ករណីវៀចឆ្អឹងច្រមុះអាចបង្កទុក្ខទោសដល់អ្នកជម្ងឺសាហាវណាស់! តែសំណាងដែលមានវិធីព្យាបាល!

ជំងឺវៀចឆ្អឹងច្រមុះ គឺជាជំងឺដែលទាក់ទងនឹងរចនាសម្ព័ន្ធទ្រង់ទ្រាយនៃច្រមុះ ដែលបណ្តាលមកពីភាពមិនប្រក្រតីនៃទីតាំងរបស់ឆ្អឹងជញ្ជាំងច្រមុះកណ្តាល (Nasal Septal)។

ការវៀចឆ្អឹងច្រមុះកើតឡើងនៅពេលជញ្ជាំងខណ្ឌចែករន្ធច្រមុះ (Nasal Septum) វៀចទៅម្ខាងទៀត ដែលបណ្តាលអោយរន្ធច្រមុះតូចចង្អៀត។ ក្នុងករណីធ្ងន់ធ្ងរ វាបណ្តាលអោយថយចុះនូវខ្យល់ដង្ហើម ដែលធ្វើអោយពិបាកដកដង្ហើម ហើយបន្ថែមលើនេះទៀត វាធ្វើអោយច្រមុះស្ងួត ងាយនឹងកើតជាក្រម៉ និងមានការហូរឈាមច្រមុះ។

ការព្យាបាលដោយប្រើថ្នាំអាចកាត់បន្ថយការរលាកច្រមុះ និងសម្រួលដល់ការដកដង្ហើម (Nasal dilators) តែមិនអាចធ្វើអោយឆ្អឹងច្រមុះត្រង់បានទេ លុះត្រាតែធ្វើការវះកាត់ (Septoplasty) ក្នុងករណីចាំបាច់។

ក) រោគសញ្ញា៖

– ពិបាកដកដង្ហើមតាមច្រមុះ (Dificult breathing)
– អាក់ដង្ហើមនៅពេលគេង (Sleep apnea)
– ស្រម៉ុក (Snoring)
– ឈាមច្រមុះ (Nose bleeding)
– កណ្តាស់ញឹកញាប់ (Sneezing) 
– ឈឺចាប់នៅលើផ្ទៃមុខ (Facial pains)

ខ) មូលហេតុ៖

– ភាគច្រើនបណ្តាលមកពីការប៉ះទង្គិចនៅលើផ្ទៃមុខ ជាពិសេសច្រមុះ (Impact trauma)
– ការវៀចពីកំណើត (Congenital)
– ការប៉ះទង្គិចច្រមុះនៅពេលសម្រាល

គ) ការព្យាបាល៖

ការព្យាបាលមាន២ករណីៈ
– ក្នុងករណីវៀចឆ្អឹងច្រមុះមិនធ្ងន់ធ្ងរ យើងព្យាបាលដោយប្រើថ្នាំមួយចំនួនដូចជា Decongestants, Antihistamines and Nasal Spray តែមិនអាចធ្វើអោយឆ្អឹងវៀចមកត្រង់បានទេ
– ការព្យាបាលដោយការវះកាត់ (Septoplasty)

បើបងប្អូនមានរោគសញ្ញាដូចរៀបរាប់ខាងលើ សូមអញ្ជើញមកពិគ្រោះជាមួយក្រុមគ្រូពេទ្យឯកទេសផ្នែកត្រចៀក ច្រមុះ និងបំពង់ក នៅមន្ទីរពេទ្យកាល់ម៉ែត ដើម្បីធ្វើការពិនិត្យ និងទទួលការព្យាបាលអោយបានប្រាកដត្រឹមត្រូវទាន់ពេលវេលា ជៀសវាងផលវិបាកដូចបានរៀបរាប់ខាងលើ ដែលបណ្តាលមកពីជំងឺវៀចឆ្អឹងច្រមុះនេះ៕

ប្រភព៖ Calmette Hospital

អត្ថបទពិសេស៖ អញ្ចឹងសោះ បានជាអ្នកដែលដាច់សរសៃរឈាមក្នុងខួរក្បាលច្រើនតែស្លាប់នៅក្នុងបន្ទប់ទឹក!

