វិធីគ្រប់គ្រងមនុស្សទាំង៦យ៉ាង ដែលមានប្រសិទ្ធិភាពបំផុតសម្រាប់អ្នកដឹកនាំ!
Connect with us

គួរដឹង

វិធីគ្រប់គ្រងមនុស្សទាំង៦យ៉ាង ដែលមានប្រសិទ្ធិភាពបំផុតសម្រាប់អ្នកដឹកនាំ!

ជាទូទៅ ផ្នែកមួយដែលសំខាន់បំផុតដែលអ្នកត្រូវពង្រឹង ប្រសិនជាអ្នកចង់ក្លាយជាមនុស្សជោគជ័យនៅថ្ងៃខាងមុខ គឺធ្វើយ៉ាងណាអោយអ្នកចេះគ្រប់គ្រងមនុស្សបានល្អ។ មនុស្សគ្រប់គ្រងមនុស្សមិនមែនជារឿងងាយស្រួលនោះទេ ព្រោះវាមិនដូចជាមនុស្សគ្រប់គ្រងវត្ថុឥតជីវិតនោះឡើយ។

តើធ្វើយ៉ាងណាដើម្បីអោយអ្នកដឹកនាំល្អម្នាក់គ្រប់គ្រងមនុស្សអោយបានប្រសិទ្ធិភាព? ខាងក្រោមនេះជាវិធីទាំង៦យ៉ាងដែលអ្នកអាចអនុវត្តបាន៖

១. កុំធ្វើអោយគេខ្លាចក្នុងការនិយាយ រឺបញ្ចេញមតិ

ប្រសិនជាអ្នកចង់អោយការងារបានរីកចម្រើនទៅមុខ ខណះដែលអ្នកដែលនៅក្រោមបង្គាប់ខ្លួនពោរពេញទៅដោយគំនិតល្អ និងសមត្ថភាពខ្ពស់ អ្នកត្រូវធ្វើអោយយ៉ាងណាអោយពួកគេមានអារម្មណ៍មួយដែលមិនភ័យខ្លាចនៅក្នុងការបញ្ចេញរបស់ពួកគេ។ ការធ្វើបែបនេះធ្វើអោយពួកគេមានគំនិតច្នៃប្រឌិត ហើយហ៊ានបង្ហាញមកកាន់អ្នក ដូច្នេះអ្នកនឹងអាចបានប្រយោជន៍ពីពួកគេផង។

២. ប្រើប្រាស់មនុស្សតាមជំនាញ

ការប្រើប្រាស់មនុស្សតាមជំនាញគឺជារឿងដែលសំខាន់បំផុតមួយ ព្រោះថាបើកាលណាអ្នកមិនដឹងពីសមត្ថភាពរបស់គេត្រូវជាមួយផ្នែកអ្វីនោះទេ មិនថាអ្នកមានការងារច្រើនល្អប៉ុណ្ណាក៏ដោយ ក៏ពួកគេមិនអាចប្រើប្រាស់ទេពកោសល្យបានតាមសមត្ថភាពពិតប្រាកដរបស់ពួកគេដែរ។

៣. ធ្វើអោយគេស្រលាញ់ការងារច្រើនជាងប្រាក់ខែ

ប្រាក់បៀរវត្សអាចជាហេតុផលចម្បងមួយដែលធ្វើអោយមនុស្សជ្រើសរើសធ្វើការងារមួយ ប៉ុន្តែការគ្រប់គ្រងមនុស្សអោយជោគជ័យគឺនៅពេលដែលអ្នកអាចធ្វើអោយគេយល់ថាការងារមានតម្លៃជាងប្រាក់ដែលអ្នកផ្តល់អោយគេទៅទៀត។ អ្នកត្រូវតែបង្ហាញអោយគេឃើញថាអ្នកកំពុងតែជួយគេ ជៀសជាងអោយគេយល់អ្នកកំពុងតែជួលគេ។

