តើ Winston Churchill គឺជានរណា? តើលោកធ្វើអ្វីបានជាមានមនុស្សជាច្រើនយ៉ាងនេះគោរពលោក?
Connect with us

ពួកគេជានរណា

តើ Winston Churchill គឺជានរណា? តើលោកធ្វើអ្វីបានជាមានមនុស្សជាច្រើនយ៉ាងនេះគោរពលោក?

នៅក្នុងសៀវភៅប្រវត្តិវិទ្យាដែលបង្រៀននៅក្នុងសាលាសព្វថ្ងៃនេះ អ្នកសុទ្ធតែអាចរកឃើញឈ្មោះ នៅក្នុងនោះ ប៉ុន្តែតើអ្នកធ្លាប់ឆ្ងល់ទេថាតើ Winston Churchill គឺជានរណា? ហេតុអ្វីបានជាគាត់មានឈ្មោះនៅក្នុងសៀវភៅរបស់កម្មវិធីសិក្សាសាលាទៅវិញ? តើគាត់បានស្នាដៃអ្វីខ្លះ?

លោក Winston Churchillធ្លាប់ជានាយករដ្ឋមន្រ្តីនៃចក្រភពអង់គ្លេសកាលពីឆ្នាំ ១៩៤០ ដល់ឆ្នាំ ១៩៤៥ ពោលគឺក្នុងសម័យសង្គ្រាមលោកលើកទី២ និងម្តងទៀតចាប់ពីឆ្នាំ ១៩៥១ រហូតដល់ឆ្នាំ ១៩៥៥។ មុនពេលឡើងកាន់តំណែងជានាយករដ្ឋមន្ត្រី លោកធ្លាប់មានតំណែងមួយនៅក្នុងជួរកងទ័ពរបស់អង់គ្លេស។ លើសពីនេះទៅទៀត លោកគឺជាអ្នកនិពន្ធម្នាក់ផងដែរ។ កាលពីលោកនៅបម្រើការជាកងទ័ព លោកធ្លាប់មានបទពិសោធន៍ឆ្លងកាត់សង្គ្រាមសូដង់ និងអង់គ្លេស ដែលពេលនោះលោកត្រូវបានគេសរសើរគ្រប់គ្នាព្រោះថាលោកពូកែនៅក្នុងការរាយការណ៍ពីទិដ្ឋាការដែលបានកើតឡើងនាពេលនោះ។

ថ្វីត្បិតតែគ្រួសាររបស់លោកជាអ្នកអាចប្រាក់ក៏ពិតមែន លោកមិនដូចកូនអ្នកមានដទៃដែលរៀនពូកែក្នុងសាលានោះទេ។ ដោយសារតែចំនង់ចំនូលចិត្តរបស់លោកគឺទាក់ទងជាមួយនឹងបញ្ហាកងទ័ព និងការរាយការណ៍ពត៌មាន លោកបានស្ម័គ្រទៅសង្កេតការសង្គ្រាមនៅប្រទេសជាច្រើនរួមមានប្រទេសគុយបា ឥណ្ឌា និងអេហ្សីបជាដើម ដែលពេលនោះលោកថែមទាំងត្រូវបានគេចាប់ឃុំទៀតផង។

ដោយសារតែឪពុកលោកគឺជាអ្នកនយោបាយ លោកបានចាកចេញពីជួរកងទ័ពរួចធ្វើនយោបាយតាមឪពុករបស់លោក។ លោកចាប់ផ្តើមធ្វើការក្នុងតំនែងពីតូចរហូតដល់បានតំនែងធំនៅក្នុងជួរនយោបាយ។ ដោយសារតែបញ្ញា និងភាពជាអ្នកដឹកនាំរបស់លោក លោកឈរឆ្នោះមិនបានប៉ុន្មានផងក៏ទទួលបានការគាំទ្រយ៉ាងខ្លាំងពីមនុស្សនាជំនាន់នោះ។ នៅពេលដែលលោកបានជាប់តំនែងជានាយករដ្ឋមន្ត្រីនោះ ប្រទេសអង់គ្លេសកំពុងតែស្ថិតនៅជំនាន់សង្រ្គាមយ៉ាងក្តៅគគុក ពោលគឺសង្គ្រាមលោកលើកទី២។

