វិធីបង្កើនការលក់របស់អ្នក ទោះបីជាមិនមានប្រាក់សម្រាប់ធ្វើ Marketing ក៏ដោយ!

ប្រសិនជាអាជីវកម្មរបស់អ្នកមានទ្រង់ទ្រាយតូច ហើយមិនសូវមានប្រាក់ចំនាយច្រើនសម្រាប់ការធ្វើ Marketing ដើម្បីទាក់ទាញអតិថិជនអោយមកទិញផលិតផល រឺសេវាកម្មរបស់អ្នក កុំបារម្ភអី! ជាមួយវិធីទាំងនេះ អ្នកនៅតែអាចបង្កើនការលក់របស់ខ្លួនទោះបីជាមិនចំនាយប្រាក់អ្វីសោះក៏បានដែរ។ វិធីទាំងនោះមានដូចជា៖

១. លក់តាមខ្សែរយះ

មិនថាអាជីវកម្មរបស់អ្នកជាប្រភេទផលិផល រឺសេវាកម្មក៏ដោយ ប្រសិនជាអ្នកចង់ទទួលបានផលល្អ អ្នកត្រូវតែមានខ្សែរយះ ឬបណ្តាញច្រើន ព្រោះពួកគេជាមនុស្សដែលស្គាល់អ្នកស្រាប់ហើយ ដូច្នេះពួកគេអាចជាជឿជាក់លើអ្នក និងអាជីវកម្មរបស់អ្នក។

២. ផ្តល់ជាប្រាក់លើកទឹកចិត្តដល់អ្នកដែលជួយនាំភ្ញៀវមកអោយខ្លួន

វិធីបង្កើនការលក់ម្យ៉ាងទៀត គឺតាមរយះការផ្តល់ជាប្រាក់លើកទឹកចិត្តដល់អ្នកដែលជួយនាំភ្ញៀវមកអោយខ្លួន។ វិធីនេះពិតជាមានប្រសិទ្ធិភាពបំផុត ពោលគឺអ្នកមិនចាប់បាច់ផ្សព្វផ្សាយអ្វីច្រើននោះទេ ព្រោះការលើកទឹកចិត្តដល់អ្នកដែលជួយនាំភ្ញៀវនោះ គឺអាចធ្វើអោយពួកគេព្យាយាមផ្សព្វផ្សាយអោយអ្នកយ៉ាងច្រើនណាស់ទៅហើយ។

៣. ប្រើប្រាស់ Facebook របស់អ្នកអោយមានប្រយោជន៍

Facebook គឺជាទីកន្លែងមួយដែលអាចធ្វើអោយអ្នកទទួល ក៏ដូចជាផ្សព្វផ្សាយពត៌មាន ដូច្នេះហើយអ្នកអាចប្រើប្រាស់វាដើម្បីផ្សព្វផ្សាយពីផលិផលរបស់ខ្លួន ដោយមិនចាំបាច់ចំនាយប្រាក់អ្វីនោះឡើយ។

៤. រក្សាទំនាក់ទំនងអោយល្អជាមួយអតិថិជនចាស់

មិនថាអ្នកចង់បានអតិថិជនថ្មីៗអោយច្រើនកម្រិតណាក៏ដោយ អ្នកដាច់ខាតត្រូវតែរក្សាទំនាក់ទំនងអោយល្អជាមួយអតិថិជនចាស់របស់ខ្លួន ព្រោះកាលណាដែលពួកគេនៅតែគាំទ្រអ្នក អាជីវកម្មអ្នកនឹងដើរទៅមុខដោយឯកឯង។

៥. ប្រើប្រាស់ការសហការ និងចរចារ ដើម្បីរកដៃគូរអោយជួយផ្សព្វផ្សាយ

វិធីសាស្ត្រមួយទៀត ដើម្បីទទួលបានការផ្សព្វផ្សាយអោយទូលំទូលាយ ប៉ុន្តែមិនចាំបាច់ប្រើប្រាស់ប្រាក់ គឺអាចធ្វើឡើងតាមរយះការចរចារ និងដោះដូរអ្វីមួយ។ អ្នកអាចសាកល្បងចាប់ដៃសហការជាមួយនឹងអាជីវកម្មផ្សេងទៀត ដើម្បីអោយអាជីវកម្មរបស់អ្នកមានគេស្គាល់រឹតតែច្រើន ក្រោមការជួយជ្រោមជ្រែងនៃការសហការនោះ។

៦. ប្រើប្រាស់ប្រូម៉ូសិនក្នុងរយះពេលខ្លី

វិធីម្យ៉ាងទៀតដែលធ្វើអោយការលក់កើនឡើងក្នុងពេលឆាប់ៗ និងងាយទទួលបានលទ្ធផល គឺតាមរយះការធ្វើប្រូម៉ូសិនលក់រយះពេលខ្លី។ ការកំនត់ពេលប្រូម៉ូសិន អោយខ្លីគឺអាចធ្វើអោយអតិថិជនមានការប្រញាប់ប្រញាល់មករកអ្នក ហើយអ្នកចាំបាច់ចំនាយច្រើនទៀតផង៕

អត្ថបទល្អផ្សេងទៀត៖ តិចនិចសម្រាប់បុគ្គលិកផ្នែកលក់ ដើម្បីអាចបំពេញបានយ៉ាងជោគជ័យ!

