មិនដឹងថាខ្លួនឯងចង់ធ្វើការងារអ្វីមែនទេ? អានអត្ថបទនេះទៅនឹងជួយបាន!
Connect with us

គួរដឹង

មិនដឹងថាខ្លួនឯងចង់ធ្វើការងារអ្វីមែនទេ? អានអត្ថបទនេះទៅនឹងជួយបាន!

ការជ្រើសរើសការងារដែលខ្លួនឯងចង់ធ្វើ រឺស្រលាញ់អាចជារឿងពិបាកមួយសម្រាប់មនុស្សមួយចំនួន ដោយសារតែនៅក្នុងចិត្តរបស់ពួកគេ ពួកគេមិនច្បាស់ពីចំនង់ចំនូលរបស់ខ្លួន។

បើអ្នកមានបញ្ហានេះ កុំបារម្ភអី! អានចំនុចខាងក្រោមនេះសិនទៅនឹងអាចជួយបាន៖

១. តើខ្លួនអ្នកពូកែខាងអ្វី?

ជួនកាលអ្នកមិនដឹងថាអ្វីជាការងារដែលចង់ធ្វើនោះទេ ប៉ុន្តែអ្នកប្រហែលជាដឹងពីការងារដែលអ្នកពូកែធ្វើ ដោយការងារដែលអ្នកពូកែធ្វើផងដែរ អាចជាការងារដែលត្រូវនឹងអ្នកបំផុត ព្រោះអ្នកអាចធ្វើវាបានល្អជាងការងារដទៃ។

២. តើអ្នកអោយតម្លៃអ្វីជាងគេ? (ការងារដែលខ្លួនស្រលាញ់ ប្រាក់ខែ កេរ្តិ៍ឈ្មោះក្រុមហ៊ុន រឺបរិស្ថានការងារល្អ)

មានកត្តាច្រើនដែលអាចជួយអោយអ្នកជ្រើសរើសការងារដែលខ្លួនត្រូវការ ឬចង់បាន ដោយមើលថាតើអ្នកចង់ធ្វើការងារណាដែលអ្នកស្រលាញ់ រឺការងារដែលមានប្រាក់ខែខ្ពស់ រឺធ្វើក្នុងក្រុមហ៊ុនល្បី រឺក៏បរិស្ថាន និងមិត្តរួមការងារល្អ?

៣. តើអ្នកចង់អោយគេស្គាល់អ្នកថាជាអ្វីនៅពេលដែលអ្នកចូលនិវត្តន៍?

តើអ្នកធ្លាប់លួចសរសើរបុគ្គលល្បីល្បាញណាម្នាក់ដែលត្រូវបានគេគោរព រឺស្គាល់បើទោះជាពួកគាត់ចូលនិវត្តន៍ទៅហើយក្តី? អ្នកអាចពិចារណាការងារដែលអ្នកចង់បាននោះ ដោយគិតថាតើអ្នកចង់អោយគេស្គាល់អ្នកថាជាអ្វីនៅពេលដែលអ្នកចាស់ទៅ?

៤. តើអ្នកចូលចិត្តការងារខាងក្នុង រឺខាងក្រៅកន្លែងធ្វើការ?

ការពិចារណាទៅលើទីតាំងធ្វើការក៏ជារឿងមួយសំខាន់ដែរដើម្បីកំណត់ការងារដែលស័ក្តសមនឹងអ្នក។ តើអ្នកជាមនុស្សដែលចូលចិត្តអង្គុយនៅមួយកន្លែង រឺក៏អ្នកចូលចិត្តដើរជួបអ្នកដទៃផ្សេងៗនៅខាងក្រៅកន្លែងធ្វើការ?

