វិធីបញ្ឃប់បញ្ហាងងុយគេងនៅកន្លែងធ្វើការដោយមិនចាំបាច់ពិសារកាហ្វេ!
Connect with us

គួរដឹង

វិធីបញ្ឃប់បញ្ហាងងុយគេងនៅកន្លែងធ្វើការដោយមិនចាំបាច់ពិសារកាហ្វេ!

បញ្ហាងងុយគេងនៅពេលកំពុងរៀន រឺធ្វើការងារអ្វីមួយ គឺជារឿងសាមញ្ញបំផុតសម្រាប់មនុស្សរាល់គ្នា ប៉ុន្តែវាក៏ជារឿងដែលគួរអោយធុញដែរ ព្រោះអ្នកប្រាកដជាមិនអាចផ្តោតអារម្មណ៍បំពេញការងាររបស់អ្នកបានឡើយ ដោយសារតែភ្នែកអ្នកចេះតែចង់បិត។ អញ្ចឹងហើយទើបបានជាមនុស្សមួយចំនួនធំតែងតែទទួលទានភេសជ្ជះនានាដែលមានជាតិកាហ្វេអ៊ីនដើម្បីជួយអោយពួកគេស្វាងពីបញ្ហាងងុយគេងនោះ។

ថ្វីត្បិតតែអាចជួយដោះស្រាយបញ្ហាបានក៏ពិតមែន កាហ្វេអ៊ីនមានគុណវិបត្តិមួយគឺវាអាចធ្វើអោយអ្នកទទួលទានមានអាការះញៀនមិនអាចអត់វាបានទៅថ្ងៃក្រោយ បើកាលណាទទួលទានជាទៀងទាត់។

ក្រៅពីការទទួលទានភេសជ្ជះដែលមានជាតិកាហ្វេអ៊ីនដូចជាតែ រឺកាហ្វេជាដើម អ្នកអាចបំបាត់បញ្ហាងងុយគេងបានដោយធម្មជាតិតាមវិធីមួយចំនួនខាងក្រោមដូចជា៖

១. ងើបឈរពត់ខ្លួន

ប្រសិនជាអ្នកកំពុងតែអស់កម្លាំងងងុយគេង វិធីដំបូងគេបង្អស់ទាំងអស់ដែលអ្នកត្រូវធ្វើគឺងើបឈរពត់ខ្លួនចុះឡើងៗមួយសន្ទុះ។ ការធ្វើបែបនេះគឺដូចជាជួយដាស់អារម្មណ៍អ្នកអោយមានស្វាងជាងមុន។

២. ដើរចុះឡើងៗ

វិធីមួយទៀតបន្ទាប់ពីងើបឈរពត់ខ្លួនហើយនៅតែមិនបានជោគជ័យ អ្នកគួរតែចេញមកក្រៅបន្តិចដើម្បីដើរចុះដើរឡើងមួយសន្ទុះ អោយខ្លួនប្រាណរាងមានដំណើរការបន្តិច កុំអោយវាសម្រាកពេក ព្រោះវាជាហេតុដែលធ្វើអោយអ្នកងងុយគេង។

៣. សម្រាកភ្នែករបស់អ្នក

ជួនកាលអ្នកងងុយគេងក៏ដោយសារតែភ្នែកអ្នកសម្លឹងមើលអ្វីមួយយូរពេកដែរ ដូច្នេះហើយអ្នកគួរតែឧស្សាហ៍សម្រាកភ្នែករបស់អ្នក កុំអោយវាឆាប់អស់កម្លាំង រឺធ្វើការច្រើនពេក។

៤. ទទួលទានអាហារដែលប៉ូវកម្លាំង

អ្នកមានអារម្មណ៍ងងុយគេងអាចបណ្តាលមកពីខ្លួនប្រាណអស់កម្លាំង ដូច្នេះដោយអ្នកគួរតែព្យាយាមពិសារអាហារណាដែរសម្បូរទៅដោយជីវជាតិបំប៉ន ដើម្បីអោយខ្លួនប្រាណអ្នកមានកម្លាំងច្រើនជាងមុន និងធុនជាមួយនឹងការងងុយគេង។

៥. និយាយជាមួយអ្នកជិតខាងដើម្បីដាស់ខួរក្បាល

ក្រៅពីវិធីសាស្ត្រខាងលើ អ្នកក៏អាចបញ្ឈប់ការងារមួយចំនួនរបស់អ្នក ហើយបែរមកនិយាយជាមួយមនុស្សណាម្នាក់ប៉ុន្មាននាទីសិនក៏បាន ព្រោះវានឹងជួយអោយអ្នកស្វាងជាមុនបានយ៉ាងល្អ។

