មានធ្លាប់ឆ្ងល់អត់? ហេតុអ្វីបានជាជណ្តើរយន្តនៅផ្សារទំនើបពេលខ្លះប្តូរខាងឡើងចុះរហូតអញ្ចឹង?

ប្រសិនជាអ្នកឧស្សាហ៍ទៅផ្សារទំនើបមួយចំនួនដែលគេមានប្រើប្រាស់ជណ្តើរយន្តចុះឡើយ អ្នកប្រាកដជាអាចចាប់អារម្មណ៍បានថា ទិសដៅនៃជណ្តើរយន្តនោះមិនដូចគ្នាគ្រប់ពេលវេលានោះទេ ពោលគឺជួនកាលជណ្តើរយន្តនោះមានទិសដៅឡើយ ខណះដែលពេលខ្លះទៀតវាមានទិសដៅចុះ ឆ្លាស់គ្នារហូត។

ហេតុអ្វីបានជាជណ្តើរយន្តនៅក្នុងផ្សារទំនើបមានបញ្ហាបែបនេះទៅវិញ?

ប្រសិនជាអ្នកជួបប្រទះជាមួយនឹងបញ្ហានេះ ការផ្លាស់ប្តូរទិសដៅជណ្តើរយន្តប្រចាំថ្ងៃ អាចមានការទាក់ទិននឹងហេតុផលសំខាន់បំផុតមួយ។ ជាទូទៅ នៅផ្សារទំនើប មានតូបឬហាងលក់ទំនិញជាច្រើន ដែលធ្វើការជួលកន្លែង ដើម្បីលក់ទំនិញនីមួយៗរបស់ខ្លួន។

ដូច្នេះការរៀបចំអោយជណ្តើរយន្តមានទិសដៅខុសគ្នារៀងរាល់ពេលនោះ គឺដើម្បីជួយជម្រុញអោយការលក់របស់តូបនីមួយៗអាចមានភាពស្មើគ្នា ពោលគឺអាជីវកម្មទាំងអស់សុទ្ធតែអាចទទួលបានការចាប់អារម្មណ៍ពីភ្ញៀវជានិច្ច។

តាមយុទ្ធសាស្ត្រទីផ្សារម្យ៉ាងបានបង្ហាញថា អាជីវកម្មណាដែលនៅមុខភ្ញៀវដំបូងគេអាចនឹងទទួលបានការចាប់អារម្មណ៍ និងចង់ចាំបានច្រើនជាងគេ ដូច្នេះពួកគេក៏មានឳកាសនៅក្នុងការលក់របស់នោះទេ ជាពិសេសប្រសិនជាពួកគេពុំមានដៃគូរប្រគួតប្រជែងដែលនៅក្បែរនោះ។

នៅពេលដែលភ្ញៀវឡើងជណ្តើរយន្តមក ពួកគេអាចឃើញអាជីវកម្មណាមួយមុនគេជានិច្ច។ ប៉ុន្តែប្រសិនជាទិសដៅឡើងចុះរបស់ជណ្តើរយន្តមិនមានការផ្លាស់ប្តូរ រៀងរាល់ពេលដែលភ្ញៀវទាំងនោះឡើងមក មានតែអាជីវកម្មនោះតែមួយគត់ដែលទទួលបានការចាប់អារម្មណ៍ច្រើនជាងគេ។

អញ្ចឹងហើយបានជាម្ចាស់ រឺក្រុមគ្រប់គ្រងផ្សារទំនើបបានរៀបចំផ្លាស់ប្តូរទិសដៅជណ្តើរយន្តជារឿងៗ ដើម្បីជួយអោយអថិតិជនចាប់អារម្មណ៍អាជីវកម្មអោយបានច្រើន នឹងជួយបង្កើនការលក់របស់អាជីវកម្មទាំងនោះ៕

អត្ថបទល្អផ្សេងទៀត៖ ជិះសុខៗដាច់ជណ្ដើរយន្ដចុះមកដីច្រើនជាន់ត្រូវធ្វើយ៉ាងម៉េចទៅ? ដឹងវិធីទាំងនេះនឹងមិនស្លាប់ទេ!(មានវីដេអូ)

