មិននឹកស្មានថាគ្រាន់តែការចាប់ដៃក៏មានឥទ្ធិពលនិងអត្ថន័យខុសគ្នាយ៉ាងនេះសោះ!
Connect with us

គួរដឹង

មិននឹកស្មានថាគ្រាន់តែការចាប់ដៃគ្នាក៏មានឥទ្ធិពលនិងអត្ថន័យខុសគ្នាយ៉ាងនេះសោះ!

ការចាប់ដៃដ៏សាមញ្ញមួយអាចធ្វើអោយអ្នកទទួលបាននៅភាពកក់ក្តៅ និងភាពរឹងមាំ។ វាអាចបង្ហាញអោយមនុស្សផ្សេងទៀតឃើញថាអ្នកជាមនុស្សដែលគាំទ្រអ្នកនៅជុំវិញ និងគួរអោយទុកចិត្តបាន។

១. អ្នកជំនាញផ្នែកសសៃប្រសាទបានបញ្ជាក់ថាការចាប់ដៃដ៏ល្អមួយអាចធ្វើអោយមានភាពទាក់ទាញយូរអង្វែង

មិនថាយើងទាក់ទងគ្នាក្នុងមុខជំនួញ ឬក៏ជួបអ្នកណាម្នាក់ជាលើកទីមួយនោះទេ ការដែលចាប់ដៃតបតដ៏សមរម្យវិញ គឺជាវិធីសាស្ត្រដ៏ល្អបំផុតដែលធ្វើអោយដៃគូរម្ខាងទៀតមានចំណាប់អារម្មណ៍ល្អមកលើយើង។

នៅសម័យបុរាណ ការចាប់ដៃគ្នាគឺជាវិធីម្យ៉ាងបង្ហាញអោយមនុស្សគ្រប់គ្នាដឹងថាពួកគេគឺមិនបង្ករអោយមានជម្លោះរវាងគ្នានិងគ្នា ឬជំលោះប្រដាប់អាវុធនោះទេ គឺដូចសព្វថ្ងៃនេះអញ្ចឹង ការចាប់ដៃគ្នាគឺជាការធ្វើអោយដៃគូរទាំងពីរមានសុខសន្តិភាព និងមានកិច្ចសន្ទនាដ៏មានប្រសិទ្ធភាពមួយ។ ចំនែកឯក្នុងការប្រកបជំនួញវិញ ការចាប់ដៃគ្នាគឺជាភាសាកាយវិការមួយដ៏ល្អបំផុតនៅពេលដែលមានការជួបចរចារគ្នាពីការរកស៊ី។

ការចាប់ដៃគ្នាមិនមែនសុទ្ធតែបង្ហាញពីកាយវិការនៃភាពរាក់ទាក់គ្នាទេ។ អ្នកខ្លះចាប់ដៃអ្នកម្ខាងទៀត ​យ៉ាងខ្លាំងហើយណែន គឺចង់បង្ហាញពីឥទ្ធិពលដែលគេមាន ដើម្បីអោយអ្នកម្ខាងទៀតព្រមចុះចាញ់ ​និងស្តាប់តាម។

២. លូកដៃមកចាប់ភាគីម្ខាងទៀតមុន បង្ហាញថាអ្នកជាមនុស្សមានទំនុកចិត្តខ្ពស់

លូកដៃចាប់ភាគីម្ខាងទៀត

អ្នកដែលលូកដៃមកចាប់ភាគីម្ខាងទៀតមុន បង្ហាញថាអ្នកនោះមានទំនុកចិត្តខ្ពស់។ ភាគច្រើនបុគ្គលដែលមាន​អំណាចធំជាង តែងតែលូកដៃមកចាប់ភាគីម្ខាងទៀតមុន។ ដូចេ្នះបើអ្នកចង់បើអ្នកចង់បង្ហាញការគោរពដល់បុគ្គល​ដែលមានអំណាចជាងខ្លួន យើងគួរតែអោយគេលូកមកចាប់ដៃយើងមុន។

នៅពេលដែលអ្នកកំពុងតែស្ថិតនៅការធ្វើកិច្ចសម្ភាសការងារមួយ ឬក៏អ្នកស្ថិតនៅក្នុងកិច្ចចរចារពីអ្វីមួយ អ្នកអាចបង្ហាញអោយពួកគេឃើញថាអ្នកជាមនុស្សដែលមានទំនុកចិត្តលើខ្លួនឯងតាមរយៈការហុចដៃទៅកាន់ពួកគេដើម្បីអោយពួកគេចាប់ដៃរបស់អ្នកជាការគោរពគ្នា។

