គួរដឹង

ធ្លាប់ឆ្ងល់អត់ ហេតុអ្វីបានជាគេប្រើប្រាស់ផ្សែងបាញ់នៅពេលប្រគុំតន្រ្តី?

តើអ្នកមានធ្លាប់ចាប់អារម្មណ៍ទេ? ហេតុអ្វីបានជាអោយតែដល់ពេលមានប្រគុំតន្ត្រីម្តងៗ គេតែងតែប្រើប្រាស់ម៉ាស៊ីនដើម្បីបាញ់ផ្សែងចេញមកលើឆាកនោះ? តើការធ្វើធ្វើបែបនេះមានគោលបំណងអ្វី?

ការប្រើប្រាស់ផ្សែងបាញ់ចេញមកនៅពេលប្រគុំតន្រ្តីនេះ ជាភាសាអង់គ្លេសត្រូវបានគេហៅថា “Theatrical smoke” ដែលវាគឺជាប្រភេទផ្សែងប្រើប្រាស់ជាពិសេសនៅក្នុងវិស័យកំសាន្តនានា ដូចជាការប្រគុំតន្រ្តី រឺក៏នៅតាមក្លិបជាដើម។

គេបាញ់ផ្សែងនេះចេញមកដើម្បីបង្កើតអារម្មណ៍រំជើបរំជួលដល់អ្នកទស្សនា ពោលគឺអោយមានអារម្មណ៍ដូចជាពេលគេបាញ់ភ្លើងចេញមកលើឆាកអញ្ចឹងដែរ។ ទន្ទឹមនឹងនេះ តួនាទីរបស់ផ្សែងនេះគឺដើម្បីបង្កើតលក្ខណះពិសេស ដោយជួយបន្ថែមអោយភ្លើងពណ៌ដែលនៅលើឆាកនោះកាន់តែមានសោភណភាព។

ជាទូទៅ ផ្សែងនេះអាចមានក្លិន រឺគ្មានស៊ីសងតាមប្រភេទ រឺគុណភាពរបស់ម៉ាស៊ីនបញ្ចេញផ្សេងៗ។ សម្រាប់ផ្សែងដែលមានក្លិន ក្លិនពួកវាជាប្រភេទក្លិនក្រអូប ដែលជួនកាលក្លិននោះគឺដូចជាក្លិនផ្លែឈើដែលគេជក់នៅក្នុងឧបករណ៍ជក់បារីអេឡិចត្រូវនិចផងដែរ។

រូបធាតុដែលយកមកប្រើប្រាស់ដើម្បីបង្កើតជាផ្សែងនេះអាចមានច្រើនប្រភេទ ដូចជាទឹកនីដ្រូសែន កាបូនឌីអុកស៊ីត និង រឺក្លីខូលជាដើម។ សារធាតុទាំងនោះអាចល្អ និងមិនល្អទៅតាមគុណភាព និងការរួមបញ្ចូលរបស់វា។

នៅតាមកន្លែងមួយចំនួនដូចជាក្លិបកំសាន្ត ផ្សែងទាំងនោះក៏អាចមានឡាយជាមួយនឹងសារធាតុញៀន រឺនីកូទីនមួយចំនួនផងដែរ ដើម្បីអោយអ្នកទៅកំសាន្តនោះមានអារម្មណ៍សប្បាយ ហើយចង់ទៅទីនោះម្តងទៀត៕

អត្ថបទល្អផ្សេងទៀត៖ មានធ្លាប់ឆ្ងល់អត់? ហេតុអ្វីបានជាជណ្តើរយន្តនៅផ្សារទំនើបពេលខ្លះប្តូរខាងឡើងចុះរហូតអញ្ចឹង?

ប្រសិនជាអ្នកឧស្សាហ៍ទៅផ្សារទំនើបមួយចំនួនដែលគេមានប្រើប្រាស់ជណ្តើរយន្តចុះឡើយ អ្នកប្រាកដជាអាចចាប់អារម្មណ៍បានថា ទិសដៅនៃជណ្តើរយន្តនោះមិនដូចគ្នាគ្រប់ពេលវេលានោះទេ ពោលគឺជួនកាលជណ្តើរយន្តនោះមានទិសដៅឡើយ ខណះដែលពេលខ្លះទៀតវាមានទិសដៅចុះ ឆ្លាស់គ្នារហូត។

ហេតុអ្វីបានជាជណ្តើរយន្តនៅក្នុងផ្សារទំនើបមានបញ្ហាបែបនេះទៅវិញ?

ប្រសិនជាអ្នកជួបប្រទះជាមួយនឹងបញ្ហានេះ ការផ្លាស់ប្តូរទិសដៅជណ្តើរយន្តប្រចាំថ្ងៃ អាចមានការទាក់ទិននឹងហេតុផលសំខាន់បំផុតមួយ។ ជាទូទៅ នៅផ្សារទំនើប មានតូបឬហាងលក់ទំនិញជាច្រើន ដែលធ្វើការជួលកន្លែង ដើម្បីលក់ទំនិញនីមួយៗរបស់ខ្លួន។

ដូច្នេះការរៀបចំអោយជណ្តើរយន្តមានទិសដៅខុសគ្នារៀងរាល់ពេលនោះ គឺដើម្បីជួយជម្រុញអោយការលក់របស់តូបនីមួយៗអាចមានភាពស្មើគ្នា ពោលគឺអាជីវកម្មទាំងអស់សុទ្ធតែអាចទទួលបានការចាប់អារម្មណ៍ពីភ្ញៀវជានិច្ច។

តាមយុទ្ធសាស្ត្រទីផ្សារម្យ៉ាងបានបង្ហាញថា អាជីវកម្មណាដែលនៅមុខភ្ញៀវដំបូងគេអាចនឹងទទួលបានការចាប់អារម្មណ៍ និងចង់ចាំបានច្រើនជាងគេ ដូច្នេះពួកគេក៏មានឳកាសនៅក្នុងការលក់របស់នោះទេ ជាពិសេសប្រសិនជាពួកគេពុំមានដៃគូរប្រគួតប្រជែងដែលនៅក្បែរនោះ។

នៅពេលដែលភ្ញៀវឡើងជណ្តើរយន្តមក ពួកគេអាចឃើញអាជីវកម្មណាមួយមុនគេជានិច្ច។ ប៉ុន្តែប្រសិនជាទិសដៅឡើងចុះរបស់ជណ្តើរយន្តមិនមានការផ្លាស់ប្តូរ រៀងរាល់ពេលដែលភ្ញៀវទាំងនោះឡើងមក មានតែអាជីវកម្មនោះតែមួយគត់ដែលទទួលបានការចាប់អារម្មណ៍ច្រើនជាងគេ។

អញ្ចឹងហើយបានជាម្ចាស់ រឺក្រុមគ្រប់គ្រងផ្សារទំនើបបានរៀបចំផ្លាស់ប្តូរទិសដៅជណ្តើរយន្តជារឿងៗ ដើម្បីជួយអោយអថិតិជនចាប់អារម្មណ៍អាជីវកម្មអោយបានច្រើន នឹងជួយបង្កើនការលក់របស់អាជីវកម្មទាំងនោះ៕