ថ្ងៃនេះ Anarchak សូមបន្តនាំចំណេះដឹងដ៏សំខាន់មួយទៀតជូនប្រិយមិត្ត។ នោះគឺទាក់ទងនឹងការរករួចជីវិតក្នុងករណីយើងស្ថិតនៅក្នុងជណ្ដើរយន្ដប្រអប់ហើយវាត្រូវដាច់ខ្សែធ្លាក់ចុះមកដី។

ខាងក្រោមជាការរៀបរាប់ដកស្រង់ពីវីដេអូពន្យល់របស់វេ​ប​សាយ​ទេសចរណ៍​ដ៏​ល្បី lonelyplanet ពីវិធីធ្វើយ៉ាងណា​ដើម្បី​រួចជីវិតពី​ករណី​ដាច់​ជណ្តើរយន្ត​ទោះកម្ពស់​ច្រើន​ជាន់ក៏ដោយ​។

មនុស្សស្ទើរគ្រប់គ្នា​ជឿថា ពេល​ជណ្តើរយន្ត​ជិត​ធ្លាក់​ដល់​ដី ត្រូវ​លោតឡើង​ដើម្បី​សម្រាល​ខ្លួនកុំឱ្យប៉ះទង្គិចនឹងផ្ទៃដី ប៉ុន្តែ​វិធី​នេះ​មិន​អាចជួយ​អ្វី​បាន​ទាំងអស់តែបែរជាបណ្ដាលឱ្យគ្រោះថ្នាក់ប៉ះទង្គិចក្បាលខ្លាំងទៅវិញ។

នេះក៏ព្រោះពេលជណ្ដើរយន្ដធ្លាក់ចុះ ហើយយើងព្យាយាមលោតឡើងនោះគម្លាតរវាងក្បាលនឹងពិដានជណ្ដើរយន្ដកាន់តែកៀកនឹងងាយប៉ះទង្គិចខ្លាំងណាស់។ ម្យ៉ាងសម្ពាធដែលត្រូវទង្គិចក៏ខ្លាំងណាស់ដែរដែលអាចឱ្យគ្រោះថ្នាក់ដល់ជីវិត។ 

ខាងក្រោមជាវិធី​ទាំង ៣​របៀប ដែលអាច​ជួយ​លោកអ្នក​រួចផុត​ពី​គ្រោះថ្នាក់ដល់ជីវិតពីករណី​ដាច់​ជណ្តើរយន្តដោយគ្រាន់តែរងរបួសប៉ុណ្ណោះ៖

១. ប្រសិនបើ​អ្នកមាន​វ៉ា​លី​សនៅជាប់ខ្លួន​ច្រើនឬរបស់អ្វីទៀតក៏ដោយដែលអាចជាន់បាន ត្រូវយក​វា​ដាក់​ទ្រាប់​នៅ​បាតជណ្ដើរយន្ដ​រួច​ឈរ​ពីលើ​វ៉ា​លី​សឬវត្ថុទាំងនោះ​ទាំងនោះ ដើម្បី​សម្រាល​ខ្លួន​និងបង្កើនគម្លាតរវាងខ្លួនយើងនឹងផ្ទៃដី។

២. ប្រសិនបើ​ក្នុង​ជណ្តើរយន្តនោះ​មានបង្កាន់ដៃ​​តោង ត្រូវ​តោង​វាឱ្យជាប់ ហើយអាចយោលលើកខ្លួនឱ្យជើង​ផុត​ដី ងាយស្រួល​សម្រាល​ខ្លួន​ពេល​វា​ទង្គិចនឹង​ដី​។

៣. បើ​មាន​មនុស្ស​ច្រើន​ក្នុង​ជណ្តើរយន្តចង្អៀតខ្លាំងមិនអាចធ្វើអ្វីបាន គឺ​ត្រូវ​បន្ទន់​ជង្គង់ ដើម្បីកាត់បន្ថយសម្ពាធទង្គិចលើសន្លាក់ជង្គង់​។

វិធីទាំងនេះក៏នៅតែមិនអាចចៀសផុតពីការរងរបួសតិចឬច្រើន តែយ៉ាងហោចណាស់ក៏វាអាចជួយសង្រ្គោះអាយុជីវិតអ្នកបានដែរ!

ប្រិយមិត្តអាចទស្សនាវីដេអូបន្ថែមបាន៖

មតិយោបល់