៣. ធ្វើកាយវិការតាមភាគីម្ខាងទៀត

ក្នុងករណីភាគច្រើន កាយវិការគឺជាការបង្ហាញអោយឃើញពីអារម្មណ៍បែបវិជ្ជមាន ប៉ុន្តែវាក៏អាចត្រូវគេប្រើក្នុងទំរង់មួយនៅក្នុងសង្គមផងដែរ។ នៅកំលុងពេលនៃកិច្ចប្រជុំ ជាពិសេស ភាគីម្ខាងព្យាយាមបង្ហាញពីការមានអំណាចលើភាគីម្ខាងទៀតតាមរយៈការចាប់ដៃទៅភាគីម្ខាងទៀតខ្លាំងៗ

ធ្វើកាយវិការតាមភាគីម្ខាងទៀត

ជាក់ស្តែងការចាប់ដៃគ្នារវាងប្រធានាធីបតីអាមេរិក Donald Trump និងប្រធានាធីបតីកាណាដា លោក Justin Trudeau គឺបានបង្ហាញអោយឃើញពីការបង្ហាញអំណាចរៀងៗ ខ្លួន។ លោក Trump ​ចាប់ដៃជាមួយលោក Trudeau ហើយយកដៃម្ខាងទៀតដាក់លើស្មារ Trump របស់ លោក Trudeau  មុនព្រោះចង់បង្ហាញថាខ្លួនមានអំណាចជាង។ Trudeau ក៏ធ្វើ​តាមអ្វីតាម ដោយដាក់​ដៃរបស់ខ្លួនលើស្មាររបស់លោក  Trump ​វិញដែរ អមជាមួយនឹងការចាប់ដែខ្លាំងៗ ទៅវិញ ជាមួយ​ស្មាមញញឹមប្រកបដោយទំនុកចិត្ត។ លោក  Trudeau ទទួលបានការកោតសរសើរពីមហាជន ​ពីព្រោះ​លោកមិនអោនលំទោនទៅលោក Trump សូម្បីតែការចាប់ដៃ។

៤. ប្រើដៃទាំងពីរដើម្បីចាប់ដៃរបស់ភាគីម្ខាងទៀត​ដើម្បី​បង្ហាញ​ថាអ្នកជាមនុស្សដែលគួរជឿទុកចិត្ត

ការចាប់ដៃដោយដៃទាំងពីរ

ការចាប់ដៃមានច្រើនរបៀប តែបើអ្នកចង់បង្ហាញគេថាអ្នកជាមនុស្សដែលគួរជឿទុក​ចិត្ត អ្នកប្រើដៃទាំងពីររបស់អ្នកដើម្បីចាប់ដៃស្វាគមន៍។ ប៉ុន្តែការចាប់ដៃរបៀប​នេះ​មិន​សាកសម្យប្រើ ពេលជួបនរណាម្នាក់លើដំបូងទេ។ វាសាកសម្យពេលដែល​អ្នក​បានស្គាល់គេ មួយរយៈមកហើយ។ ការចាប់ដៃរបៀបនេះមិនត្រឹមតែបង្ហាញថាអ្នកជាមនុស្សដែលគួរអោយទុកចិត្តទេ ​វាថែមទាំងបង្ហាញថាអ្នកមិនបានលាក់អាវុធអ្វីមកជាមួយទេ។

មីហ្សែលចាប់ដៃជាមួយអេលីហ្សាបែត

តួយ៉ាងលោកស្រី Michelle Obama ភរិយារបស់អតីតប្រធានាធិបតីអាមេរិច ឧស្សាហ៍ប្រើដៃទាំង ២ ចាប់ទៅដៃគូម្ខាងទៀ​តណាស់​។

