មួយណាល្អជាង៖ ការខិតខំប្រឹងប្រែង រឺ ទេពកោសល្យពីធម្មជាតិ?
Connect with us

បែបផែនជីវិត

មួយណាល្អជាង៖ ការខិតខំប្រឹងប្រែង រឺ ទេពកោសល្យពីធម្មជាតិ?

ខណៈពេលដែលមនុស្សមួយចំនួនមានភាពវៃឆ្លាតពីកំណើតមក មនុស្សមួយចំនួនទៀតមិនមានអំណោយទានបែបនេះនោះទេ។ មនុស្សដែលមានទេពកោសល្យពីកំណើតតែងត្រូវបានគេកោតស្ញប់ស្ញែងចំពោះសមត្ថភាពរបស់ពួកគេ​ក្នុងការចាប់យកអ្វីមួយបានយ៉ាងលឿនរឺការសម្រេចបានអ្វីមួយយ៉ាងងាយ។ ដោយឡែក មនុស្សមួយចំនួនទៀតត្រូវខិតខំប្រឺងប្រែងយ៉ាងខ្លាំងដើម្បីទទួលបានលទ្ធផលដូចគ្នានោះ។ ប៉ុន្ដែ តើរវាងកត្ដាទាំងពីរនេះ មួយណាដែលមានភាពល្អប្រសើរជាង?

ជាក់ស្ដែង ទេពកោសល្យពីធម្មជាតិអាចធ្វើឲ្យបុគ្គលម្នាក់មានសមត្ថភាពខ្ពស់ក្នុងការសម្រេចគោលដៅរបស់ពួកគេ ប៉ុន្ដែ ប្រសិនបើគ្មានការខិតខំហើយអង្គុយរងចាំលទ្ធផលល្អមករកខ្លួន មនុស្សដែលមានការខិតខំតស៊ូប្រាកដជាអាចយកឈ្នះបាន។

ជាក់ស្ដែង បុគ្គលល្បីល្បាញមួយចំនួនអាចមានថ្ងៃនេះក៏ដោយសារតែការខិតខំប្រឹងប្រែងរបស់ពួកគេ ដូចជាលោក Walt Disney ជាដើម ដែលត្រូវបានបណ្ដេញចេញដោយក្រុមហ៊ុនកាសែតមួយ និងត្រូវបានស្ដីបន្ទោសឲ្យថា “គ្មានគំនិតថ្មីៗ” និង “ខ្វះគំនិតច្នៃប្រឌិត”។

គួរបញ្ជាក់ផងដែរ ការប្រើពាក្យឆ្លាតរឺមិនឆ្លាតនេះអាចជាជម្រើសមិនល្អមួយ។ នៅពេលដែលត្រូវបានគេសរសើរ មនុស្សដែលឆ្លាតអាចនឹងមានមោទនភាពចំពោះខ្លួនឯង ហើយអាចនឹងមានការធ្វេសប្រហែសច្រើន ដោយពួកគេគិតថា ពួកគេនឹងសម្រេចវាបានដោយមិនចាំបាច់ខំប្រឹង។

មនុស្សមួយចំនួនទៀតដែលត្រូវបានគេថាឲ្យមិនសូវឆ្លាតអាចនឹងមានការបាក់ទឹកចិត្ត រឺអាចបោះបង់ចោលក្ដីស្រមៃរបស់ពួកគេក៏ថាបាន។

ដូច្នេះហើយ អ្នកមិនគួរប្រើ ហើយក៏កុំគិតពីសម្ដីទាំងនោះច្រើនពេក។ មិនថាអ្នកឆ្លាតរឺមិនសូវឆ្លាតក៏ដោយ អ្នកគួរចងចាំថា ការខិតខំតស៊ូនិងមិនចុះចាញ់ដោយងាយ ជាកត្តាដ៏សំខាន់មួយដែលអាចជួយអ្នកដើរទៅដល់គោលដៅដែលអ្នកចង់បាន៕

ប្រភព៖ Lifehack

អត្ថបទល្អផ្សេងទៀត៖ គន្លឹះសំខាន់ៗដើម្បីបង្កើនភាពឆ្លាតវ័យរបស់អ្នកអោយកាន់តែខ្លាំងទ្វេដង