មានករណីជាច្រើនរួចមកហើយដែលបានចុះផ្សាយអំពីការស្លាប់ រឺពិការមួយចំហៀងខ្លួនជាដើមរបស់មនុស្សដែលកើតបញ្ហាដាច់សរសៃឈាមក្នុងខួរក្បាល រឺភាសាអង់គ្លេសហៅថា “Stroke” ដែលបញ្ហាទាំងនោះដែរភាគច្រើនគឺកើតឡើងនៅក្នុងបន្ទប់ទឹក។ ប៉ុន្តែតើអ្នកធ្លាប់ឆ្ងល់ទេថា តើមូលហេតុអ្វីទើបបានជាបញ្ហានេះបែរជាកើតមានជាញឹកញាប់នៅពេលដែលជនរងគ្រោះទាំងនោះចូលបន្ទប់ទឹកទៅវិញ?

ដើម្បីបកស្រាយពីបញ្ហានេះ មានចំនុចមួយចំនួនដែលយើងអាចលើកឡើងមកពិភាក្សាបាន។ ចំនុចទីមួយគឺទាក់ទងទៅនឹងបញ្ហាស្ថានភាពទីតាំងនៃបន្ទប់ទឹក។ ដោយសារតែបន្ទប់ទឹកភាគច្រើនគឺសុទ្ធតែមានលក្ខណះសើម ដូច្នេះសម្រាប់មនុស្សចាស់ មនុស្សដែលមានកម្លាំងខ្សោយ រឺមនុស្សមិនសូវស្រួលខ្លួនជាដើមសុទ្ធតែអាចរអិលជើងបានយ៉ាងងាយស្រួល។

ការរអិលដោយមិនដឹងខ្លួននេះគឺអាចនាំអោយមានបញ្ហាបានយ៉ាងងាយស្រួល ព្រោះនៅពេលដែលដួល ឳកាសដែលធ្វើអោយក្បាលរបស់ជនរងគ្រោះគឺមានខ្ពស់បំផុត។ អញ្ចឹងហើយទើបធ្វើអោយខួរក្បាលរបស់ពួកគេអាចនឹងមានឈាមកក រឺដាច់សរសៃឈាមនៅក្នុងនោះជាដើម។

ចំនុចផ្សេងទៀតគឺទាក់ទងទៅនឹងសីតុណ្ហភាពទឹក។ សម្រាប់អ្នកដែលមានសុខភាពល្អធម្មតា មិនថាទឹកក្តៅ រឺត្រជាក់ ពួកគេសុទ្ធតែពុំទទួលបញ្ហាអ្វីឡើយមកលើខ្លួនឯង។ ផ្ទុយទៅវិញ សម្រាប់អ្នកដែលមានជម្ងឹទាក់ទងនឹងសរសៃឈាម រឺបេះដូង វាគឺជារឿងផ្សេងគ្នា។

នៅពេលដែលយើងមុជទឹក សីតុណ្ហភាពខ្លួនរបស់យើងនឹងសម្របទៅសីតុណ្ហភាពទឹកនោះមួយរំពេច អញ្ចឹងហើយកាលណាដែលជនរងគ្រោះដែលមានបញ្ហាសុខភាពស្រាប់ហើយ ទៅមុជទឹកដែលមានសីតុណ្ហភាពខ្ពស់រឺទាបជាងប្រក្រតី ខ្លួនរបស់ពួកគេនឹងសម្របទៅនឹងសីតុណ្ហភាពនោះដោយមិនបានល្អត្រឹមត្រូវ ហើយជួនកាលបណ្តាលអោយមានភាពកកស្ទះក្នុងការបញ្ជូនឈាមទៅកាន់បេះដូង រឺខួរក្បាលជាដើម។

ដូច្នេះជម្រើសដ៏ល្អបំផុតមិនថាអ្នកដែលមានសុខភាពល្អ ឬមិនសូវល្អនោះឡើយ នៅពេលដែលអ្នកចូលបន្ទប់ទឹក អ្នកគួរតែប្រុងប្រយ័ត្នអោយបានខ្ពស់បំផុត។ ម្យ៉ាងវិញទៀត អ្នកគួរតែមុជទឹកចាប់ពីក្រោម ឡើយទៅលើ ដោយជៀសវាងចាប់ផ្តើមបាញ់ទឹកពីក្បាលមុនគេ។ លើសពីនេះទៅទៀត អ្នកក៏មិនគួរនៅក្នុងបន្ទប់ទឹកមុជទឹកយូរពេកដែរ ព្រោះវាក៏អាចធ្វើអោយប៉ះពាល់ដល់ការដើរនៃចរន្តឈាម៕

មតិយោបល់