៤. ផ្តល់អារម្មណ៍ទុកចិត្តអោយអ្នកក្រោមបង្គាប់

នៅក្នុងនាមជាមេដឹកនាំដ៏ល្អម្នាក់ អ្នកគួរតែធ្វើអោយអ្នកដទៃមានអារម្មណ៍សុវត្ថិភាពមួយ ពោលគឺពួកគេអាចទុកចិត្តលើអ្នកបាន។ កាលណាដែលអ្នកបង្ហាញអ្នកជាមនុស្សដែលគួរអោយគោរពទុកចិត្ត ពួកគេនឹងធ្វើអោយអ្នកលើសពីអ្វីដែលអ្នករំពឹងទុកពីពួកគេទៀតផង។

៥. សរសើរ និងពេញចិត្តការងាររបស់អ្នកក្រោមបង្គាប់

ការអោយតម្លៃទៅលើស្នាដៃរបស់បុគ្គលិកនីមួយៗ ថ្វីត្បិតតែពួកគេមិនបានសម្រេចអ្វីធំណាស់ណាក៏ដោយ គឺសុទ្ធតែជារឿងដ៏ចាំបាច់មួយប្រសិនជាអ្នកចង់អោយមនុស្សដែលនៅក្រោមបង្គាប់នោះគោរព និងស្រលាញ់អ្នក។ ជៀសវាងស្តីបន្ទោសនៅពេលដែលពួកគេធ្វើខុស អ្នកគួរតែព្យាយាមប្រាប់ពីកំហុស និងលើកទឹកចិត្តអោយពួកគេរៀនសូត្រពីកំហុសនោះវិញ។

៦. យកចិត្តទុកដាក់លើយោបល់ពួកគេ

មិនថាអ្នកពូកែខ្លាំងប៉ុណ្ណានោះទេ ពេលខ្លះអ្នកក៏ត្រូវការការជួយជ្រោមជ្រែងពីអ្នកដទៃដែរ ដោយការជ្រោមជ្រែងនោះអាចតាមរយះការបញ្ចេញមតិជាដើម។ ដូច្នេះប្រសិនអ្នកមនុស្សដែលនៅក្រោមបង្គាប់របស់អ្នកមានបានបញ្ចេញគំនិតអ្វីមួយនោះ អ្នកគួរព្យាយាមចំនាយពេលយកវាទៅគិត ក្រែងលោហ៍វាអាចមានប្រយោជន៍សម្រាប់អ្នក។ លើសពីនេះទៅទៀត វាក៏អាចធ្វើអោយពួកគេមានអារម្មណ៍ថាអ្នកអោយតម្លៃទៅពួកគេផងដែរ៕

អត្ថបទល្អផ្សេងទៀត៖ ខុងជឺ៖ អ្នកដឹកនាំប្រទេស និងរដ្ឋ ត្រូវជ្រើសរើសយកគោលការណ៍គុណធម៌មកដឹកនាំ!

តាម​ការ​សិក្សា​ទស្សន​វិជ្ជា​បូព៌ា​ប្រទេស គេបាន​ចាត់​ទុក ខុង ជឺ ជា​បិតា​សីល​ធម៌ ដែល​មាន​លក្ខណៈ​ជា​សាសនា ការ​អប់រំ​ និង​ជា​ច្បាប់​សីល​ធម៌​។ អ្នកប្រាជ្ញ ខុង ជឺ មាន​លក្ខណៈ​ជា​លទ្ធិ​មួយ ដែល​សង្កត់​ធ្ងន់​ទៅ​លើ​បញ្ហា ​សីលធម៌ គុណ​ធម៌ មនុស្ស​ធម៌ ជា​ពិសេស​ចំពោះ​ជន​ជាតិ​ចិន​នា​សម័យ​នោះ។

