សញ្ញាទាំង ៨​​ ដែលបញ្ជាក់ថាអ្នកនឹងមិនអាចក្លាយជាអ្នកមានស្តុកស្តមបាន
Connect with us

បែបផែនជីវិត

សញ្ញាទាំង ៨​​ ដែលបញ្ជាក់ថាអ្នកនឹងមិនអាចក្លាយជាអ្នកមានស្តុកស្តមបាន

ផ្ទុយពីផ្នត់គំនិតរបស់មនុស្សទូទៅ មហាសេដ្ឋីម្នាក់បាននិយាយថា​ អ្នកណាក៏អាចក្លាយជាអ្នកមានបានដែរ ប៉ុន្ដែអ្វីដែលសំខាន់គឺថា មានតែមនុស្សមួយចំនួនតូចប៉ុណ្ណោះដែលចេះចាប់យកឪកាសរឺបង្កើតឪកាសមួយនោះដោយខ្លួនឯង។ ជាការពិតណាស់ អនាគតរបស់មនុស្សម្នាក់គឺកើតចេញពីអ្វីដែលពួកគេកំពុងគិតរឺធ្វើក្នុងពេលបច្ចុប្បន្ន។ ដូច្នេះហើយ ប្រសិនបើអ្នកកំពុងតែមានសញ្ញាទាំង ៨ ខាងក្រោមនេះ អ្នកប្រហែលជានឹងមិនអាចក្លាយជាអ្នកមាននោះទេ។  ​

១. អ្នកគិតតែពីខំ៖ ការខិតខំធ្វើការរាល់ថ្ងៃដោយគ្មានការវិវត្តផ្លាស់ប្ដូរអ្វីសោះនឹងមិនអាចនាំអ្នកដើរទៅរកវិថីជោគជ័យនោះទេ។ ហេតុនេះហើយ អ្នកត្រូវតែមានភាពឆ្លាតវ័យ។ ឧទាហរណ៍ អ្នកអាចធ្វើការវិនិយោគទុនក្នុងផ្សារមូលប័ត្រដើម្បីរកប្រាក់បន្ថែម បើយោងតាមអ្នកប្រឹក្សាយោបល់ផ្នែកហរិញ្ញវត្ថុម្នាក់។ គាត់បានបន្ថែមថា វាមិនមានហានិភ័យខ្ពស់ មិនចំណាយលុយច្រើន ហើយក៏មិនចំណាយពេលច្រើនផងដែរ។

២. អ្នកគិតតែពីសន្សំ៖ ការសន្សំជារឿងល្អ ប៉ុន្ដែផ្នត់គំនិតរបស់មហាសេដ្ឋីភាគច្រើនមិនមែនជាការសន្សំតែមួយមុខនោះទេ តែជាវិធីក្នុងការរកប្រាក់បន្ថែមដោយប្រើប្រាក់សន្សំដែលពួកគេមាន។  

៣. អ្នកចាយលើសពីសមត្ថភាព៖ អ្នកប្រហែលជាគិតថា ការចាយលើរបស់ថ្លៃៗអាចជំរុញឲ្យអ្នកខិតខំរកប្រាក់ឲ្យបានច្រើន ប៉ុន្ដែវាក៏អាចជាមហន្ដរាយដ៏ធំមួយផងដែរ។

៤. អ្នកពេញចិត្តនឹងប្រាក់ចំណូលថេរ៖ មហាសេដ្ឋីមិនមែនក្លាយជាអ្នកមានទ្រព្យសម្បត្តិតាមរយៈប្រាក់ខែរឺប្រាក់គិតជាម៉ោងនោះទេ ប៉ុន្ដែពួកគេភាគច្រើនទទួលបានប្រាក់តាមរយៈលទ្ធផលនៃគម្រោង រឺការធ្វើជំនួញ។

