មនុស្សដែលរីករាយពិតប្រាកដមិនខ្វល់ជាមួយរឿងទាំង ៨ នេះទេ!
Connect with us

បែបផែនជីវិត

មនុស្សដែលរីករាយពិតប្រាកដមិនខ្វល់ជាមួយរឿងទាំង ៨ នេះទេ!

សុភមង្គលរឹភាពសប្បាយរីករាយគឺជាអ្វីដែលមនុស្សគ្រប់រូបប្រាថ្នាចង់បាន។ សុភមង្គលមិនតែងតែកើតចេញពីរបស់ក្រៅខ្លួនដូចជា ទ្រព្យសម្បត្តិហូរហ៊ា អំណាចខ្លាំងក្លា រឺកិត្តិយសខ្ពង់ខ្ពស់នោះទេ។ ដោយឡែក មនុស្សដែលមានភាពរីករាយជាមួយជីវិតរបស់ពួកគេយ៉ាងពិតប្រាកដ​តែងតែមានគំនិតវិជ្ជមាននិងមានសង្ឃឹមជានិច្ច មិនថាពួកគេស្ថិតក្នុងស្ថានភាពលំបាកបែបណានោះទេ។ ជាទូទៅ ពួកគេទាំងនោះជាមនុស្សសុទិដ្ឋិនិយម សុចរិត មានក្រមសីលធម៌ខ្ពស់ មានចិត្តមេត្តា សប្បុរស និងជាពិសេសពួកគេពោរពេញទៅដោយសេចក្ដីស្រលាញ់។ ហើយមូលហេតុដែលធ្វើឲ្យពួកគេអាចរក្សាភាពវិជ្ជមានក្នុងជីវិតនិងរស់នៅដោយភាពសប្បាយរីករាយនោះគឺ ដោយសារតែមនុស្សទាំងនេះមិនខ្ជះខ្ជាយពេលវេលារបស់ពួកគេខ្វល់ខ្វាយនឹងរឿងទាំង ៨ ខាងក្រោមនេះ។

១. ទ្រព្យសម្បត្តិក្រៅខ្លួន៖ ជាការពិតណាស់ ការមានលុយច្រើន មានឡានទំនើបជិះ មានផ្ទះវីឡាធំ គឺជារឿងល្អ ប៉ុន្ដែវាមិនអាចធានាបាននោះទេថា របស់ទាំងនេះនឹងនាំមកនូវសុភមង្គលពិតប្រាកដ ដោយសារតែសុភមង្គលគ្រួសារក៏អាចត្រូវបានបំផ្លាញដោយរបស់ទាំងនេះផងដែរ។ មនុស្សដែលរីករាយយ៉ាងពិតប្រាកដរស់នៅក្នុងជីវភាពសមរម្យមួយ និងប្រើប្រាស់ធនធានដែលពួកគេមានដើម្បីបង្កើនតម្លៃក្នុងជីវិតរបស់អ្នកដទៃ។

២. ការទទួលផលតបស្នង៖ ពួកគេមិនរំពឹងថា ការដែលពួកគេជួយនរណាម្នាក់ ពួកគេនឹងទទួលបានអ្វីត្រឡប់មកវិញនោះទេ។ ចំពោះពួកគេ ការធ្វើឲ្យជីវិតអ្នកដទៃមានភាពល្អប្រសើរនេះហើយជាអ្វីដែលពួកគេចង់បាន។

៣. ការរំពឹងទុករបស់សង្គម៖ មនុស្សទូទៅតែងធ្វើអ្វីៗឲ្យដូចការរំពឹងទុករបស់អ្នកដទៃទៀតនៅក្នុងសង្គម ហើយវាអាចជាសម្ពាធដ៏ធំមួួយ។ ដោយឡែក មនុស្សដែលពោរពេញទៅដោយភាពរីករាយជ្រើសរើសការរស់នៅតាមរបៀបដែលពួកគេចង់បាន ដរាបណាទង្វើទាំងនោះមិនប៉ះពាល់ដល់អ្នកដទៃរឺល្មើសច្បាប់។

៤. ការវាយតម្លៃរបស់អ្នកដទៃ៖ ពួកគេមិនខ្វល់ទេថា អ្នកដទៃគិតបែបណាចំពោះពួកគេនោះទេ។ ការរស់នៅដោយព្យាយាមសម្របតាមអ្នកដទៃគ្រប់យ៉ាង​នឹងធ្វើឲ្យអ្នកបាត់បង់នូវតម្លៃផ្ទាល់ខ្លួននិងសុភមង្គលរបស់អ្នកផងដែរ។

