វត្ថុទាំង៦យ៉ាងដែលអ្នកមិនគួរទុកចោលនៅក្នុងឡានជាដាច់ខាត បើមិនចង់ស្តាយក្រោយ!

សម្រាប់មនុស្សមួយចំនួន ឡានហាក់បីដូចជាផ្ទះរបស់ខ្លួនអញ្ចឹងដែរ ដោយសារតែជួនកាលពួកគេចំនាយពេលអង្គុយនៅក្នុងខ្លួនសឹងតែស្មើរនឹង១/៤នៃពេលដែលចំនាយទៅក្នុងផ្ទះដែរ ដូច្នេះហើយទើបពួកគេតែងតែយកសម្ភារះជាច្រើនទៅស្តុកនៅក្នុងឡាន ទុកក្រែងលោហ៍ពួកគេត្រូវការប្រើប្រាស់នៅពេលណាមួយ។

ការស្តុកសម្ភារះមួយចំនួនក្នុងឡានអាចជារឿងល្អ ព្រោះអ្នកប្រើប្រាស់វាបានទាន់ចិត្ត ប៉ុន្តែសម្រាប់សម្ភារះមួយចំនួន ការស្តុកទុកវាអាចជារឿងដែលគ្រោះថ្នាក់មួយដែលអ្នកគួរតែប្រុងប្រយ័ត្នអោយបានខ្ពស់ ព្រោះពួកវាសុទ្ធតែអាចបង្កជាគ្រោះភ័យមកគ្រប់ពេលវេលា។

ខាងក្រោមនេះគឺជាវត្ថុទាំង៦យ៉ាងដែលអ្នកមិនគួរទុកចោលនៅក្នុងឡានជាដាច់ខាត បើមិនចង់ស្តាយក្រោយ៖

១. ដែកកេះ រឺកំប៉ុងហ្គាស

ដែកកេះ រឺកំប៉ុងហ្គាសអាចជាគ្រឿងគ្រោះថ្នាក់មួយជាពិសេសនៅពេលដែលមានកម្តៅក្តៅ ដូច្នេះការទុករបស់ទាំងនេះចោលក្នុងឡានអាចធ្វើអោយមានបញ្ហាឆេះយ៉ាងងាយស្រួល ជាពិសេសនៅពេលថ្ងៃព្រោះនៅក្នុងឡានមានសីតុណ្ហភាពក្តៅខ្លាំង។

២. ដបទឹកសុទ្ធ
សម្រាប់ទឺកសុទ្ធ អ្នកមិនគួរទុកជាចោលនៅក្នុងឡានទាល់តែសោះ ដោយសារតែសារធាតុប្លាសិ្ទចនៅដបនោះនឹងសាយភាយនៅពេលដែលឡានឡើងកម្តៅ។ ម្យ៉ាងវិញទៀត ទឹកសុទ្ធដែលអ្នកដាក់ចោលនៅក្នុងនោះនឹងជាគ្រោះថ្នាក់មួយប្រសិនជាអ្នកចង់ទទួលទាន ព្រោះពួកវាសុទ្ធតែជាប្រភពនៃជម្ងឺមហារីក។

៣. ទឹកក្រូចកំប៉ុង
ទឹកក្រូចកំប៉ុង រឺដូចគ្នានឹងករណីកំប៉ុងហ្គាសអញ្ចឹងដែរ ព្រោះថាសារធាតុនៅក្នុងនោះអាចនឹងរីកមាឌហើយផ្ទុះបាន។ ថ្វីត្បិតតែវានឹងបង្កគ្រោះថ្នាក់ខ្លាំងដូចជាប្រភេទគ្រឿងផ្ទុះទាំងនោះមែន ប៉ុន្តែគ្មាននរណាម្នាក់ចង់ឃើញឡានរបស់ខ្លួនពោរពេញទៅដោយទឹកទាំងនោះឡើយ។

៤. គ្រឿងអេឡិចត្រូវនិច
គ្រឿងអេឡិចត្រូនិចគ្រប់ប្រភេទដូចជាកុំព្យូទ័រ ទូរស័ព្ទ រឺឆ្នាំងសាកថ្មប្រភេទ Power Bank សុទ្ធតែមិនគួរទុកចោលនៅក្នុងឡាន ព្រោះពួកវាអាចនឹងផ្ទុះ រឺខូចគុណភាពនៅពេលដែលកម្តៅឡើងខ្ពស់។