៥. អ្នកកំពុងព្យាយាមធ្វើតាមអ្នកដទៃ៖ អ្នកប្រហែលជាចង់ធ្វើដូចបុគ្គលជោគជ័យណាម្នាក់រឺក៏ចង់ធ្វើដូចឪពុកម្ដាយរបស់អ្នក។ ប៉ុន្ដែការធ្វើបែបនេះមិនអាចនាំអ្នកទៅរកភាពជោគជ័យបាននោះទេ។ អ្នកត្រូវតែធ្វើអ្វីដែលអ្នកស្រលាញ់ ទើបអ្នកអាចធ្វើវាដោយការពេញចិត្តបាន។

៦. អ្នកពេញចិត្តនឹងជីវិតសុខស្រួល៖ គោលដៅរបស់មនុស្សភាគច្រើនគឺភាពសុខស្រួលផ្លូវកាយ ផ្លូវចិត្តនិងផ្លូវអារម្មណ៍ ប៉ុន្ដែភាពសុខស្រួលទាំងនេះនឹងមិនមែនជាអ្វីដែលមហាសេដ្ឋីភាគច្រើនតែងតែគិតនោះទេ ដោយសារតែពួកគេដឹងថា ការក្លាយជាអ្នកមានមិនមែនជារឿងងាយស្រួល ហើយវាទាមទារឲ្យពួកគេយកឈ្នះភាពភ័យខ្លាចនិងហ៊ានប្រថុយដោយមានការពិចារណា។

៧. អ្នកមិនមានគោលដៅ៖ តើអ្នករកប្រាក់ដើម្បីអ្វី? ដើម្បីិទិញផ្ទះ? ទិញឡាន? ដើរកំសាន្ដ? ការរៀបចំផែនការសម្រាប់ប្រាក់ដែលអ្នករកបានគឺមានសារៈសំខាន់ណាស់។ មហាសេដ្ឋីម្នាក់បាននិយាយថា មូលហេតុចំបងដែលមនុស្សភាគច្រើនមិនអាចទទួលបានអ្វីដែលពួកគេចង់បាន គឺដោយសារពួកគេមិនដឹងពីអ្វីដែលពួកគេចង់បានពិតប្រាកដ។

៨. អ្នកគិតថាអ្នកមិនអាចក្លាយជាអ្នកមាន៖ បើអ្នកគិតបែបនេះហើយ អ្នកប្រាកដជានៅតែប៉ុនហ្នឹង! កុំគិតថា ភាពជាអ្នកមានទ្រព្យសម្បត្តិគឺសម្រាប់តែមនុស្សដែលមានសំណាង! អ្នកត្រូវមានការរំពឹងទុកខ្ពស់ ហើយព្យាយាមដើរឲ្យដល់គោលដៅមួយនោះ។ បើទោះជាមិនដល់ចំនុចមួយនោះ យ៉ាងហោចណាស់ក៏អាចជិតដល់ដែរ៕

ប្រភព៖ Lifehack

អត្ថបទល្អផ្សេងទៀត៖ ឆ្លងកាត់ការប្រមាថដ៏ខ្លាំងមួយ ធ្វើឲ្យ Jack Ma ក្លាយជាសេដ្ឋីលំដាប់ពិភពលោកដល់សព្វថ្ងៃ!

មហាសេដ្ឋីលំដាប់ពិភពលោក Jack Ma មានប្រវត្តិជូរចត់ជាច្រើនក្នុងជីវិត ដែលទម្រាំតែមានថ្ងៃក្លាយជាសេដ្ឋីដ៏មានមហាសាលបំផុតដូចពេលនេះ។ តើលោកធ្លាប់ឆ្លងកាត់ការលំបាកអ្វីខ្លះក្នុងជីវិត?

ជាការពិតណាស់ ជីវិតមនុស្សរស់នៅសព្វថ្ងៃនេះ មានអ្នកខ្លះទទួលបានទ្រព្យសម្បត្តិស្តុកស្តម្ភពីគ្រួសារ ជីអាជីវកម្មបន្តពីឪពុកម្តាយ​បានធ្វើឲ្យពួកគេមានភាពងាយស្រួល និងសុីវិល័យជាងអ្នកដែលខំប្រឹងតែពីបាតដៃទទេ ពីចំណុចសូន្យឡើងដល់កម្រិតកំពូល​ដូចជា Jack Ma បានណាស់។

