បោះបង់គំនិតទាំងបីនេះចោល បើអ្នកចង់ធ្វើការដោយរីករាយ
Connect with us

បែបផែនជីវិត

បោះបង់គំនិតទាំងបីនេះចោល បើអ្នកចង់ធ្វើការដោយរីករាយ

មានមនុស្សជាច្រើនដែលតែងតែចង់ឲ្យថ្ងៃចុងសប្ដាហ៍មកដល់ឆាប់ៗ ហើយតែងមានអារម្មណ៍ធុញទ្រាន់នៅពេលដែលដល់ថ្ងៃច័ន្ទម្ដងៗ។ នេះអាចបណ្ដាលមកពីមូលហេតុជាច្រើនដូចជាការមិនពេញចិត្តនឹងការងារ កិច្ចការច្រើនពេកដែលធ្វើឲ្យមានភាពស្មុគស្មាញ កន្លែងធ្វើការមិនមានបរិយាកាសល្អ មិត្តរួមការងារមិនសូវចុះសម្រុងគ្នា ចៅហ្វាយនាយតឹងតែងពេក រឺហេតុផលផ្សេងៗជាច្រើនទៀត។ យ៉ាងណាក្ដី មូលហេតុចម្បងមួយគឺជាការគិតរបស់ពួកគេផ្ទាល់។ ដូច្នេះហើយ ចូរបោះបង់ចោលនូវគំនិតទាំងបីខាងក្រោមនេះ បើអ្នកចង់ឲ្យជីវិតការងារសព្វថ្ងៃមានភាពប្រសើរឡើង។

១. “ការងារគេល្អជាងការងារខ្ញុំ”៖ ការប្រៀបធៀបខ្លួនឯងទៅនឹងអ្នកដទៃគឺជារឿងដ៏សាមញ្ញមួយដែលមនុស្សទូទៅតែងតែធ្វើ ហើយវាក៏ជាមូលហេតុដែលធ្វើឲ្យអ្នកមិនសប្បាយចិត្តជាមួយនឹងអ្វីដែលអ្នកកំពុងធ្វើ។ នៅពេលដែលអ្នកតែងតែចាប់អារម្មណ៍ទៅលើរឿងរបស់អ្នកដទៃនិងអ្វីដែលពួកគេសម្រេចបាន អ្នកនឹងចាប់ផ្ដើមមានអារម្មណ៍អាក់អន់ស្រពន់ចិត្តជាមួយការងាររបស់ខ្លួនឯង។ ដូច្នេះហើយ ចូរបង់បោះចោលនូវគំនិតដែលថាអ្នកដទៃកំពុងតែសប្បាយចិត្តនឹងការងាររបស់គេជាងយើង ហើយផ្ដោតលើតែការងារយើងនិងព្យាយាមធ្វើឲ្យខ្លួនឯងកាន់តែប្រសើរទៅបានហើយ។

Image result for unhappy jealous at workplace

២. “ខ្ញុំនឹងសប្បាយចិត្ត បើសិនជា…”៖ បើសិនជាខ្ញុំជាអ្នកគ្រប់គ្រង? បើសិនជាខ្ញុំបានឡើងតំណែង? បើសិនជាខ្ញុំរកបាន ២ ពាន់ដុល្លារក្នុងមួយខែ? អ្នកគួរចងចាំថា សុភមង្គលមិនមែនជាគោលដៅចុងក្រោយណាមួយដែលអ្នកត្រូវដើរទៅដល់នោះទេ។ អ្នកក៏មិនអាចប្រាកដបានដែរថានឹងសប្បាយចិត្ត នៅពេលដែលអ្នកដើរដល់ចំនុចមួយនោះ។ ការកំណត់គោលដៅដែលខ្លួនចង់បានមិនមែនជារឿងមិនល្អនោះទេ ប៉ុន្ដែអ្វីដែលជាបញ្ហានោះគឺជាការគិតស្រមៃច្រើនពេក ជាហេតុធ្វើឲ្យអ្នកមិនអាចរីករាយជាមួយនឹងការងារបាន។

Related image

៣. “ការពេញចិត្តនឹងការងារគឺមានន័យថាត្រូវសប្បាយចិត្តគ្រប់ពេលវេលានោះទេ”៖ មិនមែនទាល់តែអ្នកសប្បាយចិត្តគ្រប់ពេលនោះទេ ទើបមានន័យថាអ្នកពេញចិត្តនឹងការងារនោះ។ វាក៏មិនមែនមានន័យថាអ្នកមិនដែលជួបប្រទះថ្ងៃអាក្រក់ឬកិច្ចការងារស្មុគស្មាញច្រើននោះដែរ។ ហើយអ្នកដែលប្រាប់អ្នកថាពួកគេមិនមានបទពិសោធន៍បែបនោះទេគឺ ពួកគេកំពុងកុហកអ្នកប៉ុណ្ណោះ។

អ្វីដែលសំខាន់នោះគឺថា អ្នកស្រលាញ់អ្វីដែលអ្នកកំពុងតែធ្វើជារៀងរាល់ថ្ងៃ ហើយចូរចងចាំថា វាជារឿងធម្មតាទេដែលថ្ងៃខ្លះអ្នកអាចនឹងមិនសប្បាយចិត្ត៕

ប្រភព៖ The Muse

អត្ថបទល្អផ្សេងទៀត៖ កំពុងតែស្រ្តេសជាមួយនឹងការងារមែនទេ? អនុវត្តគន្លឹះទាំង៦នេះទៅដើម្បីសម្រួលបញ្ហា!