៥. ឡេការពារកម្តៅថ្ងៃ និងផលិតផលគ្រឿងសម្អាងផ្សេងៗ
សម្រាប់ឡេការពារកម្តៅថ្ងៃ និងផលិតផលគ្រឿងសម្អាងផ្សេងៗវិញ នៅពេលដែលកម្តៅឡានឡើងខ្ពស់ វានឹងធ្វើអោយសារធាតុនៅក្នុងនោះចាប់ផ្តើមបាត់បង់គុណភាព។

៦. ថ្នាំពេទ្យ
ថ្នាំពេទ្យក៏ដូចគ្នាជាមួយនឹងឡេការពារកម្តៅថ្ងៃ និងផលិតផលគ្រឿងសម្អាងផ្សេងៗ ការដាក់ថ្នាំពេទ្យផ្សេងៗចោលនៅក្នុងឡានអាចធ្វើអោយពួកវាបាត់បង់ប្រសិទ្ធិភាពនៅក្នុងការព្យាបាលជម្ងឺ ព្រោះថាពួកវាត្រូវការរក្សាទុកនៅក្នុងសីតុណ្ហភាពមួយជាក់លាក់ដើម្បីអោយវាមានប្រសិទ្ធិភាពល្អ៕

អត្ថបទល្អផ្សេងទៀត៖ តើគួរធ្វើយ៉ាងណា នៅពេលដែលអ្នកខូចឡានតាមផ្លូវ???

តើអ្នកធ្លាប់រឿងតាមផ្លូវដែរឬទេ? ធ្លាប់ខូចរថយន្តតាមផ្លូវដែរឬទេ? តើអ្នកមានដែលយល់អារម្មណ៏មនុស្សនៅពេលដែលជួបបញ្ហាតាមផ្លូវដែរឬទេ? យើងជឿថាមានមនុស្សមិនតិចទេ ដែលធ្លាប់ជួបរឿងបែបនេះ ហើយពួកគេប្រាកដជាមានបទពិសោធន៏ថាត្រូវធ្វើយ៉ាងណាពេលដែលជួបរឿងដូច្នោះ ក៏ប៉ុន្តែក៏នៅមនុស្សមួយចំនួនតូចដែលមិនទាន់បានជួប ហើយក៏មិនទាន់ដឹងពីបញ្ហានេះ មិនដឹងថានឹងដោះស្រាយតាមវិធីណាពេលដែលជួបបញ្ហាខូចឡានតាមផ្លូវនេះ។ ខាងក្រោមគឺជាដំបូន្មានខ្លះៗដែលអ្នកគួរពិចារណា។

១. ឈប់តាមផ្លូវ

បើសិនជាភ្លាមៗនោះ ឡានអ្នកមានបញ្ហា ឬត្រូវរលត់ អ្នកត្រូវធ្វើយ៉ាងណាចតឡានអ្នកទៅខាងស្តាំដៃនៃផ្លូវម្ខាងសិន ឬអាចរុញវាទៅខាងអែបខាងស្តាំដៃនៃផ្លូវ ដើម្បីកុំឱ្យស្ទះចរាចរដល់អ្នកដទៃ ឬកុំមានរឿងដល់អ្នកដទៃដែលជិះមកពីក្រោយអ្នក។

២. ស្គាល់កន្លែងដែលមានបញ្ហានោះឱ្យច្បាស់

បើអ្នកមានបញ្ហាតាមផ្លូវអ្នកត្រូវតែស្គាល់កន្លែងនោះឱ្យច្បាស់ ថាអ្នកកំពុងនៅចំណុចណាមួយ កន្លែងច្បាស់លាស់ណាមួយ ដោយមើលតាម អ៊ីនធឺណែតរបស់អ្នក ឬមើលផែនទីក្នុងទូរស័ព្ទដៃអ្នក។ វាក៏ងាយស្រួល បើសិនជាអ្នកហៅគេមកជួយ ងាយស្រួលនឹងគេរកឃើញ ងាយស្រួលនឹងប្រាប់ទីតាំងទៅគេ។