ប៉ុន្តែទោះបីជាមានបញ្ហា និងការសម្រេចចិត្តធំៗជាច្រើនដែលលោកត្រូវគិតគូរយ៉ាងដូច្នេះមែន លោកនៅតែអាចគ្រប់គ្រងបង្កើតយុទ្ធសាស្ត្ររហូតដល់ធ្វើអោយប្រទេសអង់គ្លេសយកឈ្នះសង្រ្គាមលើពួកណាស៊ីអាល្លឺម៉ង់បានដោយជោគជ័យ។ ដោយសារតែឃើញពីគុណសម្បត្តិ និងការលះបង់របស់លោកចំពោះប្រទេសអង៉គ្លេសដូច្នេះ លោកត្រូវបានប្រជាជនជាច្រើនសុទ្ធតែគោរព និងចងចាំលោកទុក។ គួរបញ្ជាក់ផងដែរថា លោក បានស្លាប់នៅពេលដែលគាត់បានអាយុ ៩០ឆ្នាំ៕

អត្ថបទល្អផ្សេងទៀត៖ ស្គាល់ឬនៅថានរណាជាអ្នកដឹកនាំអាមេរិកយកឈ្នះសង្គ្រាមត្រជាក់ប្រឆាំងសហភាពសូវៀត?

ក្នុងនាទី “ពួកគេជានរណា?” ថ្ងៃនេះ Anarchak សូមបន្តលើកឡើងពីបុគ្គលសំខាន់មួយទៀតនៅក្នុងប្រវត្តិសាស្ដ្រពិភពលោក។ យើងដឹងហើយថាសង្គ្រាមត្រជាក់រវាងសហរដ្ឋអាមេរិក និងអតីតសហភាពសូវៀតបានបិទបញ្ចប់នៅដើមទស្សវត្សន៍ឆ្នាំ 1990។ តែលោកអ្នកដឹងថានរណាជាមេដឹកនាំសហរដ្ឋអាមេរិកនៅមុនពេលនោះទេ?

នោះគឺលោក រ៉ូណាល់ រីហ្គែន (Ronald Reagan) ប្រធានាធិបតីទី 40 របស់សហរដ្ឋអាមេរិកពីចន្លោះ ឆ្នាំ 1981 និង 1989។

លោកកើតនៅឆ្នាំ 1911 ក្នុងគ្រួសារខ្សត់ខ្សោយមួយ នៅរដ្ឋអ៊ីលីណយ សហរដ្ឋអាមេរិក និងបានទទួលមរណភាពនៅឆ្នាំ 2004 នៅរដ្ឋកាលីហ្វញ៉ា។

លោកបានបញ្ចប់មហាវិទ្យាល័យ យូរីកា (Eureka College) ក្នុងមុខជំនាញសេដ្ឋកិច្ច និងសង្គមវិទ្យា។

កាលនៅរៀនលោកមានចំណង់ចំណូលចិត្តខ្លាំងផ្នែកកីឡា និងការសម្ដែងជាតួផ្សេងៗ និងធ្លាប់ជាប់ឆ្នោតជាប្រធានសមាគមនិស្សិតទៀតផង។

ការងាររបស់លោកមុនបានឡើងជាប្រធានាធិបតីគឺសម្បូរបែបណាស់ មានតាំងពី អ្នកសង្គ្រោះនៅកន្លែងហែលទឹក ពិធីករកីឡាតាមវិទ្យុ អ្នកបម្រើការនៅបុស្ដ៍ទូរទស្សន៍ ជាពិសេសជាតារាសម្ដែងនៅហូលីវូដទៀតផង។

ក្រោយផ្លាស់ប្ដូរទំនោរនយោបាយមក បក្សសាធារណរដ្ឋដែលមាននិន្នាការអភិរក្សនិយម បូករួមនឹងវោហារស័ព្ទដ៏ទាក់ទាញលោកបានទទួលប្រជាប្រិយភាពនិងការទុកចិត្ត រហូតឡើងធ្វើជាអភិបាលរដ្ឋកាលីហ្វញ៉ា នៅឆ្នាំ 1966 និងជាប់ម្ដងទៀតនៅឆ្នាំ 1970។

