សម្រាប់អ្នកចូលចិត្តលាបក្រចក ការប្រើប្រាស់ម៉ាស៊ីនឡាស៊ែរសម្ងួតជែលអាចនាំអោយមហារីកស្បែក!
Connect with us

គួរដឹង

សម្រាប់អ្នកចូលចិត្តលាបក្រចក ការប្រើប្រាស់ម៉ាស៊ីនឡាស៊ែរសម្ងួតជែលអាចនាំអោយមហារីកស្បែក!

តាំងពីក្បាលដល់ចុងជើង កន្លែងណាក៏ចាត់ទុកថាជាសម្រស់ដែរ ដូច្នេះហើយសម្រាប់មនុស្សគ្រប់គ្នា ជាពិសេសមនុស្សស្រី ការតែងខ្លួនអោយបានគ្រប់ជ្រុងជ្រោយអាចជារឿងសំខាន់ណាស់សម្រាប់ពួកគេ។ តួយ៉ាងដូចមនុស្សស្រីជាច្រើនបានចំនាយពេល និងប្រាក់របស់ខ្លួនមិនតិចទេទៅធ្វើការថែរក្សា រឺរចនាក្រចកដៃក្រចកជើងរបស់ខ្លួនជាដើម។

ប៉ុន្តែតើអ្នកដឹងទេថា ក្រៅពីអាចផ្តល់សោភណ្ឌភាពមួយឆាវដល់អ្នក វាបែរជាអាចនាំគ្រោះថ្នាក់ដល់អ្នកវិញដោយមិនដឹងខ្លួន? តើហេតុអ្វីបានជាបែបនេះទៅវិញ?

បច្ចេកវិទ្យាកាន់តែដំណើរការទៅមុខ សម្ភារះស្ទើរតែគ្រប់បែបយ៉ាងជុំវិញខ្លួនយើង សុទ្ធតែពោរពេញទៅដោយបច្ចេកវិទ្យា។ សូម្បីតែការរចនាលាបក្រចកដែលពីមុនប្រើប្រាស់ត្រឹមតែថ្នាំលាប ពេលនេះវាមានបញ្ជូលជាមួយនឹងសម្ភារះជាច្រើនផ្សេងទៀត ដែលធ្វើអោយវាមើលទៅកាន់តែស្អាត។

ដូចជាមាស៊ីនឡាស៊ែរសម្ងួតជែល ធ្វើអោយជែលឡើងរឹងដែលគេប្រើប្រាស់វាដើម្បីជួយតក្រចកអោយមើលទៅវែងស្អាតស្រឡូនជាងមុនជាងដើម មាស៊ីននេះត្រូវបានក្រុមគ្រូពេទ្យប្រទេសអូស្រ្តាលីរកឃើញថាវាអាចនាំអោយកើតជម្ងឺមហារីកស្បែក។

ការអះអាងនេះធ្វើឡើងដោយយោងតាមហេតុផលថា ពន្លឺឡាស៊ែរនោះជាប្រភេទពន្លឺដែលមានផ្ទុកកាំរស្មី UVA ហើយកាំរស្មីប្រភេទនេះមាននៅក្នុងព្រះអាទិត្យជារៀងរាល់ថ្ងៃ ដែលវាធ្វើអោយស្បែករបស់អ្នកចាស់មុនអាយុ និងអាចបណ្តាលអោយមានជម្ងឺមហារីស្បែកប្រសិនជាទទួលពន្លឺនេះច្រើនលើសកម្រិតណាមួយ។

លើសពីនេះ សូម្បីតែថ្នាំក្រចកទៀតសោតក៏ពោរពេញទៅដោយសារធាតុគីមីដែលអាចធ្វើអោយក្រចកអ្នកលូតលាស់មិនល្អផងដែរ។ ដូច្នេះហើយអ្នកគួរតែព្យាយាមកាត់បន្ថយការប្រើប្រាស់សារធាតុដែលអាចផ្តល់ជាគ្រោះថ្នាក់ដល់សុខភាពស្បែក និងសម្រស់របស់អ្នក ហើយព្យាយាមរកមើលផលិតផលណាដែលមានសុវត្ថិភាពក្នុងការប្រើប្រាស់វិញទើបជាការល្អ៕

អត្ថបទល្អផ្សេងទៀត៖ រឿងសំខាន់ៗដែលត្រូវដឹង មុនពេលសម្រេចចិត្តទៅបាញ់ឡាស៊ែរបំបាត់ស្នាម!