៣. បើសិនជាម៉ាស៊ីនឡានសុខៗមិនដំណើរការ អ្នកកុំចុះពីឡាន

បើសិនជាម៉ាស៊ីនលែងដំណើរការតែម្តង អ្នកកុំចុះពីលើឡាន ចុះពីលើឡានភ្លាមៗ អាចឱ្យអ្នកមានគ្រោះថ្នាក់ ជាពិសេសនៅលើផ្លូវហាយវេរ ដែលមានឡានបើកបរឆ្លងកាត់លឿនៗ ប៉ុន្តែអ្នកត្រូវព្យាយាមយ៉ាងណា អែបឡានរបស់អ្នកទៅកៀនមួយឡែកសិន។

៤. ប្រើសញ្ហាសម្គាល់

បន្ទាប់ពីអស់ជម្រើស អ្នកត្រូវធ្វើសញ្ញាសម្គាល់មួយ ដើម្បីឱ្យអ្នកជិះកាត់នោះបានឃើញ និងបានដឹងពីអ្នក ថាអ្នកកំពុងត្រូវការជំនួយ។

៥. ខលហៅអ្នកមកជួយ

បើអស់សមត្ថភាពហើយអ្នកត្រូវតែខលហៅអ្នកដទៃមកជួយ ឬជាងឡានមកជួយភ្លាម ដោយឈប់ឡានទៅមួយឡែក រួចចុះមកធ្វើការខលចេញហៅអ្នកជួយ។ ក្នុងករណីបែបនេះ អ្នកត្រូវតែមានភាពអត់ធ្មត់ជានិច្ច កុំឆេវឆាវ។

៦. កុំបកឡានបញ្ច្រាសទិសគេ

មិនត្រូវបកឡានបញ្ច្រាសគេ គឺខ្លាចមានាការកកស្ទះចរាចរដល់អ្នកដទៃ អ្នកដែលកំពុងធ្វើដំណើរពីក្រោយអ្នក។

៧. បើខូចពេលយប់ អ្នកត្រូវមានសញ្ញាសម្គាល់

នៅពេលយប់ អ្នកត្រូវតែមានសញ្ញាសម្គាល់ដាក់តាមខ្លួន ឬភ្លើងសម្គាល់អ្វីមួយ ដើម្បីដាក់បង្ហាញដើម្បីឱ្យអ្នកដទៃ មើលឃើញអ្នក និងឡានរបស់អ្នកដែលកំពុងមានបញ្ហា ដើម្បីឱ្យគេជួយ។

៨. បើពេលថ្ងៃ អ្នកក៏ត្រូវមានសញ្ញាសម្គាល់ផងដែរ

បើនៅពេលថ្ងៃ អ្នកក៏ត្រូវតែមានអ្វីសម្គាល់ដែរ ដូចជា ផ្លាកសញ្ញា ឱ្យបន្ថយល្បឿន ឬផ្លាកសម្គាល់ថាត្រូវការជំនួយ ឬអ្នកកំពុងមានបញ្ហា។

៩. បែកកង់តាមផ្លូវ

បើបែកកង់តាមផ្លូវ អ្នកត្រូវតែព្យាយាមយ៉ាងណាគ្រប់គ្រងស្ថានភាពឱ្យបាន ដោយទាញឡានរបស់អ្នកទៅខាងម្ខាងនៃផ្លូវ ចៀសវាងប៉ះទង្គិចអ្នកដទៃ ហើយត្រូវបន្ថយល្បឿនភ្លាមៗ កុំស្លន់ស្លោរ។

១០. អ្នកត្រូវរក្សាទំនាក់ទំនងរបស់ជាងឡានជានិច្ច

អ្នកត្រូវតែមាន និងរក្សាលេខជាងឡានឱ្យជាប់តាមខ្លួនជានិច្ច អ្នកត្រូវស្គាល់ជាងឡានយ៉ាងហោចណាស់ម្នាក់ទៅពីរនាក់ ដើម្បីងាយស្រួលទាក់ទងពេលមានបញ្ហាតាមផ្លូវភ្លាមៗ ហើយអ្នកត្រូវប្រាប់គេឱ្យច្បាស់ពីទីតាំងរបស់អ្នក៕