មិនថានៅក្នុងអាជីវកម្មណាក៏ដូចជាអាជីវកម្មណាដែរ បុគ្គលិកផ្នែកលក់គឺជាផ្នែកដែលសំខាន់បំផុតមួយ ព្រោះថាផ្នែកនេះគឺជាអ្នកដែលរកប្រាក់មកទ្រទ្រង់ដល់ដំណើរការនៃអាជីវកម្ម អញ្ចឹងហើយទើបបានជាបុគ្គលិកផ្នែកលក់នីមួយៗច្រើនតែមានសម្ពាធ ប្រសិនជាពួកគេចង់អោយសម្រេច ដែលប្រធានរបស់ខ្លួនកំណត់អោយបំពេញដោយជោគជ័យ។

ថ្វីបើបែបនេះមែន មានតិចនិចមួយចំនួនដែលជាគ្រឹះដ៏សំខាន់បំផុតសម្រាប់អោយបុគ្គលិកផ្នែកលក់អាចបំពេញ បានយ៉ាងជោគជ័យ។ តិចនិចទាំង៥នោះមានដូចជា៖

១. ដឹងពីអតិថិជនគោលដៅរបស់ខ្លួន

ការកំណត់អតិថិជនគោលដៅរបស់អាជីវកម្មនីមួយៗអោយបានត្រឹមត្រូវគឺជារឿងសំខាន់បំផុត ព្រោះថាបើកាលណាអ្នកមិនបានជ្រើសរើសអតិថិជនគោលដៅរបស់ខ្លួនឯងអោយបានត្រឹមត្រូវនោះទេ មិនថាអ្នកខិតខំព្យាយាមធ្វើយុទ្ធសាស្ត្រផ្សព្វផ្សាយប៉ុណ្ណានោះទេ អ្នកនៅតែមិនអាចលក់ផលិតផលរបស់ខ្លួនបានអញ្ចឹង។ ដូច្នេះអ្នកត្រូវដឹងថាតើផលិតផលរបស់អ្នកបង្កើតមកសម្រាប់អតិថិជនប្រភេទណា។

២. វិធីទាក់ឆ្ពោះទៅរកអតិថិជនគោលដៅ

ថ្វីត្បិតតែអ្នកអាចកំណត់បានហើយថាអតិថិជនរបស់អ្នកជាមនុស្សប្រភេទណា អ្នកក៏ត្រូវតែដឹងពីវិធីទាក់ទងពួកគេដើម្បីអោយពួកគេដឹងផលិតផលអ្នកដូចគ្នា។ ទាក់ទងនឹងចំនុចនេះ មានវិធីសាស្ត្រជាច្រើនដែលអ្នកអាចប្រើការបាន ដោយក្នុងនោះមានដូចជាការប្រើប្រាស់បណ្តាញអ្នកស្គាល់គ្នា ការប្រើប្រាស់បណ្តាញសង្គម រឺការដាក់ទីតាំងនៅកន្លែងដែលអតិថិជនគោលដៅរបស់អ្នកឧស្សាហ៍បង្ហាញខ្លួនជាដើម។

៣. ដឹងពីសំនួរដែលអ្នកត្រូវឆ្លើយ

ដើម្បីធ្វើជាអ្នកផ្នែកលក់ប្រកបទៅដោយវិជ្ជាជីវះ និងភាពជោគជ័យ អ្នកត្រូវតែរៀបចំខ្លួនឯងអោយបានរួចរាល់ល្អ ដោយក្នុងនោះអ្នកត្រូវតែដឹងថាតើអ្វីទៅជាចម្ងល់របស់អតិថិជនដែលអ្នកអាចចោទមកកាន់អ្នក ហើយតើអ្នកនឹងត្រូវរៀបចំចម្លើយប្រភេទណាដើម្បីអោយខ្លួនអាចឆ្លើយតបទៅកាន់ពួកគេវិញអោយបានល្អ។

៤. បញ្ជូនពត៌មានដែលគួរអោយទុកចិត្ត

ដើម្បីអោយលក់ផលិតផលបានជោគជ័យ វាជារឿងសំខាន់មួយដែលអ្នកត្រូវតែបញ្ជូនពត៌មានដែលគួរអោយជឿទុកចិត្តទៅកាន់អតិថិជន។ ថ្វីត្បិតតែអ្នកមានតួនាទីក្នុងការលក់ផលិតផលអោយបានជោគជ័យក៏ពិតមែន ប៉ុន្តែទន្ទឹមនឹងនោះ អ្នកក៏ត្រូវបង្ហាញទៅអតិថិជនផងដែរថាផលិតផលនោះពិតជាមានប្រយោជន៍សម្រាប់ពួកគេពិតមែន ហើយអ្វីដែលអ្នកលើកឡើងសុទ្ធតែជារឿងសមហេតុផល។

៥. ត្រួតពិនិត្យរហូត

ថ្វីត្បិតតែអ្នកបានធ្វើរឿងដែលអ្នកគួរតែធ្វើហើយ អ្នកមិនទាន់អាចលក់ផលិតផលនោះបានដោយជោគជ័យហើយក៏ដោយ ប៉ុន្តែអ្នកមិនត្រូវបោះបង់ចោលឡើយ ផ្ទុយទៅវិញអ្នកត្រូវតែត្រួតពិនិត្យរហូត ដោយរួមមានការទំនាក់ទំនងទៅអតិថិជននោះដើម្បីសួរពីដំណើរការនៃការសម្រេចចិត្តរបស់ពួកគេជាដើម។

ថ្វីត្បិតតែការបញ្ចុះបញ្ចូលមនុស្សម្នាក់អោយជឿមកខ្លួនគឺជារឿងពិបាក ប៉ុន្តែកាលណាបើយើងមិនបោះបង់ការសាកល្បងដែលយើងអាចធ្វើបាន យើងនឹងអាចជោគជ័យនៅក្នុងពេលណាមួយ៕

មតិយោបល់