នេះជាអ្វីដែលនឹងកើតឡើងចំពោះអ្នក បើសិនជាអ្នកផឹកស្រាមួយថ្ងៃ ៤០ ដង
Connect with us

គួរដឹង

នេះជាអ្វីដែលនឹងកើតឡើងចំពោះអ្នក បើសិនជាអ្នកផឹកស្រាមួយថ្ងៃ ៤០ ដង

អ្នកស្រី Beverly Pickorer អាយុ ៣៦ ឆ្នាំ ជាម្តាយរបស់កូនបួននាក់ បានរងគ្រោះនឹងជម្ងឺក្រិនថ្លើមយ៉ាងធ្ងន់ធ្ងរកាលពីខែ សីហា ឆ្នាំ ២០១៤ កន្លងទៅ។ នាងបានក្លាយទៅមនុស្សម្នាក់ដែលញៀននឹងការផឹកស្រាយ៉ាងខ្លាំងខ្លា កាលពីនៅអាយុទើបតែ ២០ឆ្នាំ នាងបានផឹកស្រាយ៉ាងជោគជាំជារៀងរាល់ថ្ងៃ។ បន្ទាប់មកនាងក៏បានបាត់បង់ធ្មេញ បាក់ធ្មេញអស់ និយាយលែងរួច និងត្រូវប្រើពេលវេលាជាច្រើនឆ្នាំពីការមើលថែនៅមណ្ឌលថែទាំសុខភាព ដោយទៅណាលែងរួច។ លុះដល់អាយុ ៣៥ឆ្នាំ នាងបានទាមទារគ្រូពេទ្យទៅផ្ទះវិញដើម្បីសុខចិត្តស្លាប់ក្នុងដៃប្តីរបស់នាងតែម្តង។ វាពិតជាការបញ្ចប់ជីវិតយ៉ាងមិនគួរឱ្យជឿ និងតក់ស្លុតយ៉ាងខ្លាំងទាំងវ័យក្មេង។

36-year-old-mother-dies-alcoholism

លោក Anthony Howard ដែលត្រូវជាប្តីរបស់នាង Beverly Pickorer បានប្រាប់ឱ្យដឹងថាលោកមិនដែលទៅចោលនាងមួយពេលណាឡើយទោះជានាងឈឺខ្លាំងយ៉ាងណាក៏ដោយ។ លោកក៏បានបន្ថែមថា នាងគឺបានញៀនផឹកស្រារួចទៅហើយ នៅពេលដែលពួកគេទាំងពីរនាក់ជួបគ្នា ប៉ុន្តែលោកក៏នៅតែព្រមទទួលនាងធ្វើជាភរិយាដោយមិនរុញរាឡើយ។ លោកក៏បានប្រាប់ផងដែរថា នាងបានក្លាយទៅជាមនុស្សដែលញៀនផឹកស្រាយ៉ាងខ្លាំងនោះក៏ដោយសារការឈឺចាប់នឹងស្នេហាកាលពីនៅក្មេង។ ដូច្នេះហើយបានជាលោកបានបង្ហោះរូបរបស់នាងដើម្បីធ្វើជាការគំរាមកំហែងទៅដល់សាធារណៈជនដទៃ អំពីការផឹកស្រាដ៏ជោគជាំ ដែលវានឹងនាំមហន្តរាយយ៉ាងសាហាវដល់ជីវិតអ្នក។

36-year-old-mother-dies-alcoholism

រាងកាយរបស់នាងត្រូវបានបំផ្លិចបំផ្លាញដោយសារតែជាតិសុរាទាំងនោះម្តងបន្តិចៗ ហើយរោគក្រិនថ្លើមគឺជារោគចំបងមួយក្នុងចំនោមរោគដទៃទៀត ដែលបង្កើតឡើងដោយការផឹកស្រា ហើយរោគនោះនឹងកាន់តែវិវត្តន៏ទៅជាធ្ងន់ធ្ងរដល់ថ្នាក់ដើរលែងរួចបើសិនជាអ្នកផឹកស្រាច្រើនជារៀងរាល់ថ្ងៃ។ ជាតិសុរា នឹងចាប់ផ្ដើមបំផ្លាញសរីរាង្គរបស់យើងបន្តិចម្តងៗ និងយូរៗនឹងលែងដំណើរការបានទៀតហើយ។ ហើយវាក៏ធ្វើឱ្យសរីរាង្គ ក៏ដូចជាសារពាង្គកាយទាំងមូលមិនអាចរំលាយអាហារបានល្អ ហើយវាក៏ចុះទន់ខ្សោយ នឹងមិនអាចទប់ទល់តតាំងទៅនឹងមេរោគដែលចូលមកយាយីក្នុងរាងកាយយើងបានដែរ ដែលធ្វើឱ្យរាងកាយអ្នកកាន់តែដុនដាបទៅ។

36-year-old-mother-dies-alcoholism

ជាមួយគ្នាផងដែរ ការដែលញៀនស្រា ការញ៉ាំស្រាច្រើនជារៀងរាល់ថ្ងៃ នឹងធ្វើឱ្យអ្នកក្លាយទៅមនុស្សរោគចិត្ត ឬហៅថា កើតជម្ងឺផ្លូវចិត្ត ដោយសារតែការប្រើប្រាស់ជាតិស្រវឹងលើសលប់ជារៀងរាល់ថ្ងៃពេក វាមានផលប៉ះពាល់ជាខ្លាំង ទៅកាន់សរីរាង្គខាងក្នុង និងខួរក្បាល ក៏ដូចជាប្រព័ន្ធប្រសាទទាំងមូលផងដែរ។

