ហេតុផលធំទាំង៦ដែលធ្វើអោយអ្នកមិនបន្ទោរបង់!
Connect with us

សុខភាព & សម្រស់

ហេតុផលធំទាំង៦ដែលធ្វើអោយអ្នកមិនបន្ទោរបង់!

ការបន្ទោរបង់គឺជារឿងសំខាន់បំផុតមួយ ដែលមិនអាចចោលបាន ព្រោះថានៅពេលដែលអ្នកបន្ទោរបង់ អ្នកបានបញ្ចេញកាកសំនល់កង្វក់ និងជាតិពុលជាច្រើនចេញពីក្នុងខ្លួន ដូច្នេះវាមានន័យថា ប្រសិនជាអ្នកមិនបានបន្ទោរបង់នោះទេ កាកសំនល់ និងជាតិពុលទាំងនោះនឹងបន្តស្តុកទុកនៅក្នុងខ្លួនអ្នក ដោយវាអាចបង្កជាបញ្ហានានាផ្សេងទៀតបាន។

ទោះបីជាយ៉ាងណាក៏ដោយ ដោយសារតែដំណើរការនេះគឺទាក់ទងនឹងការធ្វើការជាប្រព័ន្ធរបស់សរីរាង្គជាច្រើននៅក្នុងរាងកាយ ដូច្នេះហើយប្រសិនជាអ្នកមិនបន្ទោរបង់ក្នុងរយះពេលយូរណាមួយ វាប្រាកដជាមានបញ្ហាអ្វីកើតឡើងហើយនៅក្នុងខ្លួនប្រាណអ្នក។ ខាងក្រោមនេះគឺជាហេតុផលមួយចំនួនដែលធ្វើអោយអ្នកមិនបន្ទោរបង់៖

១. អ្នកទទួលទានជាតិហ្វាយបឺរ ( fiber) មិនគ្រប់គ្រាន់

ជាតិសរសៃរហ្វាយបឺរ គឺជាសារជាតិសំខាន់មួយនៅក្នុងការជួយដល់ការបន្ទោរបង់ ព្រោះការគាលណាដែលអ្នកមិនបានទទួលទានសារធាតុនេះត្រឹមត្រូវបានការកំណត់នោះទេ វានឹងធ្វើអោយអ្នកមិនសូវបន្ទោរបង់។ សារជាតិនេះអាចរកបាននៅតាមបន្លែ និងផ្លែឈើជាដើម។

២. អ្នកខ្វះជាតិទឹកនៅក្នុងខ្លួន

ការទទួលទានទឹកមិនគ្រប់គ្រាន់ក៏អាចបណ្តាលអោយអ្នកមិនបន្ទោរបង់ផងដែរ ព្រោះថាលាមករបស់អ្នកមិនផ្តុំនៅជាប់គ្នាបង្កជារាងអំ និងរឹង ដូច្នេះសូម្បីតែអ្នកបន្ទោរបង់ចេញមកក្រៅ ក៏អ្នកអាចនឹងមានការឈឺចាប់ផងដែរ។

៣. មិនសូវហាត់ប្រាណ រឺមិនសូវមានចលនា

ការនៅស្ងៀមមួយកន្លែងមិនធ្វើចលនាគឺចារឿងដ៏ធំមួយទៀត ដែលធ្វើអោយអ្នកមិនបន្ទោរបង់ ព្រោះការអាចសង្កត់មិនអោយកាកសំនល់នោះចេញមកក្រៅ ប៉ុន្តែវាបែរជាទៅកកនៅក្នុងពោះវៀននោះទៅវិញ។

៤. អ្នកប្រហែលជាមានបញ្ហាមួយចំនួនទាក់ទងនឹងអ៊រម៉ូនទីរ៉ូអ៊ីតមិនប្រក្រតី រឺជម្ងឺទឹកនោមផ្អែមជាដើម

បញ្ហាមិនសូវបន្ទោរបង់នេះក៏អាចបណ្តាលមកពីការផ្ទុកនៅជម្ងឺផ្សេងៗផងដែរ ដោយក្នុងនោះជម្ងឺមួយចំនួនដែលទាក់ទងនឹងបញ្ហានេះគឺជម្ងឺទឹកនោមផ្អែម ឬជម្ងឺដែលបណ្តាលមកពីការឡើងចុះអ៉រម៉ូនទីរ៉ូអ៊ីតជាដើម។

៥. ការប្រើប្រាស់ថ្នាំពេទ្យ

ការទទួលទានថ្នាំពេទ្យមួយចំនួនក៏អាចធ្វើអោយប៉ះពាល់ដល់ការបន្ទោរបង់របស់អ្នកអញ្ចឹងដែរ ជាពិសេសគឺថ្នាំណាដែលជាប្រភេទថ្នាំបំបាត់ការឈឺចាប់ ដូចជា Codeine, Morphine, Percocet, Oxycontin, Vicodin, Demero ជាដើម។

៦. អ្នកប្រញាប់ចេញទៅក្រៅពេកនៅពេលព្រឹក

ជាទូទៅកាកសំនល់របស់អ្នកច្រើនតែត្រូវការបញ្ចេញនៅពេលព្រឹក ដោយសារតែអ្នកបានទទួលទានអាហារទានច្រើនក្នុងរយះពេលមួយថ្ងៃពេញទៅហើយកាលពីថ្ងៃម្សិលមិញ ប៉ុន្តែប្រសិនជាអ្នកមានការប្រញាប់ប្រញាល់ចេញទៅក្រៅនៅពេលព្រលឹម អ្នកប្រហែលជាមិនបានបត់ជើងនោះទេ ហើយយូរៗវាបង្កជាបញ្ហាការស្តុកទុកលាមកយូរៗមិនងាយបញ្ចេញចោល៕

អត្ថបទល្អផ្សេងទៀត៖ ហេតុអ្វីបានជាអ្នកមានបញ្ហាចេញឈាមតាមទ្វារធំនៅពេលបន្ទោរបង់?

