយោបល់

ពេញនិយម