សម្រាប់អ្នកចូលចិត្តត្រីឆៅជប៉ុន ផ្សារនេះហើយជាកន្លែងដែលអ្នកប្រាថ្នា!
Connect with us

ទាក់ទាញ

សម្រាប់អ្នកចូលចិត្តត្រីឆៅជប៉ុន ផ្សារនេះហើយជាកន្លែងដែលអ្នកប្រាថ្នា!

វប្បធម៌ម្ហូបអាហាររបស់ប្រទេសជប៉ុនត្រូវបានចែកចាយនៅស្ទើរតែគ្រប់ច្រកល្ហកនៅក្នុងពិភពលោក ដោយក្នុងនោះការទទួលទានត្រីឆៅ ត្រូវបានក្លាយជាការពេញនិយមបំផុតរបស់អ្នកដែលតែងតែចូលចិត្តជាមួយនឹងអាហារប្រទេសមួយនេះ។

ថ្វីត្បិតតែនៅដល់ប្រទេសជប៉ុនហើយមែន ប៉ុន្តែមិនមែនសុទ្ធតែគ្រប់ទីកន្លែងសុទ្ធតែមានលក់នូវគ្រឿងសាច់ល្អបន្លែល្អៗដូចគ្នានោះទេ ពោលគឺក្នុងចំនោមផ្សារដែលផ្គត់ផ្គង់គ្រឿងអាហារនៅក្នុងប្រទេសជប៉ុនមួយទាំងមូល មានផ្សារត្រីមួយឈ្មោះថា “Tsukiji” ដែលឈរនៅតារាងទី១លើគេបង្អស់ ដែលមនុស្សគ្រប់គ្នានឹងគិតដល់ ប្រសិនជាពួកគេចង់ទិញត្រី រឺគ្រឿងសមុទ្រល្អៗយកទៅចម្អិន។

ផ្សារ Tsukiji មានទីតាំងនៅចំកណ្តាលបេះដូងនៃទីក្រុងតូក្យូនេះតែម្តង ដោយវាគឺជាផ្សារត្រីដ៏ធំបំផុតនៅក្នុងប្រទេសជប៉ុន ហើយវាមានសមត្ថភាពបម្រើអោយផលនេសាទប្រមាណជាជាង ២ពាន់តោនជារៀងរាល់ថ្ងៃ។

ផ្សារនេះមិនត្រឹមតែជាកន្លែងដែលចុងភៅ រឺមេផ្ទះគ្រប់រូបតម្រង់ជួរគ្នាចូលទៅទិញនោះទេ ប៉ុន្តែវាក៏ជាកន្លែងដែលទាក់ទាញភ្ញៀវទេសចរណ៍រាប់ម៉ឺនអ្នកផងដែរ អោយទៅទស្សនាពីទិដ្ឋភាពនៃផ្សារត្រីដ៏ល្បីនេះ។

ជារឿយៗ នៅផ្សារនេះក៏តែងមានការប្រកួតប្រជែងដេញថ្លៃរវាងអ្នកទិញជាច្រើនផងដែរ ដើម្បីយកត្រីល្អមកបរិភោគ រឺមកលក់បន្ត។ នៅទីនោះ អ្នកអាចរកជាវបានត្រីធូណា សាល់មុន និងគ្រឿងសមុទ្រជាច្រើនទៀតយ៉ាងសម្បូរបែប ខណះដែលផលនេសាទទាំងនោះគឺសុទ្ធតែស្រស់ៗ និងមានរសជាតិឆ្ងាញ់ទៀតផង៕

អត្ថបទល្អផ្សេងទៀត៖ ហេតុអ្វីឪពុកម្តាយជនជាតិជប៉ុនហ៊ានបណ្តោយអោយកូនតូចខ្លួនធ្វើដំណើរទៅរៀនខ្លួនឯងអញ្ចឹង?