ការបន្ទោរបង់ គឺជារឿងសំខាន់ ព្រោះថាជារៀងរាល់ថ្ងៃ អ្នកត្រូវកម្ចាត់ជាតិពុលដែលមាននៅក្នុងខ្លួននោះអោយបានទៀងទាត់ល្អ ដោយវានេះហើយអាចធ្វើបានតាមរយះការបន្ទោរបង់ ព្រោះថាលាមកដែលចេញមកក្រៅនោះគឺសុទ្ធតែជាកាកសំនល់ដែលមិនល្អ រឺសំនល់ដែលត្រូវបានសរីរាង្គបឺតយកជីវជាតិអស់។

ថ្វីត្បិតតែបែបនេះមែន សម្រាប់មនុស្សមួយចំនួន ការបន្ទោរបង់អាចជារឿងដែលពិបាកសម្រាប់ពួកគេ ព្រោះថាពួកគេអាចនឹងមានអារម្មណ៍ឈឺចាប់ ដោយពេលខ្លះវាអាចមានឈាមចេញមកតាមនោះផងដែរ។ ការចេញឈាម និងឈឺចាប់នៅពេលបន្ទោរបង់អាចបណ្តាលមកពីមូលហេតុច្រើនមួយចំនួន ដែលក្នុងនោះមានមនុស្សភាគច្រើនគិតថាវាទាក់ទងនឹងជម្ងឺរឹសដូងបាត។ ទោះជាយ៉ាងណាក៏ដោយ បញ្ហានេះអាចត្រូវនឹងជម្ងឺមួយប្រភេទទៀតដែលមានឈ្មោះថា ការដាច់រលាត់ទ្វារលាមក (Fissure anale)។

តើជម្ងឺការដាច់រលាត់ទ្វារលាមកជាអ្វី ?

ការដាច់រលាត់ទ្វារលាមក រឺFissure anale គឺជាការដាច់រលាត់ស្បែកនៃច្រកទ្វារលាមកដែលបង្កឲ្យមានការឈឺចាប់ខ្លាំងនិង មានឈាមក្រហមស្រស់បន្តិចបន្តួចនៅពេលបន្ទោបង់ ។ ជំងឺនេះអាចកើតមានលើមនុស្សប្រុសស្រី គ្រប់វ័យ សូម្បីតែកូនក្មេងតូចៗ ។

មូលហេតុដែលបណ្តាលអោយកើតមានបញ្ហានេះគឺអាចមកពីលាមកមានលក្ខណះរឹងពេក មានស្ថានភាពរាគរូសខ្លាំង រឺមានពេលខ្លះទៀតស្ថានភាពនេះអាចកើតមានដោយសារតែស្រ្តីទើបតែសម្រាលកូនរួច។ មូលហេតុកម្រផ្សេងៗដែលបណ្តាលអោយមានជម្ងឺនេះគឺវាអាចពាក់ព័ន្ធនឹងជំងឺកាមរោគ របេង មហារីកបាត រលាកពោះវៀនរ៉ាំរ៉ៃ ។ល។

ភាគច្រើននៃជំងឺនេះមិនមែនជាជំងឺធ្ងន់ធ្ងរនោះទេ និងអាចព្យាបាលជាសះស្បើយ ប៉ុន្តែវាអាចកើតមានឡើងវិញ ប្រសិនបើលោកអ្នកមានបញ្ហាក្នុងការបន្ទោបង់បន្តទៀត។ ប្រសិនបើជំងឺនេះទើបតែកើតមាន វាអាចនឹងជាសះស្បើយយ៉ាងងាយ។ ប៉ុន្តែក្នុងករណីដែលលោកអ្នកមានអាការៈបែបនេះជាប់មករហូតចាប់ពីពីរខែឡើងទៅ យើងហៅថាជាការរលាត់ដាច់រ៉ាំរ៉ៃដែលតម្រូវឲ្យមានការព្យាបាលត្រឹមត្រូវ។

ការព្យាបាលដោយថ្នាំ គឺជាជម្រើសទីមួយសម្រាប់ការរលាត់ដាច់ថ្មីៗក៏ដូចជារ៉ាំរ៉ៃ។ គោលការណ៍ដែលសំខាន់ជាងគេបំផុតក្នុងការព្យាបាលជំងឺនេះ គឺព្យាបាលមូលហេតុនៃជំងឺ (លាមករឹង រាករូស កាមរោគ របេង ។ល។) ក្រៅពីនេះ ជម្ងឺនេះក៏មានថ្នាំលាបជួយឲ្យឆាប់សះ និងថ្នាំលេបបំបាត់ការឈឺចាប់។ ប្រសិនជាករណីធ្ងន់ធ្ងរ ជួនកាលគឺតម្រូវអោយមានការវះកាត់ទៀតផង។

គួរបញ្ជាក់ផងដែរថា សម្រាប់វិធីការពារដើម្បីកុំអោយកើតមាននូវជម្ងឺនេះ ជម្រើសដ៏ល្អបំផុតគឺការបរិភោគបន្លែផ្លែឈឺ ទទួលទានទឹកស្អាតនិង ហាត់ប្រាណឲ្យបានច្រើន ដើម្បីបង្ការលាមករឹង ឬរាគរូស៕

មតិយោបល់

ពេញនិយម