នៅក្នុងជីវិតដ៏សែនជូរចត់របស់ មហាសេដ្ឋីរូបនេះ ដែលធ្លាប់បានប្រាប់សារព័ត៌ក្រៅស្រុកថា «ក្នុងជីវិតរបស់ខ្ញុំ បានចងចាំ​រឿង​ដ៏មិននឹកស្មានដល់មួយ នៅពេលដែលខ្ញុំសម្ភាសការងារជាមួយនឹងក្រុមហ៊ុនមាន់បំពងដ៏ល្បី KFC ក្នុងចំណោម 25 នាក់ មាន​បេក្ខភាព 24 នាក់ត្រូវបានជ្រើសរើសជាបុគ្គលិក មានតែខ្ញុំម្នាក់គត់ ដែលត្រូវគេបដិសេធមិនទទួលយក»។

ប្រហែលមក​ពីរឿងនេះហើយ ដែលជាដើមចមធ្វើឲ្យរូបលោក Jack Ma មានថ្ងៃនេះ ដោយសារតែការឈឺចាប់នឹងការប្រមាថសុំការងារ​គេ​ធ្វើ ឬមកពីគេមើលងាយគាត់ថាមិនសមនឹងឲ្យចូលបម្រើការងារនៅក្នុងក្រុមហ៊ុនមួយនេះ។

នៅក្នុងខ្សែជីវិតដ៏ជូរចត់របស់គាត់ អាចក្លាយជាមេរៀនដ៏ល្អសម្រាប់យើងយកមករិះគិតដោយខ្លួនឯងថា ក្នុង​នាមគាត់ជាមនុស្ស​សាមញ្ញដែលធ្លាប់គេមិនទទួលឲ្យចូលបម្រើការងារក្នុងហាងមាន់បំពងមួយកន្លែង ថ្ងៃនេះគាត់បានប្រែក្លាយខ្លួនជា​មហា​សេដ្ឋីលំដាប់ពិភពលោក មានទ្រព្យសម្បត្តិរាប់លានដុល្លារបាន ចុះហេតុអ្វីអ្នកមិនអាចធ្វើបានដូចគាត់ បើមិនបានទេតើនៅខ្វះចំណុចណាខ្លះ? សួរសំណួរដល់ខ្លួនឯង ប្រឹងប្រែងព្យាយាមបន្ថែម និងរកចម្លើយនេះឲ្យឃើញ ថ្ងៃមុខអ្នកប្រាកដជាមានថ្ងៃដូច​ជាគាត់ពុំខានឡើយ៕

មតិយោបល់

ថ្មីៗ7 hours ago

ចិត្តល្អ ខំចុះពីឡានទៅទទួលខុសត្រូវករណីគ្រោះថ្នាក់ចរាចរណ៍ បែរជាត្រូវគេព្រួតវាយញាត់ភក់ស្លាប់ភ្លាមៗនៅនឹងកន្លែង

គួរដឹង7 hours ago

បើស្រលាញ់កូនសូមប្រយ័ត្ន! មេរោគម្យ៉ាងកំពុងរាលដាលខ្លាំងនៅថៃនិងវៀតណាម អីលូវកើតមានលើកុមារខ្មែរហើយ

គួរដឹង1 day ago

ទស្សនៈសំខាន់ៗរបស់បិតាស្ថាបនិកសិង្ហបុរី លីខ្វាន់យូ លើប្រទេសកម្ពុជាដែលគេកម្របានដឹង!

ទាក់ទាញ1 day ago

សម្រស់ប៉ុន្មានឆ្នាំមុនរបស់ អូនម៉ី កាលមិនទាន់ល្បីខ្លាំង ពិតជាឃើញហើយទប់អារម្មណ៍មិនបាន!

បែបផែនជីវិត1 day ago

ខឹងអ្នកភូមិមើ់លងាយថាក្ររៀនមិនចេះ… ខំប្រឹងរៀនរហូតបានពិន្ទុខ្ពស់ ហើយព្រីនរូបខ្លួនឯងបិទនៅផ្ទះតែម្តង!

ពេញនិយម