៥. ការប្រៀបធៀប៖ ពួកគេប្រហែលជាសិក្សាពីរបៀបដែលបុគ្គលមួយចំនួនទទួលបានភាពជោគជ័យ ប៉ុន្ដែពួកគេតែងតែផ្ដោតខ្លាំងទៅលើការរីកចម្រើននិងការវិវត្តរបស់ខ្លួន ដោយមិនច្រណែនឈ្នានីសនឹងភាពជោគជ័យរបស់អ្នកដទៃឡើយ។

៦. ការនិយាយដើម៖ មនុស្សដែលសប្បាយចិត្តពិតប្រាកដមិនខ្វល់ពីការនិយាយដើមពីក្រោយខ្នងរឺពាក្យចចាមអារ៉ាមនោះទេ ហើយពួកគេតែងពេញចិត្តនឹងជីវិតផ្ទាល់ខ្លួនរបស់ពួកគេ។

៧. ការចងគំនុំ៖ ពួកគេដឹងថា ការគុំគួនមិនមែនជាជម្រើសដ៏ល្អមួយនោះទេ ដោយសារតែចិត្តគំនិតរបស់ពួកគេនឹងប្រែជាខ្មៅស្រអាប់។ ដូច្នេះហើយ ពួកគេមានការអត់អោនច្រើន។

៨. ការលូកដៃចូលរឿងអ្នកដទៃ៖ ពួកគេមិនលូកលាន់ក្នុងជីវិតអ្នកដទៃនោះទេ ប៉ុន្ដែពួកគេនឹងស្ម័គ្រចិត្តជួយប្រសិនបើមានគេត្រូវការជំនួួយ៕

ប្រភព៖ Lifehack

អត្ថបទល្អផ្សេងទៀត៖ អ្នកជាមនុស្សស្រីដែលមានសុភមង្គលបើអ្នកកំពុងរស់នៅក្នុង៤ចំនុចនេះ

មនុស្សស្រីគ្រប់គ្នាសុទ្ធតែចង់បានសុភមង្គល ប៉ុន្តែអ្វីទៅគឺជាសុភមង្គល? មនុស្សម្នាក់ៗកំណត់ពីនិយមន័យនៃពាក្យ សុភមង្គល មិនដូចគ្នានោះទេ។ អ្នកខ្លះកំនត់ថា សុភមង្គលគឺភាពស្មោះត្រង់ ភាពសប្បាយរីករាយ ហើយមានតែមនុស្សដែលយល់ពីភាពស្មោះត្រង់និងភាពរីករាយទេ ទើបអាចទទួលបានសុភមង្គលពិតប្រាកដ។ សុភមង្គលរបស់មនុស្សស្រី មួយប្រភេទគឺពឹងផ្អែកលើមនុស្សប្រុស មួយប្រភេទទៀតគឺព្យាយាមបង្កើតសុភមង្គលដោយខ្លួនឯង។

មនុស្សស្រីដែលមានសុភមង្គល ក្នុងការរស់នៅគឺមានលក្ខណៈ ៤យ៉ាងនេះ៖

មនុស្សស្រីមានសុភមង្គល

១. មានស្វាមីដែលយល់ពីនាង ស្រលាញ់នាង

មនុស្សស្រីដែលមានសុភមង្គល គឺមានស្វាមីដ៏ល្អម្នាក់ស្រលាញ់  យកចិត្តទុកដាក់ មើលថែរក្សារនាង បំពេញចិត្តនាងធ្វើយ៉ាងណាអោយនាងសប្បាយចិត្ត។ ក្នុងការរស់នៅ គ្រប់ពេលវេលា គ្រប់ទីកន្លែងមានមនុស្សប្រុសល្អម្នាក់ថែរក្សារនាង មិនអោយនាងមានអារម្មណ៍មិនល្អ ឬអោយនាងទទួលអារម្មណ៍ខុសឆ្គងសូម្បីតែបន្តិច។ មនុស្សស្រីដែលមានសុភមង្គលគឺ មនុស្សស្រីដែល ក្នុងចិត្តពោពេញដោយភាពស្កប់ស្កល់នៃភាពសប្បាយចិត្ត និងមានបុរសដែលចាំមើលថែនាង និងនៅក្បែរគ្រប់ពេល។

