រឿងសំខាន់ៗដែលត្រូវដឹង មុនពេលសម្រេចចិត្តទៅបាញ់ឡាស៊ែរបំបាត់ស្នាម!
Connect with us

គួរដឹង

រឿងសំខាន់ៗដែលត្រូវដឹង មុនពេលសម្រេចចិត្តទៅបាញ់ឡាស៊ែរបំបាត់ស្នាម!

ដើម្បីសម្រស់ វិធីសាស្ត្រអ្វីក៏មនុស្សគ្រប់គ្នាហ៊ានសាកល្បងដែរ។ ក្នុងការបំពេញតម្រូវរបស់អ្នកស្រលាញ់សម្រស់ មានវិធីសាស្ត្រជាច្រើនដែលអាចធ្វើទៅបាន ដោយក្នុងនោះមានតាំងពីវិធីសាស្ត្រដែលទទួលបានលទ្ធផលក្នុងពេលយូរ និងវិធីសាស្ត្រដែលអាចឃើញលទ្ធផលភ្លាមៗក៏បាន។

សម្រាប់បញ្ហាស្លាកស្នាមផ្សេងៗ មានវិធីមួយដែលមនុស្សជាច្រើន តែងតែជ្រើសរើស ដែលវិធីសាស្រ្តគឺតាមរយះការបាញ់ឡាស៊ែរបំបាត់ស្លាកស្នាម។ ប៉ុន្តែមុននឹងធ្វើសម្រេចចិត្តធ្វើការបាញ់ឡាស៊ែរ អ្នកត្រូវដឹងចំនុចសំខាន់ៗទាំង៦នេះសិន៖

១. មិនមែនសុទ្ធតែគ្រប់សន្លាកទាំងអស់សុទ្ធតែអាចបាញ់អោយបាត់នោះទេ

ថ្វីត្បិតតែបច្ចេកវិទ្យាសម័យឥឡូវនេះជឿនលឿនច្រើន បើប្រៀបធៀបទៅនឹងពីមុន ប៉ុន្តែថ្វីត្បិតតែបែបនេះមែន ការបាញ់ឡាស៊ែរក៏មិនអាចធ្វើអោយជាសន្លាកទាំងស្រុងបានដែរ។ វាគ្រាន់តែអាចជួយកាត់បន្ថយស្លាកស្នាមបានច្រើនជាងមុនប៉ុណ្ណោះ។

២. ការព្យាបាលល្អមិនល្អ ស៊ីសងទៅលើអ្នកជំនាញនោះទៀត

មិនមែនអោយតែមានម៉ាស៊ីនឡាស៊ែរក៏អាចបាញ់បំបាត់ស្នាមនោះបានទេ ព្រោះទាល់តែអ្នកជំនាញខាងផ្នែកនោះ ទើបអាចបាញ់បំបាញ់ស្នាមបានល្អ។

៣. ការបាញ់ឡាស៊ែរនេះទាមទារអោយបានការប្រឹក្សាយោបល់ជាមុនសិន

អ្នកគួរតែប្រយ័ត្ននៅពេលដែលកន្លែងបាញ់ឡាស៊ែរនោះធ្វើការបាញ់អោយអ្នកដោយមិនបានពិនិត្យប្រឹក្សាអោយបានច្បាស់ជាមុន ព្រោះប្រភេទស្បែកមនុស្សម្នាក់ទៅម្នាក់ខុសគ្នា អញ្ចឹងហើយមិនអាចចេះតែបាញ់ៗនោះទេ។

៤. ត្រូវលាបឡេការពារកម្តៅមុនពេល និងក្រោយពេលបាញ់ឡាស៊ែរ

ប្រសិនជាស្បែករបស់អ្នកកំពុងតែរងការបំផ្លាញអោយកម្តៅព្រះអាទិត្យហើយនោះ អ្នកមិនត្រូវបាញ់ឡាស៊ែរទៀតនោះទេ ព្រោះវាអាចធ្វើអោយអ្នកមានបញ្ហាស្បែកកាន់តែធ្ងន់ធ្ងរ។ ដូច្នេះហើយមុនពេលធ្វើការបាញ់ និងក្រោយពេលបាញ់ អ្នកគួរតែការពារស្បែកអោយបានត្រឹមត្រូវល្អ។

