រឿង៧យ៉ាង ដែលអ្នកប្រហែលមិនធ្លាប់ដឹងពីបុរសខ្លាំង ពូទីន!
Connect with us

ពួកគេជានរណា

រឿង៧យ៉ាង ដែលអ្នកប្រហែលមិនធ្លាប់ដឹងពីបុរសខ្លាំង ពូទីន!

នៅក្នុងពិភពលោក មេដឹកនាំដែលត្រូវបានគេចាត់ទុកជាបុរសខ្លាំងល្បីល្បាញគឺមានមិនសូវច្រើននោះទេ ដូច្នេះបើយើងនិយាយពីឈ្មោះលោកពូទីន មានមនុស្សតិចណាស់ដែលមានស្គាល់ពីលោក ព្រោះថាលោកគឺជាប្រធានាធិបតីរបស់មហាអំនាចយោធាមួយគឺប្រទេសរុស្សី។

ថ្វីត្បិតតែមេដឹកនាំរូបនេះត្រូវបានមនុស្សជាច្រើនស្គាល់ពីឈ្មោះ និងមុខមាត់របស់លោក ប៉ុន្តែមានមនុស្សមិនច្រើនទេដែលបានដឹងពីអាថ៌កំបាំងខ្លះៗរបស់លោក។ រខាងក្រោមនេះគឺជាចំនុចអាថ៌កំបាំងទាំង៧ដែលអ្នកប្រហែលមិនធ្លាប់ដឹងពីបុរសខ្លាំង ពូទីន៖

១. លោកធ្លាប់ចែកផ្ទះជាមួយអ្នកដទៃនៅ

លោកពូទីនបានកើតនៅក្នុងកំឡុងសង្គ្រាមលោក ដែលកាលនោះជីវភាពគ្រួសាររបស់លោកគឺមិនមានជាមនុស្សមានទ្រព្យសម្បត្តិស្តុកស្តម្ភអ្វីនោះឡើយ អញ្ចឹងឡើយដើម្បីរស់នៅ គ្រួសាររបស់លោកត្រូវចែករម្លែកអាផាតមិនមួយជាមួយគ្រួសារដទៃ។

២. លោកជាជើងខ្លាំងខាងកីឡាជូដូ

មិនត្រឹមតែមានសមត្ថភាពក្នុងការគ្រប់គ្រងប្រទេសនោះឡើយ លោកពូទីនក៏មានថ្វីដៃខ្លាំងពូកែនៅក្នុងសិល្បះគុន ក៏ដូចជាកីឡាប្រភេទជូដូផងដែរ ដែលក្នុងនោះលោកគឺជាម្ចាស់ខ្សែក្រវ៉ាត់ខ្មៅទាំងពីអាយុ១៨ឆ្នាំឯណោះ។ មកទល់ពេលនោះ លោកនៅតែវឹកហាត់កីឡានេះមិនដែលខាន ទោះរវល់យ៉ាងណាក៏ដោយ។

៣. លោកស្រលាញ់ឆ្កែ

បុរសដែលមើលទៅហាក់ដូចជាមានបេះដូងដែកម្នាក់នេះ តាមពិតទៅជាមនុស្សដែលស្រលាញ់ឆ្កែបំផុត។ លោកមានឆ្កែដែលលោកស្រលាញ់ទុកដូចជាគ្រាប់ភ្នែកចំនួនពីរដែលមានឈ្មោះថា យូមី និងបាហ្វី។

៤. លោកជាមនុស្សផ្សងព្រេង

ចំនង់ចំណូលចិត្តរបស់លោកពូទីនភាគច្រើនគឺសុទ្ធតែជាសកម្មភាពប្រភេទផ្សងព្រេង ដោយក្នុងនោះលោកចូលចិត្តដូចជាច្រមុជទឹកចូលបាតសមុទ្រ ហែលទឹក ជិះសេះ តាមចាប់សត្វខ្លា រឺស្ទូចត្រីជាដើម។

៥. លោកអាចនិយាយភាសាផ្សេងបានយ៉ាងល្អ

ថ្វីត្បិតតែប្រទេសនីមួយសុទ្ធតែមានអ្នកបកប្រែជំនាញសម្រាប់អោយប្រធានាធិបតីប្រាស្រ័យទាក់ទងជាមួយប្រទេសផ្សេងៗ លោកពូទីនអាចប្រើប្រាស់ភាសាបរទេសបានយ៉ាងល្អ។ ក្រៅពីភាសារុស្សី លោកអាចនិយាយភាសាអាល្លឺម៉ង់បានយ៉ាងច្បាស់ល្អ ដែលអាចអោយលោកសន្ទនាជាមួយជនជាតិនេះដោយងាយស្រួលបំផុត។

៦. លោកមានទំនាក់ទំនងខ្លះជាមួយមេដឹកនាំរុស្សីកាលពីមុន

ថ្វីត្បិតតែមិនមានជាប់សាច់ឈាមអ្វីជាមួយមេដឹកនាំរុស្សីកាលពីមុនក៏ពិតមែន ប៉ុន្តែលោកក៏បានទំនាក់ទំនងខ្លះជាមួយពួកគេដោយប្រយោលដែរ។ ក្នុងនោះគឺលោកតារបស់ប្រធានាធិបតីម្នាក់នេះ ធ្លាប់ជាចុងភៅអោយអតីតបុរសខ្លាំងរុស្សីលោកលេនីន និងលោកស្តាលីនផងដែរ។