ជាទូទៅមនុស្សយើងម្នាក់ៗតែងតែចង់បាននូវភាពវ័យឆ្លាតក្នុងការធ្វើអ្វីមួយ មិនថាភាពឆ្លាតវ័យក្នុងការធ្វើការងារ ភាពឆ្លាតវ័យក្នុងការសិក្សា និងជីវិតរស់នៅប្រចាំថ្ងៃផ្សេងៗ។ ក៏ប៉ុន្តែមនុស្សយើងកើតមកគឺមិនអាចយកនូវភាពឆ្លាតវ័យមកជាមួយបានភ្លាមនោះទេ ភាពឆ្លាតវ័យគឺកើតចេញពីការហ្វឹកហាត់ និងការរៀនសូត្រ លុតដំផ្សេងៗ។

ដោយឡែកភាពឆ្លាតវ័យរបស់មនុស្សយើងម្នាក់ៗក៏មានមិនស្មើគ្នាដែរ កំរិតនៃភាពឆ្លាតវ័យគឺខុសគ្នាពីមនុស្សម្នាក់ទៅមនុស្សម្នាក់ទៀត។ ដូចសព្វដងដែរ ថ្ងៃនេះអាណាចក្រនឹងនាំមកនូវគន្លឹះសំខាន់ៗមួយចំនួនដើម្បីបង្កើនភាពឆ្លាតវ័យរបស់យើងឱ្យបានឆាប់រហ័សនិងមានប្រសិទ្ធិភាព។

Improve your intelligence

១. បើយោងតាមអ្នកវិទ្យាសាស្រ្តផ្នែករោគប្រសាទ គាត់បានណែនាំដល់ការលេងវីដេអូហ្គេម ដែលអាចជួយបង្កើនភាពឆ្លាតវ័យរបស់មនុស្សយើង។​ វីដេអូហ្គេម អាចជួយពង្រឹងសមត្ថភាពរបស់អ្នកខាងផ្នែកវាយតម្លៃ និងវិភាគពីស្ថានការណ៏ផ្សេងៗ ហើយអាចជួយឱ្យយើងធ្វើការសំរេចចិត្តបានរហ័ស។ មិនត្រឹមតែប៉ុណ្ណោះ វាក៏អាចជួយដល់គុណភាពដំណើរការនៃខួរក្បាលឱ្យរហ័សរហួន ពង្រឹងការផ្តោតអារម្មណ៏ និងការយកចិត្តទុកដាក់ទៅលើរឿងអ្វីមួយ។

Video game

២. បើយោងតាមអ្នករោគចិត្តសាស្រ្ត ការអនុវត្តនូវការបណ្តុះគោលគំនិតឬការគិតឱ្យបានល្អិតល្អន់ទៅលើគ្រប់ជ្រុងជ្រោយរបស់ហេតុការអ្វីមួយ ឬរឿងអ្វីមួយដែលបានកើតឡើង វាធ្វើឱ្យយើងអាចអភិវឌ្ឍន៏នូវផ្នត់គំនិតរបស់យើងក៏ដូចជាធ្វើឱ្យការគិត និងខួរក្បាលយើងមានភាពអភិវឌ្ឍន៏ដែលអាចដោះស្រាយនូវបញ្ហាអ្វីមួយបានយ៉ាងងាយ ហើយវាក៏ធ្វើឱ្យយើងមានការត្រិះរិះពិចារណាកាន់តែប្រសើរ។

Improve your intelligence

៣. ក៏ដូចគ្នាដែរបើតាមការស្រាវជ្រាវនោះ យើងអាចបង្កើនភាពឆ្លាតវ័យរបស់យើងដោយការធ្វើលំហាត់ប្រាណជាប្រចាំ មិនត្រឹមតែប៉ុណ្ណោះការហាត់ប្រាណក៏ជួយឱ្យខួរក្បាលយើងចងចាំបានល្អជាងមុនផងដែរ។ ហាត់ប្រាណគឺអាចជួយខួរក្បាលយើងឱ្យដំណើរការបានល្អ វាជួយបណ្តុះការលូតលាស់នៃកាចងចាំ និងក៏ដូចជាបណ្តុះសរសៃរប្រសាទថ្មីៗ ដែលឱ្យមានភាពឆ្លាតនិងរក្សាការចងចាំល្អជាងមុន។ ដូច្នេះហើយទើបសហគ្រិនជោគជ័យគឺមានទំលាប់ហាត់ប្រាណជាប្រចាំ។