២. ការរស់នៅសម្បូរហូរហៀ ចង់បានអ្វីគឺបានហ្នឹង

មនុស្សស្រីដែលមានសុភមង្គល ជាមនុស្សស្រីដែលរស់នៅដោយស្តុកស្តម ត្រូវការអ្វី គឺសុទ្ធតែអាចទិញបានទាំងអស់ មិនចាំបាច់ច្រនែននិងមនុស្សស្រីដទៃ អាចប្រើគ្រឿងសំអាងដែលខ្លួនចូលចិត្ត ស្លៀកសំលៀកបំពាក់ដែលខ្លួនចូលចិត្ត ស្ពាយកាបូបដែលខ្លួនស្រលាញ់ មានលទ្ធភាពញាំអាហារដែលជួយថែរក្សារសម្រស់បាន។ មនុស្សស្រីដែលមានសុភមង្គល មិនដែលឈឺក្បាលទៅហ្នឹងការចំនាយលើរបស់អស់ទាំងនេះទេ ពោលគឺចង់បានអ្វីគឺបានដោយមិនបាច់ខំប្រឹង។

ចង់បានអ្វីបានហ្នឹង

៣. ភាពសុខដុមរមនាក្នុងគ្រួសារ

មនុស្សស្រីដែលមានសុភមង្គល គឺនៅក្នុងគ្រួសារមានតែភាពសប្បាយរីករាយ គ្រួសារទាំងមូលមានតែរឿងសោមនស្ស ម្តាយក្មេក ចេះយោគយល់អធ្យាស្រ័យ តែងតែរំលឹកកូនប្រុសរបស់ខ្លួនអោយល្អជាមួយប្រពន្ធ មិនដែលមានអារម្មណ៍ថាខុសឆ្គង មិនដែលខឹង រញាំរញ៉ូវដាក់អ្នកដ៏ទៃ។ មនុស្ស​ស្រីដែលមានសុភមង្គល ជាមនុស្សស្រីដែលទទួលបានការអោយតំលៃពីសមាជិកគ្រួសារ ដែលសមាជិកម្នាក់ៗមិនដែលបន្ទោសស្តីថាអោយ រឹតតែមិនដែលមើលរំលងពីវត្តមានរបស់នាងក្នុងគ្រួសារ ជាពិសេសនាងមានតំនែងឬឋានៈក្នុងគ្រួសារទៀតផង។

៤. រស់នៅដោយសប្បាយចិត្ត ហើយមានមោទនភាពលើខ្លួនឯង

មនុស្សស្រីដែលមានសុភមង្គល គឺមនុស្សស្រីដែលរស់នៅក្នុងភាពរីករាយ រាល់ថ្ងៃមានតែរឿងសប្បាយចិត្ត ស្នាមញញឹមមាននៅលើផ្ទៃមុខ ពេញចិត្តនៅជីវភាពរស់នៅសព្វថ្ងៃ មានទំនុកចិត្តលើខ្លួនឯង មានមោទនភាពលើខ្លួនឯង។ ជាមនុស្សស្រីដែលមានសុភមង្គល គឺនាងមិនដែលមើលងាយបន្តុះបង្អាប់ខ្លួនឯង នៅពេលដែលជីវិតជួបការលំបាកឬបញ្ហាអ្វីមួយ នាងមិនដែលរស់នៅដោយកើតទុក្ខមិនសប្បាយចិត្តឡើយ កាន់តែមិនដែលបន្ទោសទេវត្តាមិនយុទ្ធធម៌ចំពោះខ្លួន៕

រស់នៅដោយរីករាយ ទំនុកចិត្ត

មនុស្សស្រីដែលមានសុភមង្គល គឺមានតាមប្រភេទរបស់នាង ប៉ុន្តែមិនមែនមនុស្សគ្រប់គ្នាសុទ្ធតែមានសុភមង្គលទេ មនុស្សស្រីដែលមានសុភមង្គលគឺប្រហែលមានចំនួនតិចតួច។ តើអ្នកជាមនុស្សស្រីដែលមានសុភមង្គលដែរទេ?

ហាមដាច់ខាតយកអត្ថបទពី ANARCHAK.COM ទៅផ្សាយបន្តដោយគ្មានការអនុញ្ញាតិ បើលោក លោកស្រីត្រូវការអត្ថបទ សូមទំនាក់ទំនងលេខទូរស័ព្ទ 010 999 745

មតិយោបល់

ពេញនិយម