៥. រឿងមិនត្រូវធ្វើបន្ទាប់ពីបាញ់រួច

បន្ទាប់ពីទទួលទានការព្យាបាលដោយកាំរស្មីឡាស៊ែរ អ្នកត្រូវតែតមជក់បារី២អាទិត្យ មិនញ៉ាំថ្នាំ អាស្ពីរីន រឺអាហារដែលផ្ទុកវីតាមីន និងថ្នាំផ្សេងៗដែលអាចធ្វើអោយយឺតដល់ការព្យាបាល មិនត្រូវប្រើឡេរឺផលិតផលស្បែកណាមួយដែលមានផ្ទុកសារធាតុកាត់យ៉ាងហោចណាស់១ខែ…។

៦. ការបាញ់ឡាស៊ែរអាចតម្រូវអោយធ្វើលើសពីមួយដង

មិនមានគ្រាន់តែបាញ់ឡាស៊ែរម្តងក៏អាចព្យាយាមស្លាកស្នាមបាននោះទេ ព្រោះស្លាកស្នាមខ្លះអាចត្រូវការពេលការព្យាបាលលើសពី១ដងក៏ថាបាន៕

អត្ថបទល្អផ្សេងទៀត៖ មុននឹងសម្រេចចិត្តបាញ់ឡាស៊ែរធ្មេញអោយស អ្នកត្រូវដឹងចំនុចសំខាន់ៗទាំងនេះសិន!

នៅពេលថ្មីចុងក្រោយនេះ ប្រសិនជាយើងសង្កេតនៅតាមបណ្តាញសង្គម រឺនៅតាមប្រព័ន្ធផ្សព្វផ្សាយនានា អ្នកនឹងបានឃើញពីការកើលឡើងនៃចំនួនអ្នកដែលបានបាញ់ឡាស៊ែរដើម្បីធ្វើអោយធ្មេញរបស់ខ្លួនស ពោលគឺសខ្លាំងខុសដាច់ពីធ្មេញធម្មជាតិ។

ការពេញនិយមនេះបានធ្វើអោយមនុស្សជាច្រើនបានសម្រេចចិត្តទៅធ្វើបែបនេះដូចគ្នាអញ្ចឹងដែរ ដោយពួកគេច្រើនយល់ថាការធ្វើបែបនេះនឹងជួយបង្កើនសម្រស់របស់ពួកគេមួយផ្នែក។ ប៉ុន្តែតើការធ្វើបែបនេះមានគ្រោះថ្នាក់ រឺគុណវិបត្តិដែររឺទេ? មុននឹងសម្រេចចិត្តចំនាយប្រាក់ធ្វើបែបនេះ អ្នកគួរដឹងពីចំនុចខ្លះនៃធ្មេញរបស់អ្នក និងការបាញ់ឡាស៊ែរអោយធ្មេញសនេះសិន ដែលក្នុងនោះមានដូចជា៖

១. ធ្មេញរបស់អ្នកអាចស្រូបពណ៌បាន

ថ្វីត្បិតតែយើងមើលទៅ ធ្មេញរបស់យើងហាក់ដូចជាមានធាតុរឹង និងរលោងស្មើគ្នាមិនមានចន្លោះអ្វីក៏ពិតមែន ប៉ុន្តែធាតុពិតទៅវាមានរន្ធតូចៗជាច្រើនដែលយើងមិនអាចមើលឃើញដោយភ្នែកទទេ។ ដូច្នេះនៅពេលដែលអ្នកបរិភោគអាហារ ឬភេសជ្ជះអ្វីមួយដែលមានពណ៌យូរៗទៅ វានឹងធ្វើអោយធ្មេញរបស់អ្នកមានពណ៌ទៅតាមនោះដែរ។ ការញ៉ាំកាហ្វេ រឺការជាក់បារីជាដើម សុទ្ធតែអាចធ្វើអោយធ្មេញរបស់អ្នកប្តូរពណ៌ទៅជាលឿង ឬខ្មៅ អាស្រ័យលើរយះពេលដែលអ្នកទទួលទានវា។ ដូច្នេះដើម្បីអោយធ្មេញរបស់អ្នកមានពណ៌ដូចធម្មតា អ្នកត្រូវតែធ្វើការលាងសម្អាតអោយបានដិតដល់បំផុត។