ក្នុងចំនោមហេតុផលជាច្រើននៃធ្វើអោយមនុស្សមានជម្ងឺ រឺបញ្ហាស្ត្រេស ការងារគឺជាកត្តាធំមួយដែលតែងតែដាក់សម្ពាធអោយមនុស្សជាច្រើន។ ប្រសិនជាអ្នកកំពុងតែមានបញ្ហាស្ត្រេសដោយសារតែការងារដែលអ្នកកំពុងតែធ្វើ កុំបារម្ភអី! អានចំនុចទាំង៦ខាងក្រោមនេះនឹងអាចជួយដោះស្រាយបញ្ហាអ្នកបាន។ គន្លឹះទាំង៦នេះមានដូចជា៖

១. កម្រិតអាទិភាពនៃការងារនីមួយៗ

ប្រសិនជាអ្នកមានបញ្ហាស្ត្រេសដោយសារតែការងារច្រើននោះ អ្នកអាចដោះស្រាយបញ្ហាទាំងនោះបានដោយសារការកម្រិតអាទិភាពនៃការងារដែលអ្នកមានទាំងអស់។ ថ្វីត្បិតតែអ្នកប្រហែលជាអាចមានការងារច្រើនដែលត្រូវបំពេញ ប៉ុន្តែអ្នកអាចកាត់បន្ថយសម្ពាធបានខ្លះៗ ដោយការសម្រេចការងារពីមួយជំហានទៅមួយជំហាន អាស្រ័យលើការងារសំខាន់ខ្លាំងបំផុត និងមិនសូវសំខាន់បំផុត។

២. ប្រាប់ពីបញ្ហាទៅកាន់អ្នកដទៃ

ការលាក់បាំងរឿងទុកក្នុងចិត្តជួនកាលអាចជារឿងពិបាកបំផុតសម្រាប់មនុស្សម្នាក់ ប៉ុន្តែអ្នកអាចដោះស្រាយបញ្ហានេះបានដោយការស្វែងរកជំនួយពីអ្នកនៅជុំវិញខ្លួន។ ការស្វែងរកជំនួយនោះមានន័យថា អ្នកគួរតែនិយាយបញ្ហារបស់អ្នកទៅកាន់មនុស្សដែលអ្នកទុកចិត្តមួយ ដើម្បីអោយគេជួយផ្តល់យោបល់អោយអ្នក។

៣. ស្វែងរករិះគល់នៃបញ្ហា

ករណីស្ត្រេសនីមួយៗសុទ្ធតែមានបញ្ហារិះគល់ខាងដើមរបស់វារាងៗខ្លួន អញ្ចឹងហើយដើម្បីដោះស្រាយបញ្ហានេះ អ្នកគួរស្វែងយល់ថាតើអ្វីទៅគឺជាហេតុផលធំបំផុតដែលនៅពីក្រោយការស្ត្រេសរបស់អ្នក រួចហើយសឹមរកវិធីដោះស្រាយវា។

៤. ដឹងពីតួនាទីរបស់ខ្លួន

មានមនុស្សមួយចំនួនមានបញ្ហាស្ត្រេសដោយសារតែពួកគេមានការងារច្រើនពេក ដោយក្នុងនោះមានការងារមិនមានជាការងាររបស់គេ ដែលគេត្រូវបារម្ភនោះឡើយ។ ដូច្នេះនៅក្នុងរឿងការងារ អ្នកគួរតែដឹងពីតួនាទីរបស់ខ្លួន ថាតើខ្លួនគួរធ្វើអ្វី និងមិនគួរធ្វើអ្វី។

៥. សុំច្បាប់សម្រាក

ប្រសិនជាអ្នកមិនអាចដោះស្រាយបញ្ហាស្ត្រេសនេះសោះ បន្ទាប់ពីសាកគ្រប់គន្លឹះខាងលើហើយនោះ អ្នកគួរតែសាកល្បងសុំច្បាប់សម្រាកមួយរយះសិន ដើម្បីលំហែកាយ និងស្តារកម្លាំងចិត្តរបស់អ្នកឡើងវិញ។

៦. ផ្លាស់ប្តូរការងារ

ប្រសិនជាអ្នកធ្វើគ្រប់យ៉ាងអស់ហើយនៅតែមិនអាចជួយអ្នកបានទៀត ប្រហែលជាប្រភពនៃការស្ត្រេសនោះគឺមកពីការងាររបស់អ្នកតែម្តង។ ជួនកាលវាអាចមកពីអ្នកមិនចូលចិត្តការងាររបស់ខ្លួន រឺការងារនោះមិនបានតបស្នងគ្រប់គ្រាន់នឹងតម្រូវការប្រចាំថ្ងៃរបស់អ្នក អ្នកអាចពិចារណាឈប់ពីការងារនោះ ហើយផ្លាសប្តូរទៅរកការងារណាដែលអ្នកពេញចិត្តជាង៕

មតិយោបល់

ពេញនិយម