៦. ផ្លាស់ប្តូរការងារដើម្បីផ្លាស់ប្តូរបរិយាកាស

អ្នកអាចសាកល្បងផ្លាស់ប្តូរការងារដែលអ្នកកំពុងធ្វើទៅធ្វើការងារផ្សេងសិន ព្រោះការប្តូរការងារនឹងអាចធ្វើអោយអ្នកផ្លាស់ប្តូរអារម្មណ៍ ហើយបង្កើតការផ្ចិតផ្ចង់ ដែលវាអាចកាត់បន្ថយការងងុយគេង។

៧. គេងសម្រាកមួយភ្លែតសិន

ប្រសិនជាអ្នកសាកល្បងចំនុចទាំងអស់ខាងលើហើយនៅតែមិនអាចដោះស្រាយបញ្ហាងងុយគេងនេះទៀត អ្នកគេងសម្រាកក្នុងរយះពេលខ្លីមួយ ពោលគឺខ្ទង់១៥ទៅ២០នាទី ព្រោះវានឹងដោះស្រាយបញ្ហាងងុយគេងដោយមានប្រសិទ្ធិភាព៕

អត្ថបទល្អផ្សេងទៀត៖ តើអ្នកចង់គេងតិច តែនៅតែអាចមានកំលាំងគ្រប់គ្រាន់សំរាប់ធ្វើការងារដែរឬទេ? បើចង់ សាកអានអត្ថបទនេះទៅ!

តើអ្នកបានគេងគ្រប់គ្រាន់ដែរទេយប់មិញ? មានការសិក្សាជាច្រើន បានបង្ហាញថា ការដែលគេងមិនបានគ្រប់គ្រាន់ អាចធ្វើឲ្យអ្នកប្រឈមមុខនឹង ជំងឺមហារីក ជាដើម។ ក្នុងសង្គមយើងបច្ចុប្បន្ននេះ គេតែងតែឲ្យតម្លៃទៅលើអ្នកដែលគេងបានតិច ដោយលើកយកឧទាហរណ៍របស់អ្នកល្បីល្បាញជាច្រើនដែលគេងតែ២ ទៅ ៣ម៉ោង។ ប៉ុន្តែ អ្នកពិបាកនឹងធ្វើខ្លួនឯងឲ្យដូចនឹងមនុស្សល្បីទាំងនោះណាស់ ដោយសារតែអ្នកពិបាកនិយាយណាស់ពីការដែលអ្នកត្រូវការប៉ុន្មានម៉ោងដើម្បីគេង។ ជាទូទៅ គេណែនាំឲ្យគេង ពី ៧ ទៅ ៨ម៉ោង។ មនុស្សប្រហែលជា ៩៧ ទៅ ៩៩%គេងបានតិចជាង ៦​ម៉ោង នៅធ្វើអ្វីបានដូចធម្មតា។

ចុះចំពោះមនុស្ស ១ ទៅ ៣ %ផ្សេងទៀតវិញ? គេជាមនុស្សដែល មានហ្សែនមួយដែលមានឈ្មោះថា hDEC2 ដែលធ្វើឲ្យគេត្រូវការតែប៉ុន្មានម៉ោងប៉ុណ្ណោះដើម្បីគេង។ អ្នកទាំងនោះតែងតែសុទិដ្ឋិនិយម មានថាមពលពេញលេញ។

ប៉ុន្តែ ទោះជាយ៉ាងណា អ្នកនៅតែអាចធ្វើឲ្យខ្លួនឯង កាត់បន្ថយការគេង របស់ខ្លួនបាន ដូចខាងក្រោម៖

១. ដាក់ម៉ោងរ៉ូ នៅម៉ោងដូចគ្នាជាប្រចាំ ទោះជានៅថ្ងៃចុងសប្តាហ៍ក៏ដោយ

២. នៅសប្តាហ៍ទីមួយ ចូលគេងយឺតជាងមុន២០នាទី

៣. នៅសប្តាហ៍ទី២ ចូលគេងយឺត៤០នាទី

៤. នៅសប្តាហ៍ទី៣ ចូលគេងយឺត១ម៉ោង

៥. កាត់បន្ថយ២០នាទីរហូតដល់អ្នកគេងបានដល់ម៉ោងដែលអ្នកចង់គេង។

ជាទូទៅ អ្នកគួរតែគេងឲ្យគ្រប់៦ម៉ោង។ តែប្រសិនបើអ្នកខំប្រឹងធ្វើខ្លួនឯងឲ្យគេងនៅតិចជាង៦ម៉ោង អ្នកនឹងត្រូវតែប្រឹងប្រែងខ្លាំង។ តែក្នុងស្ថានភាពមួយចំនួន អ្នកអាចគេងបានត្រឹម៤ម៉ោងជាដើម៕