២. ការធ្វើធ្មេញអោយសអាចមិនមានបញ្ហាដល់ធ្មេញ

ជាការពិតណាស់ អ្វីក៏ដោយអោយតែខុសពីធម្មជាតិ វាមិនប្រាកដថាល្អទាំងស្រុងនោះទេ។ ប៉ុន្តែថ្វីត្បិតតែបែបនេះក្តី ការសម្អាតធ្មេញអោយស អាចនឹងមិនមានបញ្ហាធំដុំអ្វីដល់ធ្មេញរបស់អ្នកឡើយ អោយតែអ្នកទៅសម្អាត និងបាញ់ឡាស៊ែរត្រឹមត្រូវតាមក្បូនខ្នាតបច្ចេកទេសត្រឹមត្រូវ។

៣. ការធ្វើអោយធ្មេញសពេកនឹងអាចធ្វើអោយឧស្សាហ៍ស្រាវធ្មេញ

ថ្វីត្បិតតែការធ្វើអោយធ្មេញសអាចមិនផ្តល់បញ្ហាដល់សុខភាពមាត់ធ្មេញ ការធ្វើអោយធ្មេញសហួសហេតុនឹងអាចបំផ្លាញសុខភាពមាត់ធ្មេញរបស់អ្នកទៅវិញ ពោលគឺធ្មេញរបស់អ្នកឆាប់នឹងអាក់សមត្ថភាពក្នុងការទប់ទល់នឹងកម្តៅក្តៅ ត្រជាក់ រឺអាហារនានាជាច្រើន។ ហេតុដូច្នេះហើយទើបវាធ្វើអោយអ្នកដែលមានធ្មេញ សខ្លាំងតែងមានអាការះស្រៀវធ្មេញ។

៤. ការបាញ់ឡាស៊ែរធ្មេញមិនស័ក្តសមសម្រាប់អ្នកដែលមានធ្មេញឧស្សាហ៍ស្រាវនោះទេ

ដោយសារតែការបាញ់ឡាស៊ែរអាចធ្វើអោយធ្មេញដែលមានសុខភាពធម្មតាមានបញ្ហាស្រៀវទៅហើយ ដូច្នេះសម្រាប់អ្នកដែលមានបញ្ហាស្រៀវធ្មេញស្រាប់ អ្នកមិនគួរព្យាយាមប្រើប្រាស់ឡាស៊ែរសម្រាប់ធ្វើអោយធ្មេញសនោះឡើយ។ ផ្ទុយទៅវិញ អ្នកអាចព្យាយាមធ្វើអោយធ្មេញរបស់អ្នកសតាមបែបធម្មជាតិដោយសន្សឹមៗវិញប្រសើរជាង។

៥. ការប្រើប្រាស់ឡាស៊ែរអោយធ្មេញស មិនអាចអោយធ្មេញសជារៀងរហូតឡើយ

ថ្វីត្បិតតែការប្រើប្រាស់ឡាស៊ែរអោយធ្មេញស គឹជាវិធីដែលលឿនបំផុត និងងាយស្រួលបំផុតក្នុងការធ្វើអោយធ្មេញសពិតមែន ក៏ប៉ុន្តែវាមិនអាចធ្វើអោយធ្មេញរបស់អ្នកសជារៀងរហូតនោះទេ។ ពោលគឺវានឹងប្រែប្រួលពណ៌ពីមួយថ្ងែទៅមួយថ្ងៃ ជាពិសេសប្រសិនជាអ្នកមិនបានថែទាំវាអោយដិតដល់។ ម្យ៉ាងដើម្បីថែរក្សាអាយុកាលនៃភាពសនេះអោយបានយូរល្អ អ្នកត្រូវតែឧស្សាហ៍ទៅជួបវិជ្ជបណ្ឌិតជំនាញដើម្បីប្រឹក្សា និងទទួលការថែទាំទៀតផង។

មតិយោបល់

ពេញនិយម