៥. ស្រាវជ្រាវពីមុខងាររបស់ការងារនីមួយ រួចសម្រេចចិត្ត

ជួនកាលអ្នកមិនអាចសម្រេចថាការងារណាដែលស័ក្តសមនឹងអ្នក ដោយសារតែអ្នកមិនដឹងថាមានការងារអ្វីខ្លះដែលមាននៅក្នុងទីផ្សារ ដូច្នេះប្រសិនជាអ្នកមានពេល អ្នកគួរតែព្យាយាមធ្វើការស្រាវជ្រាវពីមុខងារនីមួយៗ ហើយមើលពីទំនួលខុសត្រូវរបស់មុខងារទាំងនោះ ថាតើមានមួយណាដែលអ្នកចូលចិត្តរឺអត់?

៦. សាកហាត់ការការងារដើម្បីស្វែររកចំនង់ចំនូលចិត្តខ្លួន

វិធីមួយទៀតដែលអ្នកអោយអ្នកដឹងពីចំនង់ចំនូលចិត្តរបស់ខ្លួន គឺអាចធ្វើឡើងតាមរយះការចំនាយវឹកហាត់ការងារនៅកន្លែងណាមួយ ដើម្បីសាកល្បងថាតើអ្នកជាចំនុចដែលអ្នកចូលចិត្ត មិនចូលចិត្ត រឺភាពខ្លាំង និងខ្សោយរបស់អ្នក។

៧. ស្វែងរកជំនួយ

ប្រសិនជាអ្នកព្យាយាមចំនង់ទាំងអស់ខាងលើហើយនៅតែមិនអាចរកការងារដែលខ្លួនប្រាថ្នាបានទៀត អ្នកអាចស្វែងរកជំនួយពីរាមច្បង ដើម្បីសុំសួរយោបល់ពីគាត់ ព្រោះពួកគាត់ប្រហែលជាអាចដឹងថាតើអ្នកនឹងសមជាមួយអ្នកជាងគេ៕

អត្ថបទល្អផ្សេងទៀត៖ ពូកែមានមិត្តរួមការងារឈ្នានីសមែនទេ? វិធីទាំង៥នេះអាចជួយបាន!

ការច្រណែនឈ្នានីសប្រកាន់ប័ក្សពួក តែងកើតមាននៅក្នុងទីកន្លែងទាំងអស់ កុំថាឡើយកន្លែងធ្វើការជាដើម។ នៅតែងកន្លែងធ្វើការនីមួយ ភាគច្រើនតែងមានបុគ្គលិកមួយចំនួនតូចដែលមានចរិតពូកែច្រណែន រឺមិនពេញចិត្តនឹងអ្នកដទៃ។

បើអ្នកមានមិត្តរួមការងារប្រភេទនេះ អ្នកប្រហែលជាមិនសូវជាពេញចិត្តប៉ុន្មានឡើយ ប៉ុន្តែកុំបារម្ភអី! ក្នុងករណីដែលអ្នកមានមិត្តរូមការងារដែលប៉ិនខាងច្រណែនដូច្នេះ សាកល្បងវិធីទាំង៥ខាងក្រោមនេះទៅនឹងអាចជួយបាន៖

១. មិនចាំបាច់ប្រាប់គេថាខ្លួនគេជាមនុស្សបែបណាឡើយ

ប្រសិនជាមិត្តរួមការងាររបស់អ្នកជាមនុស្សពិបាកចុះសម្រុងចូលចិត្តច្រណែន អ្នកមិនចាំបាច់ចំនាយពេលទៅកែប្រែចរិតរបស់គេឡើយ ព្រោះវាគ្មានប្រសិទ្ធិភាពនោះទេ។ ដូច្នេះជាជាងចំនាយពេលលើគេ អ្នកគួរតែចំនាយពេលលើខ្លួនឯងពេញប្រសើរជាង។