អានអត្ថបទផ្សេងទៀត៖ គេងមិនលក់រាល់យប់មែនទេ? នេះហើយជាទម្លាប់ទាំង ១១ ដែលធ្វើឲ្យអ្នកមានជម្ងឺគេងមិនលក់!

តាមពិត ទំលាប់មួយចំនួនដែលអ្នកគិតថាអាចធ្វើឲ្យអ្នកគេងលក់ស្កប់ស្កល់អាចធ្វើឲ្យអ្នកមានជម្ងឺគេងមិនលក់ទៅវិញ។

១. អ្នកមានកាលវិភាគគេងខុសៗគ្នានៅថ្ងៃចុងសប្តាហ៍

រាងកាយរបស់អ្នកត្រូវការការគេងដែលមានពេលវេលាទៀងទាត់។ ប្រសិន​បើអ្នកចូលគេង និងក្រោកពីគេងយឺតនៅថ្ងៃចុងសប្តាហ៍ កុំសង្ឃឹមថាអ្នកអាចគេងលក់បានស្កប់ស្កល់នៅថ្ងៃធម្មតា។ អ្នកជំនាញបង្ហាញថា រាងកាយរបស់អ្នកអាចនិងមិនទម្លាប់ទៅនិងការចូលគេង និងក្រោកពីគេងនៅពេលខុសៗគ្នាក្នុងមួយសប្តាហ៍បានទេ។

២. អ្នកចូលគេងលឿនពេក

៩០% នៃអ្នកដែលមានជម្ងឺគេងមិនលក់ភាគច្រើនជាអ្នកចូលគេងឆាប់។  ការនិយាយបែបនេះហាក់បីដូចជាមិនសម ប៉ុន្តែការនៅដល់យប់ជ្រៅជាងអ្នកធម្មតាផ្ត់ល់សញ្ញាដល់រាងកាយអ្នកថាអ្នកត្រូវការការគេងច្រើន ដែលបង្ហាញថាអ្នកអាចនិងងាយគេងលក់។

៣. អ្នកមិនមានពេលវេលាគេងជាក់លាក់

អ្នកគួរតែចាប់ផ្តើមកំណត់ពេលគេងដោយដាក់ម៉ោងរោទិ៍ ៦០នាទីមុនពេលចូលគេង។ អ្នកអាចចំណាយពេល ២០នាទីដំបូងដើម្បីធ្វើកិច្ចការដែលចាំបាច់ និង២០នាទីបន្ទាប់ទៀតដើម្បីសំអាតខ្លួនដូចជា ងូតទឹក ដុសធ្មេញ។ សម្រាប់ពេល២០នាទីចុងក្រោយ អ្នកអាចសមាធិ យ៉ូហ្កា ឬអានសៀវភៅ។

៤. អ្នកញុំារបស់ដែលមានជាតិកាហ្វេអ៊ីនច្រើន

វាមិនមែនជាអាថ៍កំបាំងទេដែលជាតិកាហ្វេអ៊ីនធ្វើឲ្យអ្នកមិនងាយងងុយគេង ប៉ុន្តែមនុស្សភាគច្រើនគិតថាវាគ្មានឥទ្ធិពលចំពោះពួកគេ។ តាមពិតទៅ ជាតិកាហ្វេអ៊ីនមានឥទ្ធិពលពាក់កណ្តាលបន្ទាប់ពីអ្នកបានញុំាវា៨ម៉ោង។ ដូច្នេះ ការញុំារបស់ដែលមានជាតិកាហ្វេអ៊ីនអាចធ្វើឲ្យប៉ះពាល់ដល់ការគេងរបស់អ្នក។

៥. អ្នកគិតខុសពីការគេងរបស់អ្នក

វិធីសាស្រ្តដ៏សំខាន់ក្នុងការព្យាបាលជម្ងឺគេងមិនលក់គឺការបង្រៀនអ្នកជម្ងឺក្នុងការផ្លាស់ប្តូរគំនិតខុសៗពីការគេង។ សូម្បីតែការគិតថាអ្នកបានគេងលក់ស្កប់ស្កល់ក៏អាចជួយជំនួយដល់ការធ្វើការរបស់ខួរក្បាលរបស់អ្នកនៅថ្ងៃបន្ទាប់ដែរ នេះបើយោងតាមការសិក្សានៅក្នុង Journal of Experimental Psychology។ 

