តើ "ខុងជឺ" ជានរណា? គាត់មានប្រវត្តិបែបណាមុនអាចក្លាយជាទស្សនវិទូល្បីល្បាញដល់បច្ចុប្បន្ន?
Connect with us

ពួកគេជានរណា

តើ “ខុងជឺ” ជានរណា? គាត់មានប្រវត្តិបែបណាមុនអាចក្លាយជាទស្សនវិទូល្បីល្បាញដល់បច្ចុប្បន្ន?

សាធារណជនទូទៅប្រហែលជាធ្លាប់លឺហើយពីឈ្មោះនិងទស្សនវិជ្ជាមួយចំនួនរបស់លោក ខុងជឺ ដែលជាទស្សនវិទូដ៏ល្បីមួយរូបរបស់ពិភពលោក។

លោក ខុងជឺ កើតនៅឆ្នាំ 551 មុនគ្រឹស្ដសករាជ នៅម្ដុំទីក្រុងសានទុង ប្រទេសចិនសព្វថ្ងៃ និងបានទទួលមរណភាពនៅឆ្នាំ 479 នៅមុនគ្រឹស្ដសករាជ។

គ្រួសាររបស់លោកស្ថិតនៅចន្លោះរវាងវណ្ណៈអភិជន និងរាស្ដ្រសាមញ្ញ ពោលគឺថ្នាក់កណ្ដាលមិនស្ដុកស្តម្ភ ក៏មិនក្រីក្រ។

លោកបានកំព្រាឪពុកតាំងពីអាយុ 3 ឆ្នាំនិងត្រូវបានចិញ្ចឹមបីបាច់បន្តដោយអ្នកម្ដាយ។

កាលពីក្មេង ខុង​ ជឺ ជាកុមារដែលវ័យឆ្លាតសង្វាតរៀនសូត្រនិងជាកូនដ៏កត្តញ្ញូ។ លោកក៏បានទទួលការងារមន្ដ្រីរាជការតាំងពីអាយុខ្ទង់ 20 ឆ្នាំស្ដើងម្ល៉េះដោយសារសមត្ថភាពដ៏ពូកែ។

តែលោកក៏មិនមែនជាមនុស្សរើសការងារខ្លាំងដែរដោយលោកធ្លាប់បម្រើការជាអ្នកកត់ត្រាបញ្ជីលុយកាក់ឱ្យគេ និងអ្នកចិញ្ចឹមចៀម និងសេះទៀតផង។

លោកក៏ជាគ្រូបង្រៀននិងអ្នកអប់រំទស្សវិជ្ជាដល់សិស្សនិងបណ្ដាជនទូទៅ រហូទត្រូវបានរដ្ឋអំណាចទទួលស្គាល់ ហើយទស្សនវិជ្ជាលោកក៏បានប្រែក្លាយទៅជាលទ្ធិមួយដែលមានមនុស្សជាច្រើនក្នុងតំបន់គោរពមកទល់សព្វថ្ងៃគឺលទ្ធិខុងជឺនិយម។

គោលការណ៍ដ៏ចម្បងមួយរបស់ខុងជឺគឺ ការរក្សាភាពស្មោះត្រង់ចំពោះគ្រួសារ ការគោរពបុព្វការីជន ការគោរពប្រណិបត្តដល់អ្នកដែលចាស់ជាងឬមានអំណាចជាង ការគោរពឪពុកម្ដាយពីសំណាក់កូនៗ និងការគោរពស្វាមីពីសំណាក់ភរិយា។

ខុងជឺក៏បានរំលឹកផងដែរថា គ្រួសារគឺជាកោសិកាដ៏សំខាន់របស់រដ្ឋាភិបាលដ៏រឹងមាំមួយ។ ហេតុនេះដើម្បីអភិវឌ្ឍប្រទេសមួយគេត្រូវការចាប់ផ្ដើមពីគ្រួសារនីមួយៗ។