Improve your intelligence

៤. មួយវិញទៀត ការទទួលទាននូវភេសជ្ជៈដែលមានជាតិកាហ្វេអ៊ីនក៏ជួយដល់ការបង្កើននូវមុខងារថ្មីៗរបស់ខួរក្បាលផងដែរ។ តាមការដកពិសោធន៏មួយចំនួនបានឱ្យដឹងថា ជាតិកាហ្វេអ៊ីនជួយជុំរុញដល់ការគិតរបស់យើងឱ្យកាន់តែច្បាស់ ធ្វើឱ្យអារម្មណ៏យើងប្រសើរឡើង ងាយប្រតិកម្មនឹងរឿងអ្វីមួយឬក៏ហៅថាការពន្លឿននូវការឆ្លើយតបនៃខួរក្បាល បង្កើនការចងចាំ ភាពប្រុងប្រយ័ត្ន និងមុខងារនៃការយល់ដឹងរបស់ខួរក្បាល។

៥. លេងឩបករណ៏តន្រ្តីក៏ជួយដល់ជំនាញនៃការទំនាក់ទំនងរបស់យើងផងដែរ។ ការលេងនូវឩបករណ៏តន្ត្រីជួយបង្កើនប្រព័ន្ធរំញោចនៃភាពភ័យខ្លាច ព្រោះវាធ្វើឱ្យយើងផ្តោតអារម្មណ៏ទៅលើគ្រប់ជំហាននៃឩបករណ៏នោះ។ និយាយរួមការលេងតន្រ្តី ជាពិសេសលេងជាក្រុមគឺជួយឱ្យគ្រប់ប្រព័ន្ធនៃខួរក្បាលទាក់ទងគ្នាតាមឩបករណ៏នោះ ហើយក៏ធ្វើឱ្យយើងមានភាពលឿននៃការចាប់ចំនាំជាមួយនឹងទំនាក់ទំនងរវាងឩបករណ៏តន្រ្តីទាំងនោះ ក៏ដូចជាជីវិតពិតយើងផងដែរ។

៦. ហ្វឹកហាត់នៃការសរសេររបស់អ្នក គឺការសរសេរដោយដៃរាល់អ្វីដែលយើងគិតឬគំនិតរបស់យើង និងរៀបចំគំនិតទាំងនោះឱ្យចេញជាដំនោះស្រាយ។ បើប្រៀបធៀបការវាយគំនិតចូលក្នុងកុំព្យូរទ័រជាមួយនឹងការសរសេរដោយដៃនៃគំនិតទាំងនោះ គឺអ្នកដែលសរសេរដោយដៃនឹងអាចរៀនបានលឿនជាង ចងចាំព័ត៍មានបានយូរ និងងាយចាប់យកនូវគំនិតដែលថ្មីៗ។

Improve your intelligence

៧. អានជាមួយនឹងអត្ថបទឬសៀវភៅរឿងបែបប្រឌិតៗ។ គេបានយល់ឃើញថាអ្នកដែលអាននូវរឿងបែបនោះគឺជាមនុស្សដែលឆាប់យល់ពីស្ថានការណ៏អ្វីមួយដែលកំពុងកើងឡើង ហើយងាយយល់ពីអារម្មណ៏អ្នកដទៃដោយសារតែគេមានភាពស្រមើស្រម៉ៃខ្ពស់ពីការអានទាំងនោះ។

Improve your intelligence

គេខ្លាំងខាងផ្នែកពន្យល់នូវអារម្មណ៏ និងហេតុការណ៏អ្វីមួយដោយប្រើការយល់ឃើញពីទស្សនៈផ្សេងៗគ្នាមកផ្តុំបញ្ចូលគ្នាបង្កើតជារូបភាពមួយឱ្យយើងងាយយល់ពីហេតុការណ៏មួយនោះ៕

ហាមដាច់ខាតយកអត្ថបទពី ANARCHAK.COM ទៅផ្សាយបន្តដោយគ្មានការអនុញ្ញាតិ បើលោក លោកស្រីត្រូវការអត្ថបទ សូមទំនាក់ទំនងលេខទូរស័ព្ទ 010 999 745

មតិយោបល់

ពេញនិយម