មនុស្សប្រុសតំណាងអោយបារី Marlboro ដំបូងគេបង្អស់បានស្លាប់ដោយសារតែជម្ងឺសួត!
Connect with us

គួរដឹង

មនុស្សប្រុសតំណាងអោយបារី Marlboro ដំបូងគេបង្អស់បានស្លាប់ដោយសារតែជម្ងឺសួត!

“ជក់បារីនាំអោយខូចសុខភាព” ជាពាក្យមួយឃ្លាដែលមនុស្សជាច្រើនតែងតែនិយាយ ជាពិសេសទៅកាន់អ្នកដែលមានទម្លាប់ជក់បារី ដើម្បីជួយក្រើនរំលឹកអ្នកទាំងនោះកុំអោយជក់បារីច្រើនពេក ព្រោះវាគឺជាសត្រូវលាក់មុខយ៉ាងសាហាវដែលនៅពីក្រោយខ្នងអ្នក។

ថ្វីត្បិតតែការពិតនេះត្រូវបានមនុស្សគ្រប់គ្នាទទួលស្គាល់ដឹងលឺក៏ដោយ អ្នកតែជក់បារីតិចណាស់ដែលបានសម្រេចចិត្តថាបញ្ឈប់ការជក់បារីនោះ ព្រោះពួកគេបានញៀននឹងសារធាតុវាដែលនៅក្នុងនោះទៅហើយ។

តួយ៉ាងដូចបុរសម្នាក់ដែលជាអ្នកតំណាងអោយបារីម៉ាក Marlboro បារីនេះអញ្ចឹងដែរ។ អ្វីដែលធ្វើអោយអ្នកបារីមួយចំនួនកាលនោះមានការខ្លាចញញើតបន្តិចពីការជក់បារីនោះគឺថា បុរសតំណាងនោះ ចុងក្រោយត្រូវបានស្លាប់ដោយសារតែជម្ងឺដែលបណ្តាលមកពីការជក់បារី គឺជម្ងឺសួតតែម្តង។

លើសពីនេះទៀត លោកមិនមែនជាមនុស្សតែម្នាក់នោះទេ ដែលតំនាងអោយក្រុមហ៊ុនបារីMarlboro ហើយស្លាប់ដោយសារការជក់បារីនោះ មានមនុស្សមួយចំនួនទៀតច្រើនដែរ ដែលធ្លាប់តែតំណាងក្រុមហ៊ុននេះ ហើយស្លាប់ដោយជម្ងឺទាក់ទងនឹងសួត។

អញ្ចឹងហើយដូចជាលោក McLarenជាដើម បន្ទាប់ពីដឹងខ្លួនថាលោកមានជម្ងឺមហារីកសួត លោកបានឈប់ធ្វើការតំនាងដោយក្រុមហ៊ុនបារីMarlboro ប៉ុន្តែបែរជាចេញមុខរៀបចំយុទ្ធនាការប្រឆាំងនឹងការជក់បារីទៅវិញ។ នេះគ្រាន់តែឧទាហរណ៍មួយយ៉ាងងាយស្រួលមើលនៃអ្នកជក់បារីប៉ុណ្ណោះ អញ្ចឹងហើយសម្រាប់អ្នកដែលជក់បារី អ្នកគួរតែចាប់ផ្តើមផ្តាច់អោយហើយទៅ៕

អត្ថបទល្អផ្សេងទៀត៖ មិននឹកស្មានថា អ្នកហិតផ្សែងបារី អាចមានគ្រោះថ្នាក់ដល់ថ្នាក់នេះសោះ!

នរណាៗក៏បានដឹងដែរហើយថា ការជក់បារីគឺជាគ្រោះថ្នាក់ដ៏ធំបំផុតនៃសុខភាព ព្រោះវាគឺជាប្រភពនៃជម្ងឺជាច្រើន ដែលក្នុងនោះរួមមានទាំងជម្ងឺមហារីកទៀតផង។ ប៉ុន្តែតើអ្នកដឹងទេថា ថ្វីត្បិតតែការជក់បារីគឺមហន្តរាយនៃជីវិតសម្រាប់អ្នកដែលជក់ពិតមែន ប៉ុន្តែសម្រាប់អ្នកដែលហិតផ្សែងនោះវិញ វាហាក់បីដូចជាថ្នាំពុលមួយដែលពួកគេបរិភោគពីមួយថ្ងៃទៅមួយថ្ងៃអញ្ចឹងដែរ។

មានករណីជាច្រើនដែលអ្នកជម្ងឺសុទ្ធតែជាប្រភេទ អ្នកជក់អកម្ម រឺ ដែលមានន័យថា ពួកគេមិនបានជក់បារីទេ ប៉ុន្តែពួកគេតែងតែនៅជិត រឺហិតក្លិនផ្សែងបារីនោះជាប្រចាំ។ អ្នកជម្ងឺប្រភេទនេះអាចកើតមានបញ្ហាធ្ងន់ធ្ងរជាច្រើន ដែលបញ្ហាទាំងនោះភាគច្រើនគឺធ្ងន់ធ្ងរជាងអ្នកដែលចេះជក់បារីទៀតផង។

ហេតុផលដ៏ធំបំផុតនៃការហិតក្លិនផ្សែងបារីគឺ ដោយសារតែនៅពេលហិត ផ្សែងនោះនឹងចូលទៅក្នុងសួតរបស់យើង ដូចជាអ្នកជក់បារីអញ្ចឹងដែរ។

ភាពខុសគ្នាដែលធ្វើអោយអ្នកហិតផ្សែងនោះមានគ្រោះថ្នាក់ធ្ងន់ធ្ងរជាងនោះគឺ ដោយសារនៅក្នុងបារីមានបន្ទះម្យ៉ាងដែលជួយចម្រោះសារជាតិគីមីដែលនៅក្នុងថ្នាំជក់ ដូច្នេះហើយអ្នកដែលជក់បារីផ្ទាល់មិនសូវទទួលជាតិពុលដែលខ្លួនបានជក់នោះទេ។

ផ្ទុយទៅវិញ សម្រាប់អ្នកដែលហិតផ្សែងវិញនោះ ពួកគេពុំមានបន្ទះចម្រោះអ្វីមកការពារនោះទេ ពោលគឺនៅពេលដែលគេស្រូបចូលទៅ គឺសារធាតុពុលទាំងអស់អាចចូលទៅក្នុងសួតបានទាំងស្រុងតែម្តង។ ជម្ងឺភាគច្រើននៃអ្នកដែលឧស្សាហ៍ហិតផ្សែងបារីរួមមានជម្ងឺមហារីកសួត និងមហារីកបំពង់កជាដើម។

ដូច្នេះដើម្បីសុខភាពរបស់អ្នក និងមនុស្សជាទីស្រលាញ់របស់អ្នក អ្នកគួរតែឈប់ជក់បារី។ រីឯអ្នកដែលតែងតែនៅក្បែរផ្សែងបារី អ្នកគួរតែព្យាយាមគេចពីផ្សែងទាំងនោះអោយបានកាន់តែច្រើនកាន់តែល្អ៕

មតិយោបល់

ពេញនិយម