៥​.​ ឈរទៅខាងឆ្វេងដើម្បីបង្ហាញពីអំណាចរបស់អ្នក

បែរទៅខាងឆ្វេងចាប់ដៃ

ពេលថតរូបជុំគ្នា អ្នកគួរតែឈរទៅផ្នែកខាងឆ្វេងដើម្បីអោយគេឃើញថាអ្នកមានអំណាច។ ​ពេលដែលអ្នកឈរខាងឆ្វេង អ្នកងាយស្រួលលើកដៃរបស់អ្នកមកចាប់ ដៃរបស់ភាគីម្ខាងទៀត​ដោយមិនបាំងមុខ ឫដងខ្លួនពេលថតរូប។ មនុស្សគ្រប់គ្នា គិតថាអ្នកដែលឈរខាងឆ្វេង​ក្នុង​ចំ​ណោមអ្នកមានអំណាចផ្សេងទៀត ជាមនុស្សមានឥទ្ធិពលខ្លាំងជាងអ្នកដែលឈរនៅខាងស្តាំ​។ ជាក់ស្តែងណាស់ដូចក្នុងរូបទាំង ២ ខាងក្រោមបុគ្គលដែលមានអំណាចឈរនៅខាង​ឆ្វេង ​ហើយមើលទៅកាន់តែមានអំណាច និងឥទ្ធិពលខ្លាំងមួយកម្រិតទៀតផង។

៦. ដាក់បាតដៃអោយស្មើគ្នាពេលចាប់ដៃគ្នា ដើម្បីបង្ហាញពីសមភាពទៅវិញទៅមក

ចាប់ដៃដោយដាក់បាតដៃស្មើគ្នា

ទោះបីជាការចាប់ដៃមានរយៈពេលខ្លី ក៏ពិតមែនតែវាអាចផ្តល់ព័ត៌មានជាច្រើនពីគ្នាទៅវិញ​ទៅ​មក។ ដូចនេះអ្នកគួរយកចិត្តទុកដាក់លើរឿងទាំងនេះ ដើម្បីអោយភាគីម្ខាងទៀតដឹងច្បាស់​ពីអ្នកផងដែរ។ តួយ៉ាងដូចជាពេលចាប់ដៃគ្នា អ្នកគួរតែដាក់បាតដៃអ្នកអោយស្មើទៅនឹង​បាតដៃ​ភាគីម្ខាងទៀត ដើម្បីបង្ហាញពីសមភាពនឹងការគោរពទៅវិញទៅមក។ ​អ្នកក៏គួរ​រក្សា​កំលាំង​ចា​ប់ដៃអ្នក អោយសមល្មមទៅនឹងភាគីម្ខាងទៀត ដើម្បីចៀសវាងការ​បង្ហាញពីអំណាច ​និងភាព​ក្រអឺតក្រទមរបស់យើង។

៧. ការចាប់ដៃដ៏ល្អមួយបង្ហាញពីការចាប់ផ្តើមដ៏ល្អ

ការចាប់ដៃជារបៀបទំនាក់ទំនងដោយមិនប្រើសំលេង តែវាមានសារៈសំខាន់ណាស់ ព្រោះ​វា​អាចបង្ហាញពីគោលបំណងរបស់គ្នាទៅវិញទៅមក។ ការចាប់ដៃដ៏ល្អមួយអាច​ធ្វើអោយ​ទំនាក់​ទំនងមួយរក្សាភាពវិជ្ជមានរហូត។

អត្ថបទល្អផ្សេងទៀត៖​ ៧ ចំណុចសាមញ្ញ ដែលគេអាចយកទៅវាយតម្លៃបុគ្គលិកលក្ខណៈរបស់អ្នក

ចាប់តាំងពីប្រទះភ្នែកគ្នាដំបូង មនុស្សអាចនឹងមើលដឹងពីមនុស្សផ្សេងទៀតតាមរយៈកាយវិការ អត្តចរឹកឬកពារផ្សេងៗជាច្រើន។ ការវាយតម្លៃបែបនេះ អាចនឹងមានឥទ្ធិពលទៅលើទំនាក់ទំនង និងការធ្វើការ ការរស់នៅជាមួយ ដែលពិតជាមានសារៈសំខាន់ណាស់។

១. ការសរសេរអក្សរ

យោងទៅតាមការស្រាវជ្រាវដោយ National Pen Company បញ្ជាក់ថារបៀបនៃការសរសេរ និងទម្រង់នៃអក្សរអាចបញ្ជាក់បានពីអ្នក។ ប្រសិនបើអក្សរអ្នកមានទំហំតូច ល្អិត វាបង្ហាញថាអ្នកជាមនុស្សអៀនច្រើន ចំណែកឯអ្នកដែលមានអក្សរធំៗ ជាមនុស្សដែលមានអត្តចរិកបើកទូលាយ ចំណែកឯអ្នកដែលសរសេរសង្កត់ខ្លាំង គឺមានអត្តចរឹកម៉ឹងម៉ាត់។