ក្នុងចំណោមសម្រង់ឃ្លាល្បីៗរបស់លោក មានឃ្លាមួយដែលគេតែងពោល និងចែករំលែក៖ “កុំធ្វើដាក់អ្នកដទៃនូវទង្វើអ្វីដែលអ្នកមិនចង់ឱ្យអ្នកដទៃធ្វើមកដាក់អ្នក”៕

ចុចអាន៖ សម្ដីមាសខុងជឺ៖ ឧស្សាហ៍ខុសរឿង ៥ ប្រការ ទោះប្រឹងប្រែងយ៉ាងណាក៏ឆ្លងមិនផុតពីក្រ និងបរាជ័យ!!!

ចុចអាន៖ កំពូលទស្សនៈមាសរបស់ “ខុង ជឺ” ដែលមានតម្លៃរាប់ពាន់ឆ្នាំអាចប្រើបានទល់បច្ចុប្បន្ន!

អត្ថបទល្អផ្សេងទៀត៖ ​តើ Winston Churchill គឺជានរណា? តើលោកធ្វើអ្វីបានជាមានមនុស្សជាច្រើនយ៉ាងនេះគោរពលោក?

នៅក្នុងសៀវភៅប្រវត្តិវិទ្យាដែលបង្រៀននៅក្នុងសាលាសព្វថ្ងៃនេះ អ្នកសុទ្ធតែអាចរកឃើញឈ្មោះ នៅក្នុងនោះ ប៉ុន្តែតើអ្នកធ្លាប់ឆ្ងល់ទេថាតើ Winston Churchill គឺជានរណា? ហេតុអ្វីបានជាគាត់មានឈ្មោះនៅក្នុងសៀវភៅរបស់កម្មវិធីសិក្សាសាលាទៅវិញ? តើគាត់បានស្នាដៃអ្វីខ្លះ?

លោក Winston Churchillធ្លាប់ជានាយករដ្ឋមន្រ្តីនៃចក្រភពអង់គ្លេសកាលពីឆ្នាំ ១៩៤០ ដល់ឆ្នាំ ១៩៤៥ ពោលគឺក្នុងសម័យសង្គ្រាមលោកលើកទី២ និងម្តងទៀតចាប់ពីឆ្នាំ ១៩៥១ រហូតដល់ឆ្នាំ ១៩៥៥។ មុនពេលឡើងកាន់តំណែងជានាយករដ្ឋមន្ត្រី លោកធ្លាប់មានតំណែងមួយនៅក្នុងជួរកងទ័ពរបស់អង់គ្លេស។ លើសពីនេះទៅទៀត លោកគឺជាអ្នកនិពន្ធម្នាក់ផងដែរ។ កាលពីលោកនៅបម្រើការជាកងទ័ព លោកធ្លាប់មានបទពិសោធន៍ឆ្លងកាត់សង្គ្រាមសូដង់ និងអង់គ្លេស ដែលពេលនោះលោកត្រូវបានគេសរសើរគ្រប់គ្នាព្រោះថាលោកពូកែនៅក្នុងការរាយការណ៍ពីទិដ្ឋាការដែលបានកើតឡើងនាពេលនោះ។

ថ្វីត្បិតតែគ្រួសាររបស់លោកជាអ្នកអាចប្រាក់ក៏ពិតមែន លោកមិនដូចកូនអ្នកមានដទៃដែលរៀនពូកែក្នុងសាលានោះទេ។ ដោយសារតែចំនង់ចំនូលចិត្តរបស់លោកគឺទាក់ទងជាមួយនឹងបញ្ហាកងទ័ព និងការរាយការណ៍ពត៌មាន លោកបានស្ម័គ្រទៅសង្កេតការសង្គ្រាមនៅប្រទេសជាច្រើនរួមមានប្រទេសគុយបា ឥណ្ឌា និងអេហ្សីបជាដើម ដែលពេលនោះលោកថែមទាំងត្រូវបានគេចាប់ឃុំទៀតផង។