រឿងរ៉ាវម្យ៉ាងរបស់ឪពុកម្តាយជនជាតិជប៉ុន ដែលធ្វើអោយឪពុកម្តាយជនជាតិដទៃទៀត នាំគ្នាស្ងើចសរសើរ និងហួសចិត្តគ្រប់គ្នា ព្រោះតែពួកគេមិនចង់ជឿថា ជនជាតិជប៉ុននេះបណ្តោយកូនរបស់ខ្លួនដែលមានអាយុមិនទាន់ដល់១០ឆ្នាំផង អោយធ្វើដំណើរទៅសាលារៀន និងត្រលប់មកផ្ទះវិញដោយខ្លួនឯង។

ប៉ុន្តែ តើហេតុអ្វីឪពុកម្តាយជនជាតិជប៉ុនហ៊ានបណ្តោយអោយកូនតូចខ្លួនធ្វើដំណើរទៅរៀនខ្លួនឯងអញ្ចឹង? ខាងក្រោមនេះគឺជាហេតុផលធំៗដែលជម្រុញអោយពួកគេសម្រេចចិត្តហ៊ានបណ្តោយបែបនេះ៖

១. សន្តិសុខល្អ

សន្តិសុខនៅប្រទេសជប៉ុន ត្រូវបានគេចាត់ទុកជាប្រទេសដែលមានសុវត្ថិភាពបំផុតនៅក្នុងការរស់នៅ និងដើរហើរ ពោលអ្នកមិនចាំបាច់បារម្មណ៍បញ្ហាចាប់ជម្រិត ឆក់ប្លន់ រឺយ៉ាងណានោះទេ។ នៅតាមដងផ្លូវតូចធំសុទ្ធតែបំពាក់អោយប្រព័ន្ធកាម៉េរាសុវត្ថិភាព និងប៉ូលីសដើម្បីយាមអង្កត។ ដូច្នេះហើយទើបឪពុកម្តាយជប៉ុនហ៊ានបណ្តោយអោយកូនរបស់ខ្លួនទៅណាមកណាតែឯង។

២. ប្រជាជនចេះជួយគ្នា

ការបណ្តោយអោយកូនក្មេងធ្វើដំណើរតែម្នាក់ឯងអាចជារឿងមានគ្រោះថ្នាក់ ព្រោះតែពួកគេងាយស្រួលវវ្វេងផ្លូវ។ ប៉ុន្តែសម្រាប់ប្រទេសជប៉ុន ប្រជាជនពួកគេមានការជួយគ្នាសម្បើមណាស់ ពោលគឺប្រសិនជាពួកគេឃើញមានក្មេងណាដើរម្នាក់ឯងដូចជាវវ្វេងផ្លូវ ពួកគេនឹងរាយការណ៍ដល់សមត្ថភាពភ្លាមៗ។

៣. ប្រព័ន្ធយាន្តគមនាគមន៍មានគ្រប់គ្រាន់

ប្រព័ន្ធបណ្តាញគមនាគមន៍របស់ប្រទេសជប៉ុន គឺមានភាពជឿនលឿនបំផុត ដូច្នេះហើយក្មេងទាំងនោះអាចធ្វើដំណើរតាមវាជាទម្លាប់ប្រចាំថ្ងៃ ដោយមិនខ្លាចវវ្វេងនៅក្នុងការរកយាន្តជំនិះអ្វីធ្វើដំណើរនោះទេ។

៤. គ្មានជម្រើស

ការដែលឪពុកម្តាយជប៉ុនសម្រេចចិត្តធ្វើបែបនេះផងនោះ គឺដោយសារតែពួកគេពុំមានជម្រើស។ ការងារពួកគេច្រើនរាប់មិនអស់ ដែលមិនអាចអោយពួកគេចំនាយពេលទៅជូនកូនរបស់ខ្លួនទៅសាលា និងមកផ្ទះនោះទេ។ ដូច្នេះចង់រឺមិនចង់ ពួកគេត្រូវតែធ្វើបែបនេះ៕

មតិយោបល់

ពេញនិយម