ទស្សនៈ ខុង ជឺ ស្ដីពី​មនុស្ស​គ្រប់​រូប​ដែល​ល្អ​ជាង​គេ គឺជា​អ្នក​ដែល​រស់​នៅ​ប្រកប​ដោយ​ភាព​ត្រឹម​ត្រូវ​មាន​គុណ​ធម៌ និងមេត្តា​ករុណា។ ការ​រស់​នៅ​ល្អ គឺ​អាច​សម្រេច​បាន​តែ​នៅ​ក្នុង​ទំនាក់​ទំនង ៥យ៉ាង ​របស់​មនុស្ស ​ដែល​ស្គាល់​ខ្លួន​ឯង ដោយ​ប្រកាន់​ខ្ជាប់​នូវ​សីលធម៌ គុណ​ធម៌ កត្តញ្ញ​ទៅ​តាម​កាតព្វកិច្ច​របស់​ខ្លួន។

ទំនាក់​ទំនង​ទាំង​នោះ​មាន​ដូច​ជា “អ្នក​ដឹក​នាំ”​ ចំពោះ​មន្រ្តី​របស់​រដ្ឋ, “ឪពុក​ម្ដាយ” ចំពោះ​កូន, “ប្ដី” ចំពោះ​ប្រពន្ធ, “មនុស្ស​ចាស់” ចំពោះ​ក្មេង ហើយ​និង​មិត្ត​ភក្ដិ​ចំពោះ​មិត្ត​ភក្ដិ។ ខុង ជឺ យល់​ថា ដើម្បី​ឲ្យ​សង្គម​មាន​សណ្ដាប់​ធ្នាប់​ល្អ លុះ​ត្រា​តែ​ក្នុង​សង្គម​នោះ​មាន​ការ​ប្រតិបត្តិ​ត្រឹម​ត្រូវ តាម​ឈ្មោះ​ជា​មុន​សិន។

បាន​ន័យ​ថា មនុស្សម្នាក់ៗ​ ត្រូវ​តែ​ស្គាល់​ឈ្មោះ និង​មុខ​ងារ​តួនាទី​របស់​ខ្លួន​ឲ្យ​ច្បាស់។ គ្រប់​ឈ្មោះ​ទាំង​អស់​សុទ្ធ​តែ​មាន​មុខ​ងារ​ខុសៗ​គ្នា។បើ​ឈ្មោះ​ណា​មួយ​បំពេញ​មុខ​ងារ​របស់​ខ្លួន​មិន​ត្រឹម​ត្រូវ អ្នក​តំណាង​ឲ្យ​ឈ្មោះ​នោះ ក៏​មិន​ចាត់​ទុក​ថា​ជា​បុគ្គល​ល្អ​បាន​ដែរ។

ខុង ជឺ បាន​ជំរុញ​សាវ័ក​ឲ្យ​រិះ​គន់​អ្នក​គ្រប់​គ្រង​ប្រសិន​បើ​ពួក​គេ​ឃើញ​អ្នក​គ្រប់​គ្រង​អសីល​ធម៌។ គាត់​បាន​ចាប់​អារម្មណ៍​ក្នុង​សិទ្ធិ​អំណាច​នយោបាយ ហើយ​បង្កើត​គុណ​ធម៌ មិន​ប្រែ​ប្រួល​ ៥យ៉ាង ​ដែល​គាត់​បាន​ជឿ​ថា អ្នក​គ្រប់​គ្រង​គួរ​តែ​អនុវត្ត ក្នុង​ការ​គ្រប់​គ្រង​ប្រជា​ជន​របស់​ខ្លួន។ គុណ​ធម៌​ទាំង​នោះ​រួម​មាន មេត្តាធម៌, ភាពម៉ឺងម៉ាត់, ភាព​ស្មោះត្រង់, បញ្ញា និង​សច្ចធម៌។