36-year-old-mother-dies-alcoholism

ដូច្នេះរឿងរ៉ាវរបស់អ្នកស្រី Beverly Pickorer ក៏បានក្លាយជារឿងរ៉ាវពញ្ញាក់ស្មារតីទៅកាន់មនុស្សគ្រប់រូបដែលកំពុងតែមានបញ្ហាញៀនគ្រឿងស្រវឹង និងមិនអាចកាត់ផ្ដាច់បាន អញ្ចឹងហើយក៏សូមផ្ដាំផ្ញើរទៅកាន់អ្នកទាំងអស់គ្នាថា ការញៀនគ្រឿងស្រវឹងពិតជាគ្រោះថ្នាក់ណាស់សម្រាប់ជីវិតយើងផ្ទាល់ ដូច្នេះគួរតែកាត់បន្ថយការសេពគ្រឿងស្រវឹង ដើម្បីជៀសវាងការញៀន ទោះជាមានរឿងអ្វីក៏ដោយ បើមិនចង់ស្តាយក្រោយនឹងជីវិតដ៏ថ្លៃរបស់អ្នក៕

អត្ថបទល្អផ្សេងទៀត៖ តើនឹងមានអ្វីកើតឡើង បើមនុស្សយើងស្រាប់តែផុតពូជក្នុងមួយរំពេច?

សត្វលោកបានរស់នៅលើភពផែនដីនេះអស់រយៈពេលប្រហែលជាពីរលានឆ្នាំមកហើយ។ មកដល់សម័យបច្ចុប្បន្ន សកម្មភាពមនុស្សបានជះឥទ្ធិពលអវិជ្ជមានជាច្រើនទៅលើជីវិតនៅលើភពផែនដី ជាហេតុបណ្ដាលឲ្យមានបញ្ហាជាច្រើនដូចជាការកើនឡើងកម្ដៅផែនដី ការប្រែប្រួលអាកាសធាតុ ការផុតពូជនៃសត្វកម្រមួយចំនួន ការបាត់បង់ព្រៃឈើ និងបញ្ហាធម្មជាតិដទៃទៀត។ ប្រសិនបើការបំផ្លិចបំផ្លាញនេះនៅតែបន្ដ តើអនាគតរបស់មនុស្សនឹងទៅជាយ៉ាងណា? ធ្លាប់គិតស្រមៃទេថាតើនឹងមានអ្វីកើតឡើង ប្រសិនបើមនុស្សលោកស្រាប់តែរលាយបាត់ក្នុងមួយប៉ព្រិចភ្នែក?

ប៉ុន្មានវិនាទីបន្ទាប់ពីការផុតពូជរបស់មនុស្ស មធ្យោបាយធ្វើដំណើរនានាដូចជារថភ្លើងនិងឡាន នឹងត្រូវប៉ះទង្គិចគ្នាយ៉ាងខ្លាំងដោយសារតែគ្មានការបញ្ជាពីមនុស្សទៀតទេ។ នៅក្នុងកំឡុងពេលពីរបីម៉ោងក្រោយមក រោងចក្រថាមពលនឹងអស់ការផ្គត់ផ្គង់ធ្យូងថ្ម ជាហេតុធ្វើឲ្យពន្លឺភ្លើងផ្សេងៗចាប់ផ្ដើមបិទជាបណ្ដើរៗ ហើយពិភពលោកនឹងក្លាយជាងងឹត។

រោងចក្រគីមីនឹងចាប់ផ្តើមបញ្ចេញឧស្ម័នទៅក្នុងបរិយាកាស។ ស្ថានីយ៍នុយក្លេអ៊ែរនៅជុំវិញពិភពលោកនឹងមិនចុះត្រជាក់ឡើយ ហើយវានឹងបញ្ចេញនូវជាតិវិទ្យុសកម្មដែលអាចបង្កគ្រោះមហន្ដរាយដល់ភពផែនដី។

ក្នុងរយៈពេលតិចជាងមួយសប្ដាហ៍ ធម្មជាតិនឹងចាប់ផ្ដើមគ្រប់ដណ្ដប់លើពិភពលោកសារជាថ្មី។ ផ្លូវថ្នល់អាចនឹងក្លាយទៅជាទន្លេ ហើយផ្លូវក្រោមដីនឹងត្រូវជន់លិច។ ស្មៅនឹងដុះរាលដាលពេញលើផ្ទៃនៃភពផែនដី ហើយអាគារនានានឹងត្រូវរុំព័ទ្ធដោយរុក្ខជាតិ។ ធម្មជាតិរបស់សត្វលោកនឹងត្រលប់មកវិញ។ សត្វព្រៃនឹងចូលវាយប្រហារសត្វស្រុក ហើយភាពអត់ឃ្លានរបស់ពួកគេនឹងបង្កភាពវឹកវរឥតឈប់ឈរ។

យ៉ាងណាក្ដី ជីវិតរបស់មនុស្សលោកនឹងនៅថិតថេរយូរអង្វែងទៀតណាស់។ ប៉ុន្ដែគុណភាពជីវិតនឹងចាប់ផ្ដើមប្រែប្រួល ដោយសារតែបញ្ហាបរិស្ថានពិភពលោកជាច្រើន។ ដូច្នេះហើយ​ គួរពិចារណាទង្វើដែលអ្នកធ្វើជារៀងរាល់ថ្ងៃ ថាតើវាបានប៉ះពាល់បរិស្ថានយ៉ាងណាខ្លះ៕

មតិយោបល់

ពេញនិយម