២. ពណ៌

បើតាមអត្ថបទរបស់​ Psychology Today ពណ៌ដែលអ្នកចូលចិត្ត ក៏អាចជាសន្ទស្សន៏ឲ្យដឹងពីបុគ្គលិកលក្ខណៈរបស់អ្នកផងដែរ។ ជាក់ស្តែង អ្នកដែលចូលចិត្តពណ៌ខ្មៅ ជាមនុស្សដែលមានគំនិតសិល្បៈ និងជាមនុស្សដែលល្អិតល្អន់ និងសកម្ម។ ចំណែកឯពណ៌បៃតង បញ្ជាក់ថាអ្នកជាមនុស្សស្មោះត្រង់ ចំណែកឯអ្នកដែលចូលចិត្តពណ៌ស គឺជាមនុស្សដែលចេះរៀបចំ និងជាមនុស្សសមហេតុសមផល។

៣. ខាំក្រចក

ទម្លាប់មួយចំនួនដូចជាការខាំក្រចក ការកាយសក់ ក៏បង្ហាញនូវលក្ខណៈសម្បតិ្តផងដែរ ដូចជាអារម្មណ៏ភ័យខ្លាច អន្ទះអន្ទែង និងមិនពេញចិត្តជាដើម។ ការខាំក្រចក បង្ហាញថាអ្នកជាមនុស្សដែលចង់បានអ្វីដែលចង់បានភាពជោគជ័យ ប៉ុន្តែក៏ជាមនុស្សដែលមានភាពភិតភ័យផងដែរ។

៤. ស្បែកជើង

អ្នកចិត្តវិទូជាច្រើនបានជឿថា អ្នកអាចមើលមនុស្សម្នាក់ស្គាល់តាមរយៈស្បែកជើងរបស់គេ។ ដោយគ្រាន់តែមើលទៅលើតម្លៃ ម៉ូត ពណ៌ និងស្ថានភាពរបស់ស្បែកជើងអ្នក គេអាចដឹងពីលក្ខណៈរបស់មនុស្សម្នាក់ តាំងពីប្រាក់ចំណូល ទំនោរនយោបាយ ភេទ និង អាយុទៀតផង។

៥. ភ្នែក

ពាក្យមួយថា ភ្នែកជាកញ្ចក់ទៅកាន់វិញ្ញណរបស់មនុស្ស។ តាមរយៈភ្នែក គ្រាប់ភ្នែក ក្រសែភ្នែក គេអាចដឹងថាអ្នកជាមនុស្សរបៀបណាបាន។ បើយោងទៅតាមការសិក្សា បញ្ជាក់ថាអ្នកដែលមានគ្រាប់ភ្នែកពណ៌ខៀវ មានភាពរឹងរូសច្រើន និងអាចជាមនុស្សប្រមឹកជាង អ្នកដែលមានភ្នែកពណ៌ខ្មៅ។

៦. ការគោរពពេលវេលា

មិនថាអ្នកមកជួបគ្នាតាមការណាត់ ទាន់ពេល យឺត ឬលឿនជាងម៉ោងនោះទេ គេអាចមើលទៅអ្នកដឹងថាអ្នកជាមនុស្សដូចម្តេច។ ប្រសិនបើអ្នកមកយឺតក្នុងការណាត់ជួប ឬអង្គប្រជុំនានា នោះគេនឹងមានគំនិត ការយល់ឃើញអវិជ្ជមានសព្វបែបយ៉ាងមកលើអ្នក។

៧. ការចាប់ដៃ

វាត្រូវបានគេដឹងថាអ្នកដែលធ្វើការចាប់ដៃខ្លាំង ចាប់ដៃមាំពោរពេញដោយកម្លាំង ជាមនុស្សដែលមានទំនុកចិត្ត និងជាប្រភេទមនុស្សដែលមានថាមពល និងឥទ្ធិពល។ ចំណែកឯមនុស្សដែលចាប់ដៃមានលក្ខណៈទន់ជ្រាយ បង្ហាញថា ជាមនុស្សដែលខ្វះទំនុកចិត្ត និងតែងតែព្យាយាមរកផ្លូវណាដែលស្រួលក្នុងការដោះស្រាយបញ្ហាអ្វីមួយ៕

មតិយោបល់

ពេញនិយម