ទស្សនៈ​ខុង ជឺ ឲ្យ​តម្លៃ​មនុស្ស​លើ​សីល​ធម៌ គុណធម៌ និង​យុត្តិធម៌។ ខុង ជឺ បាន​ហាម​មិន​ឲ្យ​ធ្វើ​សង្រ្គាម​ជា​ដាច់​ខាត បើ​ទោះ​ស្ថិត​ក្នុង​ស្ថាន​ភាព​បែប​ណា​ក៏​ដោយ។ លោក​ចាត់​ទុក​ថា​សង្រ្គាម​ជា​ប្រភព​អមនុស្ស​ធម៌។

លោក​មិន​ពេញ​ចិត្ត ​ចំពោះ​អំពើ​ឃោរ​ឃៅ អមនុស្ស​ធម៌ ដែល​មនុស្ស​មួយ​ចំនួន​បាន​ប្រព្រឹត្ត​ទៅ​លើ​សត្វ និង​ទៅ​លើ​មនុស្ស​គ្នា​ឯង ដូច​ករណី​កង​ទ័ព​ចាប់​ឈ្លើយ​សង្រ្គាម​មក​កាត់​ដៃ កាត់​ជើង បោះ​ទៅ​លើ​ចុង​លំ​ពែង ចាប់​មនុស្ស​យក​ទៅ​ស្រុះ​ទឹក​ក្ដៅ​ដូច​ស្រុះ​មាន់ ។ល។

អំពើ​ទាំង​នេះ​សុទ្ធ​សឹង​ជា​អំពើ​អមនុស្ស​ធម៌។ សីល​ធម៌ ខុង ជឺ សង្កត់​ធ្ងន់​ទៅ​លើ​ទស្សនៈ​ថា មនុស្ស​ម្នាក់ៗ​ត្រូវ​មាន​ស្មារតី​អៀន​ខ្មាស ត្រូវ​ចេះ​យល់​នូវ​អ្វី​ដែល​ត្រឹម​ត្រូវ និង​មាន​យុត្តិ​ធម៌​ក្នុង​ជីវិត៕

មតិយោបល់

ពីនេះពីនោះ16 mins ago

សាហាវណាស់! ប្តីដែលលួចទៅការប្រពន្ធថ្មីស្ងាត់ៗ គឺធ្លាប់ប្រើអំពើហិង្សា និងគំរាមអារក សម្លាប់ប្រពន្ធ ហើយថែមទាំងចោទប្រពន្ធថាលួចលុយចំនួន…(មានវីដេអូ)

ពីនេះពីនោះ34 mins ago

រំភើបស្ទើរស្រក់ទឹកភ្នែក! ពេលនេះ កីឡាការិនីតេក្វាន់ដូកម្ពុជា ស៊ន សៀវម៉ី ដណ្តើមបានមេដាយមាសជូនជាតិហើយ ក្រោយឈ្នះម្ចាស់ផ្ទះហ្វីលីពីន (មានវីដេអូ)

ពីនេះពីនោះ6 hours ago

ព្រោះតែជំងឺបាក់ទឹកចិត្ត ធ្វើឲ្យកូនខ្មែរដ៏ពូកែមួយរូបមានសតិមិនល្អ និងធ្លាក់ខ្លួនជាអ្នកសុំទាន តែគាត់នៅតែរក្សាទ្រឹស្តីល្អៗ និងនិយាយភាសាបរទេសបានល្អដដែល (មានវីដេអូ)

ពីនេះពីនោះ6 hours ago

ជួយស៊ែរលើកទឹកចិត្ត និងជូនពរដល់ កីឡាការិនីកម្ពុជា ស៊ន សៀវម៉ី ដែលត្រូវប្រកួតជាមួយកីឡាការិនីវៀតណាម នៅវេលាម៉ោង…

ថ្មីៗ18 hours ago

ជួយគាំទ្រ! ងាកមកប្រើទុយោបំពង់ឫស្សី ១ដើមត្រឹមតែ១០០រៀល រួមគ្នាកាត់បន្ថយផ្លាស្ទិកដើម្បីបរិស្ថាន

Trending

Copyright © 2019 ANARCHAK