ដោយសារតែឪពុកលោកគឺជាអ្នកនយោបាយ លោកបានចាកចេញពីជួរកងទ័ពរួចធ្វើនយោបាយតាមឪពុករបស់លោក។ លោកចាប់ផ្តើមធ្វើការក្នុងតំនែងពីតូចរហូតដល់បានតំនែងធំនៅក្នុងជួរនយោបាយ។ ដោយសារតែបញ្ញា និងភាពជាអ្នកដឹកនាំរបស់លោក លោកឈរឆ្នោះមិនបានប៉ុន្មានផងក៏ទទួលបានការគាំទ្រយ៉ាងខ្លាំងពីមនុស្សនាជំនាន់នោះ។ នៅពេលដែលលោកបានជាប់តំនែងជានាយករដ្ឋមន្ត្រីនោះ ប្រទេសអង់គ្លេសកំពុងតែស្ថិតនៅជំនាន់សង្រ្គាមយ៉ាងក្តៅគគុក ពោលគឺសង្គ្រាមលោកលើកទី២។

ប៉ុន្តែទោះបីជាមានបញ្ហា និងការសម្រេចចិត្តធំៗជាច្រើនដែលលោកត្រូវគិតគូរយ៉ាងដូច្នេះមែន លោកនៅតែអាចគ្រប់គ្រងបង្កើតយុទ្ធសាស្ត្ររហូតដល់ធ្វើអោយប្រទេសអង់គ្លេសយកឈ្នះសង្រ្គាមលើពួកណាស៊ីអាល្លឺម៉ង់បានដោយជោគជ័យ។ ដោយសារតែឃើញពីគុណសម្បត្តិ និងការលះបង់របស់លោកចំពោះប្រទេសអង៉គ្លេសដូច្នេះ លោកត្រូវបានប្រជាជនជាច្រើនសុទ្ធតែគោរព និងចងចាំលោកទុក។ គួរបញ្ជាក់ផងដែរថា លោក បានស្លាប់នៅពេលដែលគាត់បានអាយុ ៩០ឆ្នាំ៕

 

មតិយោបល់

អន្តរជាតិ3 weeks ago

សូមចូលរួមរំលែកទុក្ខ! នៅជប៉ុនមនុស្សជាង ៥៧ នាក់បានស្លាប់ និង ២ ម៉ឺននាក់កំពុងសង្គ្រោះបន្ទាន់ ក្រោយប្រឈមរលកកំដៅខ្លាំងពេក

ថ្មីៗ4 days ago

ត្រូវប៉ាន់ហើយ! រដ្ឋាភិបាល​កំពុង​សិក្សា​ស្ថាបនា​ផ្លូវ​ក្រវ៉ា​តក្រុង​ទី ៤ ថ្មីបន្ថែម​ទៀត​ ខណៈ​ផ្លូវ​ក្រ​វ៉ាត់​ក្រុង​ទី ៣ ​កំពុង​សាងសង់យ៉ាងរលូន​

បែបផែនជីវិត3 weeks ago

រស់ក្នុងសង្គមបច្ចុប្បន្ន គួររៀនបែងចែកឱ្យដាច់រវាង«មនុស្សល្អពិត និង មនុស្សល្អក្លែងក្លាយ»

គួរដឹង3 weeks ago

១០ ឃ្លាមនុស្សបរាជ័យតែទន្ទេញប្រាប់​​ខ្លួនឯង

បែបផែនជីវិត4 weeks ago

ទស្សនៈ លោក តេង ស៊ា​វ​ពីង ៖ «គ្មានមិត្តពិត ហើយក៏គ្មានសត្រូវដែរ គឺមានតែផលប្រយោជន៍»

Trending

Copyright © 2019 ANARCHAK