នៅឆ្នាំ 1968 និង 1976 លោកបានប្រឹងប្រែងដើម្បីប្រជែងជាប្រធានាធិបតី តែកាលណោះកុំថាឡើយជោគជ័យជាប្រធានាធិបតី សូម្បីជោគជ័យក្នុងបក្សក៏លោករកមិនបានផង។ តែដោយការមិនចុះញ៉ម លោកនៅតែបន្តក្ដីស្រមៃរហូតសម្រេចបាននៅឆ្នាំ 1980 ក្លាយជាប្រធានាធិបតីអាមេរិកជាប់ឆ្នោតដែលមានវ័យចំណាស់ជាងគេក្នុងប្រវត្តិសាស្ដ្រ (69ឆ្នាំ) និងចូលកាន់តំណែងនៅឆ្នាំ 1981។

Image result for ronald reagan

នៅក្នុងអណត្តិដំបូង រដ្ឋាភិបាលរបស់លោកផ្ដោតសំខាន់លើ កំណែទម្រង់សេដ្ឋកិច្ច និងសង្គ្រាមប្រឆាំងគ្រឿងញៀន និងទទួលបានជោគជ័យគួរកត់សម្គាល់រហូតជាប់ក្នុងអណត្តិទី 2 ដោយទទួលបានសម្លេងគាំទ្រភ្លូកទឹកភ្លូកដីមិនធ្លាប់មានក្នុងប្រវត្តិសាស្ដ្រក្នុងស្រុកកន្លង។

ក្នុងអណត្តិទី 2 នោះ លោកបានផ្ដោតសំខាន់លើនយោបាយការបរទេស ដោយធ្វើយ៉ាងណាយកឈ្នះសហភាពសូវៀតបិទបញ្ចប់សង្គ្រាមត្រជាក់។ ពេលនោះលោកបានសម្រេចដាក់សហរដ្ឋអាមេរិកចូលក្នុងការប្រកួតប្រជែងផ្នែកសព្វាវុធយ៉ាងស្រួចស្រាវជាមួយសហភាពសូវៀត។ ជាការប្រកួតប្រជែងដែលចុងក្រោយសហភាពសូវៀតមិនអាចទ្រាំទ្របាន និងដួលរលំប្រមាណ 3 ឆ្នាំក្រោយលោក រីហ្គែន ផុតអណត្តិ៕

ចុចអាន៖ អត្ថបទអប់រំ៖ បុរសម្នាក់ និងប្រពន្ធទាំង៤! អានបន្តិចទៅអ្នកនឹងយល់!

ចុចអាន៖ ព្រះពុទ្ធទ្រង់ប្រើកូនសិស្សទៅដងទឹកពីបឹងតែបឹងសុទ្ធតែកករ តែទ្រង់ប្រើវិធីចិត្តសាស្ដ្រងាយៗអាចឱ្យកូនសិស្សភ្លឺភ្នែក!

មតិយោបល់

គួរដឹង3 weeks ago

ស្តាប់ហើយព្រឺក្បាល! នេះជារឿងពិតមួយនៅខេត្តកំពង់ធំ បើយោងតាមមន្ត្រីសុខាភិបាលម្នាក់ «ពេលថ្ងៃជាព្រៃតម្កល់ខ្មោច តែយប់ឡើងបែរក្លាយជា…»

ថ្មីៗ3 weeks ago

ខេត្តសៀមរាប ស្រុក​បន្ទាយស្រី​ ​​នឹង​ប្រែក្លាយខ្លួនជាផ្សារបណ្តែតទឹកដំបូងគេរបស់កម្ពុជានៅចុងឆ្នាំនេះ ក្នុងរង្វង់ផ្ទៃដី ៥០ហិ​ក​តា

ថ្មីៗ21 hours ago

 កំហឹងកាន់តែផ្ទុះ! «ជនជាតិចិន» អ្នកជាតិនិយមនាំគ្នាបោក Iphone ចោល ក្រោយអាមេរិកធ្វើឲ Huawei ​រងការឈឺចាប់

ថ្មីៗ4 weeks ago

កូនខ្មែរម្នាក់ខិតខំប្រឹងប្រែង រហូតបានក្លាយជាវិស្វករថាមពលនុយក្លេអ៊ែរនៅប្រទេសបារាំង

ទេសចរណ៍4 weeks ago

ខេត្តស្ទឹងត្រែង គឺជាឋានសួរគ៌ក្រោមមេឃនៅកម្ពុជា ដែលអ្នកទេសចរណ៍មិនគួរមើលរំលង

Trending

Copyright © 2019 ANARCHAK