៦. អ្នកក្រោកពីគ្រែរបស់អ្នកនៅពាក់កណ្តាលយប់

សូម្បីតែអ្នកជំនាញក៏ជជែកដេញដោលគ្នាថាតើអ្នកគួរក្រោពីគ្រែឬអត់នៅពេលដែលអ្នកមិនអាចគេងលក់។ ប្រសិនបើអ្នកភ្ញាក់ឡើងនៅលើគ្រែ ប៉ុន្តែអ្នកនៅមានអារម្មណ៍ល្អ និងធូរស្បើយ វាជារឿងល្អដែលអ្នកគេងនៅលើគ្រែ និងរង់ចាំដល់អ្នកងងុយគេង។

៧. អ្នកធ្វើសកម្មភាពដែលប្រើខួរក្បាលច្រើននៅពាក់កណ្តាលយប់

ប្រសិនបើអ្នកស្ថិតនៅលើគ្រែ ហើយចិត្តរបស់អ្នកគិតច្រើនលើសលប់ អ្នលគួរតែងើបពីគ្រែ។ ជៀសវាងការឆែកអ៊ីមែល ឬបណ្តាញសង្គម។ ជ្រើសរើសធ្វើសកម្មភាពដូចជា អានសៀវភៅដើម្បីជួយកាត់បន្ថយអារម្មណ៍តប់ប្រមល់។ 

៨. អ្នកប្រើប្រាស់ឧបករណ៍អេឡិចត្រូនិកនៅពេលយប់

ការប្រើប្រាស់ឧបករណ៍អេឡិចត្រូនិកមុនពេលចូលគេង ឬសកម្មភាពដូចជា ឆ្លើយតបអ៊ីមែល ផ្ញើសារនិងលេងហ្វេសប៊ុក ធ្វើឲ្យខួរក្បាលរបស់អ្នកមិនអាចសម្រាកដោយងាយ និងងាយនិងគេងមិនលក់។

៩. អ្នកមើលនាឡិកា

រឿងដែលអាក្រក់បំផុតគឺការមើលទៅនាឡិកានៅពេលដែលអ្នកគេងមិនលក់។ ពេលដែលមើលនាឡិកា អ្នកនិងគិតថាតើអ្នកមានពេលប៉ុន្មានម៉ោងក្នុងការគេងរហូតដល់ពេលដែលអ្នកភ្ញាក់។ ការធ្វើបែបនេះធ្វើឲ្យអ្នកមានអារម្មណ៍រសាប់រសល់។ វាអាចបង្កើនអរម៉ូនអាដ្រណាលីណ និងករទីសូលដែលរំខានការគេងរបស់អ្នក។

១០. អ្នកគិតថាអ្នកត្រូវការពេល ៨ម៉ោង

មនុស្សពេញវ័យភាគច្រើនមិនមាន ឬមិនត្រូវការពេល ៨ម៉ោងដើម្បីគេងជារៀងរាល់យប់។ អ្នកខ្លះជាមនុស្សគេង៩ម៉ោង ប៉ុន្តែពួកគេមិនអាចគេងបានដោយសារតែពួកគេខ្ជិល។ អ្នកខ្លះជាមនុស្សគេង៦ម៉ោង ប៉ុន្តែពួកគេខ្លាចថាមិនគ្រប់គ្រាន់។

ប្រសិនបើអ្នកអាចភ្ញាក់ពីគេងដោយមិនត្រូវការម៉ោងរោទិ៍ និងមិនមានអារម្មណ៍អស់កម្លាំង វាបង្ហាញថាអ្នកប្រហែលជាគេងបានគ្រប់គ្រាន់ហើយ។

១១. អ្នកផឹកសា្រច្រើន

ពេលដែលរាងកាយរបស់អ្នកធ្វើមេតាប៉ូលីសជាតិអាកុលខណៈពេលអ្នកគេង ការផឹកស្រាមុនពេលចូលគេងអាចធ្វើឲ្យអ្នកភ្ញាក់នៅពេលយប់ និងធ្វើឲ្យរាងកាយអ្នកគេងមិនបានលក់ស្កប់ស្កល់៕

មតិយោបល់

ពេញនិយម

Copyright © 2017 Zox News Theme. Theme by MVP Themes, powered by WordPress.