៧. រឿងគ្រួសាររបស់លោកពូទីន

លោកពូទីនធ្លាប់បានរៀបការម្តងរួចមកហើយជាមួយនឹងអ្នកស្រី Lyudmila Putina កាលពីឆ្នាំ ១៩៨៣ ដែលទទួលបានកូនស្រីពីរនាក់ជាចំនងដៃ។ ប៉ុន្តែនៅឆ្នាំ ២០១៤ លោកបានលែងលះជាមួយភរិយារបស់ខ្លួនបន្ទាប់ពីរៀបការជាមួយគ្នាអស់រយះពេល ៣១ឆ្នាំ៕

អត្ថបទល្អផ្សេងទៀត៖ អាថ៌កំបាំងពីក្រោយ បុរសដែលមានជាងគេក្នុងប្រវត្តិសាស្ដ្រពិភពលោក!

សព្វថ្ងៃបើនិយាយពីកំពូលមហាសេដ្ឋី យើងអាចនឹងទៅដល់លោក ប៊ីលហ្គេត ឬលោក កាឡូស ស្ល៊ីមជាដើម តែប្រហែលជាមិនសូវមានអ្នកស្គាល់លោក ចន ឌី រ៉ក់គីហ្វ៊ែឡឺ ប៉ុន្មានទេ។

លោកមានឈ្មោះពេញថា ចន ដាវីសុន រ៉ក់គីហ្វ៊ែឡឺ (John Davison Rockefeller) ។ លោកកើតនៅឆ្នាំ 1839 នៅទីក្រុងញូវយ៉ក និងបានស្លាប់នៅឆ្នាំ 1937 នៅរដ្ឋហ្លរីដា សហរដ្ឋអាមេរិក។

អតីតកាលរបស់លោក គឺជាកំពូលអ្នកជំនួញផ្នែកឧស្សាហកម្មប្រេងកាត និងត្រូវបានគេចាត់ទុកជាជនជាតិអាមេរិកដែលមានជាងគេបំផុតក្នុងប្រវត្តិសាស្ដ្រ ហើយក៏ជាបុគ្គលដែលមានជាងគេក្នុងប្រវត្តិសាស្ដ្រទំនើបរបស់ពិភពលោកដែរ។

លោកបានក្លាយទៅជាជំនួយការមើលការខុសត្រូវបញ្ជីលុយកាក់តាំងពីអាយុ 16 ឆ្នាំ ហើយបានដាក់ទុនប្រឡូកក្នុងជំនួញប្រេងកាតជាមួយបងប្អូនរបស់លោក និងមិត្តភក្ដិ។

ក្រៅពីការបូមយកប្រេងកាត លោកបានបែកគំនិតបង្កើតជាការចម្រាញ់ប្រេងកាតដែលធ្វើឱ្យវាមានគុណភាព និងតម្លៃកាន់តែខ្ពស់។

កាលណោះជំនួញរបស់គាត់ពិតជាត្រូវប៉ាន់មែនទែន ដោយគេមិនទាន់មានអគ្គិសនីប្រើប្រាស់ ដូចនេះប្រេងកាតជាមធ្យោបាយតែមួយគត់ក្នុងការបង្កើតភ្លើងបំភ្លឺ ហើយជាពិសេសក្រោយមានការបង្កើតយានយន្ដ ប្រេងកាតក៏រឹតតែមានទីផ្សារ។

គាត់ក៏មានឥទ្ធិពលខ្លាំងលើការអភិវឌ្ឍវិស័យផ្លូវដែកនៅក្នុងប្រទេសផងដែរដោយសារចរាចរណ៍ចែកចាយប្រេងកាតរបស់គាត់ត្រូវបានដឹកជញ្ជូនតាមរយៈផ្លូវដែក។

គាត់បានក្លាយជាកំពូលមហាសេដ្ឋីដំបូងគេរបស់សហរដ្ឋអាមេរិក ដោយមានទ្រព្យសម្បត្តិ ដល់ទៅជិត 2% នៃសេដ្ឋកិច្ចជាតិ ហើយគេបានប៉ាន់ប្រមាណថាទ្រព្យសម្បត្តិរបស់គាត់ជាអតិបរមាកាលពីឆ្នាំ 1913 នៅពេលគាត់មានអាយុ 74​ឆ្នាំ គឺរហូតដល់ទៅ 336 ពាន់លានដុល្លារអាមេរិក។

លោកក៏បានបរិច្ចាគទឹកប្រាក់ដ៏ច្រើនលើសលុបបង្កើតមូលនិធិសប្បុរសធម៌ និង ឧបត្ថម្ភការស្រាវជ្រាវផ្នែកវេជ្ជសាស្ដ្រ ការសិក្សា និងវិទ្យាសាស្ដ្រផងដែរ៕

មតិយោបល់

ពេញនិយម