ប្រសិនជាគេថែមទាំងរិះគុណលើអ្វីដែលអ្នកបានធ្វើរឺយ៉ាងណា អ្នកអាចយកការរិះគុណនោះមកពិចារណា ដោយស្វែងយល់ថាតើចំនុចមួយណាដែលអ្នកគួរតែលម្អ។ ធ្វើបែបនេះគឺអាចទាំងជួយអោយខ្លួនអ្នករីកចម្រើន និងមានភាពប្រសើរជាងមុនទៀតផង។

២. បង្កើនមិត្តអោយបានកាន់តែច្រើន

ប្រសិនជាអ្នកមាននរណាម្នាក់ដែលច្រណែនឈ្នានីសអ្នកហើយនោះ អ្នកអាចនឹងមិនខ្វល់ពីគេម្នាក់នោះបាន។ ម្យ៉ាងទៀត អ្នកគួរតែបង្កើនមិត្តភាពជាមួយអ្នករួមការងារអោយបានកាន់ច្រើន។ ការមានមិត្តរួមការងារនៅខាងអ្នកច្រើន គឺប្រៀបដូចជាការបង្កើតខែលមួយយ៉ាងរឹងមាំពីការឈ្នានីសរបស់អ្នកដទៃទៀតអញ្ចឹងដែរ។

៣. ព្យាយាមរក្សាទំនាក់ទំនងធម្មតា

ថ្វីត្បិតតែអ្នកប្រហែលជាមិនត្រូវជាមួយមិត្តរួមការងារដែលច្រណែននឹងអ្នកពិតមែន ប៉ុន្តែក្នុងនាមជាបុគ្គលិកដែលមានវិជ្ជាជីវះការងារម្នាក់ អ្នកមិនគួរមិននិយាយរកគេនោះឡើយ ព្រោះធ្វើបែបនេះនឹងធ្វើអោយអ្នកដទៃមើលរកគិតថាអ្នកជាមនុស្សពិបាកចុះសម្រុង រឺមិនសូវចេះយល់កាលះទេសះ។

៤. ប្រើទន់បង្រ្កាបរឹង

វិធីសាស្ត្រនេះគឺចង់សម្តៅថា មិនថាគេធ្វើយ៉ាងណាដាក់មកអ្នក ប្រសិនជាវាមិនប៉ះពាល់រហូតដល់អ្នកមិនអាចទប់កំហឹងបាន អ្នកមិនគួរតបតហើយ ព្រោះថាការអត់ធ្មត់មិនរើទៅវិញរបស់អ្នក គឺបង្ហាញថាពួកគេពុំមានតម្លៃអោយអ្នកទៅចំនាយពេលបែបនេះឡើយ ហើយអ្នកគឺជាមនុស្សដែលចិត្តទូលាយ ចេះគិត មិនដូចពួកគេនោះទេ។

៥. និយាយផ្ទាល់មុខ រឺស្វែងរកភាគីទី៣

ប្រសិនជាការច្រណែនឈ្នានីសនោះឈានចូលដល់ដំណាក់កាលដែលអ្នកមិនអាចទ្រាំបានហើយនោះ អ្នកអាចព្យាយាមនិយាយទល់មុខមួយនឹងមួយ ដើម្បីដឹងថាតើពួកគេត្រូវការអ្វី រឺចង់បានយ៉ាងណា។ លើសពីនេះទៅទៀត អ្នកអាចសុំអន្តរាគមន៍ពីអ្នកដែលពាក់ព័ន្ធណាម្នាក់ ដូចជាអ្នកដឹកនាំ រឺរាមច្បងជាដើម ដើម្បីអោយពួកគាត់ជួយដោះស្រាយពិចារណាលើបញ្ហាអ្នកទាំងពីរ៕

ហាមដាច់ខាតយកអត្ថបទពី ANARCHAK.COM ទៅផ្សាយបន្តដោយគ្មានការអនុញ្ញាតិ បើលោក លោកស្រីត្រូវការអត្ថបទ សូមទំនាក់ទំនងលេខទូរស័ព្ទ 010 999 745

មតិយោបល់

ពេញនិយម