ដើម្បីសម្រស់ វិធីសាស្ត្រអ្វីក៏មនុស្សគ្រប់គ្នាហ៊ានសាកល្បងដែរ។ ក្នុងការបំពេញតម្រូវរបស់អ្នកស្រលាញ់សម្រស់ មានវិធីសាស្ត្រជាច្រើនដែលអាចធ្វើទៅបាន ដោយក្នុងនោះមានតាំងពីវិធីសាស្ត្រដែលទទួលបានលទ្ធផលក្នុងពេលយូរ និងវិធីសាស្ត្រដែលអាចឃើញលទ្ធផលភ្លាមៗក៏បាន។

សម្រាប់បញ្ហាស្លាកស្នាមផ្សេងៗ មានវិធីមួយដែលមនុស្សជាច្រើន តែងតែជ្រើសរើស ដែលវិធីសាស្រ្តគឺតាមរយះការបាញ់ឡាស៊ែរបំបាត់ស្លាកស្នាម។ ប៉ុន្តែមុននឹងធ្វើសម្រេចចិត្តធ្វើការបាញ់ឡាស៊ែរ អ្នកត្រូវដឹងចំនុចសំខាន់ៗទាំង៦នេះសិន៖

១. មិនមែនសុទ្ធតែគ្រប់សន្លាកទាំងអស់សុទ្ធតែអាចបាញ់អោយបាត់នោះទេ

ថ្វីត្បិតតែបច្ចេកវិទ្យាសម័យឥឡូវនេះជឿនលឿនច្រើន បើប្រៀបធៀបទៅនឹងពីមុន ប៉ុន្តែថ្វីត្បិតតែបែបនេះមែន ការបាញ់ឡាស៊ែរក៏មិនអាចធ្វើអោយជាសន្លាកទាំងស្រុងបានដែរ។ វាគ្រាន់តែអាចជួយកាត់បន្ថយស្លាកស្នាមបានច្រើនជាងមុនប៉ុណ្ណោះ។

២. ការព្យាបាលល្អមិនល្អ ស៊ីសងទៅលើអ្នកជំនាញនោះទៀត

មិនមែនអោយតែមានម៉ាស៊ីនឡាស៊ែរក៏អាចបាញ់បំបាត់ស្នាមនោះបានទេ ព្រោះទាល់តែអ្នកជំនាញខាងផ្នែកនោះ ទើបអាចបាញ់បំបាញ់ស្នាមបានល្អ។

៣. ការបាញ់ឡាស៊ែរនេះទាមទារអោយបានការប្រឹក្សាយោបល់ជាមុនសិន

អ្នកគួរតែប្រយ័ត្ននៅពេលដែលកន្លែងបាញ់ឡាស៊ែរនោះធ្វើការបាញ់អោយអ្នកដោយមិនបានពិនិត្យប្រឹក្សាអោយបានច្បាស់ជាមុន ព្រោះប្រភេទស្បែកមនុស្សម្នាក់ទៅម្នាក់ខុសគ្នា អញ្ចឹងហើយមិនអាចចេះតែបាញ់ៗនោះទេ។

៤. ត្រូវលាបឡេការពារកម្តៅមុនពេល និងក្រោយពេលបាញ់ឡាស៊ែរ

ប្រសិនជាស្បែករបស់អ្នកកំពុងតែរងការបំផ្លាញអោយកម្តៅព្រះអាទិត្យហើយនោះ អ្នកមិនត្រូវបាញ់ឡាស៊ែរទៀតនោះទេ ព្រោះវាអាចធ្វើអោយអ្នកមានបញ្ហាស្បែកកាន់តែធ្ងន់ធ្ងរ។ ដូច្នេះហើយមុនពេលធ្វើការបាញ់ និងក្រោយពេលបាញ់ អ្នកគួរតែការពារស្បែកអោយបានត្រឹមត្រូវល្អ។

៥. រឿងមិនត្រូវធ្វើបន្ទាប់ពីបាញ់រួច

បន្ទាប់ពីទទួលទានការព្យាបាលដោយកាំរស្មីឡាស៊ែរ អ្នកត្រូវតែតមជក់បារី២អាទិត្យ មិនញ៉ាំថ្នាំ អាស្ពីរីន រឺអាហារដែលផ្ទុកវីតាមីន និងថ្នាំផ្សេងៗដែលអាចធ្វើអោយយឺតដល់ការព្យាបាល មិនត្រូវប្រើឡេរឺផលិតផលស្បែកណាមួយដែលមានផ្ទុកសារធាតុកាត់យ៉ាងហោចណាស់១ខែ…។

៦. ការបាញ់ឡាស៊ែរអាចតម្រូវអោយធ្វើលើសពីមួយដង

មិនមានគ្រាន់តែបាញ់ឡាស៊ែរម្តងក៏អាចព្យាយាមស្លាកស្នាមបាននោះទេ ព្រោះស្លាកស្នាមខ្លះអាចត្រូវការពេលការព្យាបាលលើសពី១ដងក៏ថាបាន៕

មតិយោបល់

ពេញនិយម