បើប្រទេសចិនលូតលាស់ដល់ថ្នាក់ជាមហាអំនាចសេដ្ឋកិច្ចទៅហើយ ហេតុអ្វីវានៅតែជាប្រទេសកំពុងអភិវឌ្ឍន៍ទៀត?
Connect with us

គួរដឹង

បើប្រទេសចិនលូតលាស់ដល់ថ្នាក់ជាមហាអំនាចសេដ្ឋកិច្ចទៅហើយ ហេតុអ្វីវានៅតែជាប្រទេសកំពុងអភិវឌ្ឍន៍ទៀត?

ការរីកចម្រើនលូតលាស់ក្នុងសន្ទុះយ៉ាងលឿនបំផុតរបស់សេដ្ឋកិច្ចប្រទេសចិន បានធ្វើអោយប្រទេសនេះក្លាយជាមហាអំនាចសេដ្ឋកិច្ចដ៏ធំ ពោលគឺប្រទេសចិននៅប្រគៀកប្រកិតជាមួយសហរដ្ឋអាមេរិចរហូតក្នុងរយះពេលពេលប៉ុន្មានឆ្នាំចុងក្រោយនេះ។

សន្ទុះសេដ្ឋកិច្ចនេះបានមកជាមួយនូវការរីករាលដាលនៃរោងចក្រឧស្សាហកម្មជាច្រើន ដែលបានមកដាក់តាំងទីនៅក្នុងដែនដីដ៏ធំធេងរបស់ប្រទេសចិន ដោយក្នុងនោះមានរោងចក្រជាច្រើនសុទ្ធតែគ្រប់គ្រងដោយជនជាតិអ៊ឺរ៉ុប។ វត្តមាននៃការវិនិយោគនៅប្រទេសចិន គឺជាចំនុចវិជ្ជមានមួយសម្រាប់ប្រជាជនប្រទេសនេះ ព្រោះវាមានផ្តល់ការងារនិងប្រាក់ចំនូលទៅដោយពួកគេ។

ប្រាក់ចំនូលរបស់ជនជាតិចិនបានកើនឡើងយ៉ាងលឿន ដែលបានចូលរួមចំនែកទៅដល់ផលិតផលក្នុងស្រុកសរុបប្រទេសចិន អោយកើនឡើងដល់ទៅ ឯណោះ។ ប៉ុន្តែតើអ្នកឆ្ងល់ទេថា បើ ច្រើនបែបនេះ ហេតុអ្វីបានជាប្រទេសចិនមិនទាន់ក្លាយទៅជាប្រទេសអភិវឌ្ឍន៍នៅឡើយ?

ក្នុងនោះមានហេតុអ្វីសំខាន់ៗមួយចំនួនធំដែលអាចបកស្រាយពីកត្តានេះបាន។ ទីមួយគឺថា អ្វីដែលអ្នកបានឃើញគឺគ្រាន់តែជាមួយផ្នែកតូចនៃប្រទេសចិនតែប៉ុណ្ណោះ។ ដោយសារតែទឹកដីប្រទេសចិនទាំងមូលធំធេងខ្លាំងណាស់ ការអភិវឌ្ឍន៍ដែលអ្នកបានឃើញគឺកើតឡើងនៅតែទីក្រុងធំៗដូចជាសៀងហៃ ហុងកុង គ័ងចូវ សិនចិន រឺប៉េកាំងតែប៉ុណ្ណោះ។ ផ្ទុយទៅវិញ ខេត្តឆ្ងាយៗផ្សេងទៀតនៅកំពុងជួបការលំបាកខ្វះខាតច្រើនណាស់។

ក្រៅពីនេះទៅទៀត ដោយសារប្រជាជនរបស់ប្រទេសចិនមានចំនួនលើសពី១កោដនាក់ទៅទៀត អញ្ចឹងហើយទើបធ្វើអោយប្រាក់ចំនូលសរុបទូទាំងប្រទេសមើលទៅមានចំនួនធំ ប៉ុន្តែប្រសិនជាចែកជាតួរលេខតូចៗទៅ ធាតុពិតម្នាក់ៗទទួលបានមិនសូវច្រើននោះទេ។

ចំនុចសំខាន់ម្យ៉ាងទៀតដែលគួរអោយពិចារណាផងដែរនោះគឺថា គម្លាតស្តង់ដាររស់នៅរបស់ប្រជាជនប្រទេសនេះមានទំហំធំយ៉ាងខ្លាំង ពោលគឺអ្នកមានមានកប់ពពក ឯអ្នកក្រវិញរកតែបាយចម្អែតក្រពះពុំបាន ហើយចំនួនអ្នកក្រទៀតគឺមានរហូតដល់ទៅរាប់សិបលាននាក់ឯនោះ។ ហេតុផលខ្លីខាងលើនេះហើយទើបធ្វើអោយប្រទេសចិននៅត្រឹមតែជាប្រទេសកំពុងអភិវឌ្ឍន៍នៅឡើយ៕

អត្ថបទល្អផ្សេងទៀត៖ រូបថត១៥សន្លឹកដែលបង្ហាញពីជ្រុងម្ខាងទៀត ដែលអ្នកប្រហែលមិនធ្លាប់ដឹងពីប្រទេសចិន!

ស្របជាមួយនឹងការអភិវឌ្ឍន៍ក្នុងអត្រាជាមធ្យមប្រមាណ១០%រៀងរាល់ឆ្នាំ បានធ្វើអោយសេដ្ឋកិច្ចប្រទេសចិនងើបឈរឡើងយ៉ាងលឿនបំផុត ពោលគឺវាបានធ្វើអោយប្រទេសស្តារមុខមាត់ពីប្រទេសដែលគ្រាន់តែមានប្រជាជនច្រើនបំផុតក្នុងលោកមួយ ទៅប្រទេសដែលមានកំលាំងលូតលាស់ខ្លាំងក្លា រហូតបានក្លាយជាមហាអំនាចមួយប្រចាំតំបន់ និងពិភពលោកទៅហើយ។

ក្នុងរយះពេលមិនដល់២០ឆ្នាំចុងក្រោយនេះ ការអភិវឌ្ឍន៍របស់ប្រទេសចិន បានផ្តល់អោយឃើញជារូបរាងតាមរយះការរៀបចំហេដ្ឋារចនាសម្ព័ន្ធយ៉ាងសម្បូរបែប ជាមួយនឹងការរីករាយដុះដាលដូចផ្សិតនៅអាគារធំៗខ្ពស់ ដែលមើលទៅគួរអោយស្ងើចសរសើរ។ ប៉ុន្តែទោះជាយ៉ាងណាក៏ដោយ អ្វីដែលអ្នកបានឃើញនោះគឺគ្រាន់តែជាគំនូរមួយភ្នែកតូចប៉ុណ្ណោះដែលបង្ហាញពីប្រទេសចិន។

ខណះដែលមនុស្សជាច្រើនបានដឹងថាប្រទេសចិនជាប្រទេសដែលខ្លាំងខាងផ្នែកសេដ្ឋកិច្ច មានមនុស្សជាច្រើនមិនបានដឹងថារាប់សិបលានអ្នកនៃប្រជាជនទៀតបានរស់នៅក្រោមបន្ទាត់នៃភាពក្រីក្រ។ ខាងក្រោមនេះគឺជារូប ១៥សន្លឹក ដែលបង្ហាញពីជ្រុងម្ខាងទៀតដែលអ្នកប្រហែលមិនធ្លាប់បានឃើញពីប្រទេសចិន៖

មតិយោបល់

ពេញនិយម