ចំណីគំនិតដ៏មានតម្លៃពីលោក Warren Buffet ដែលអ្នកមិនគួរមើលរំលង!
Connect with us

បែបផែនជីវិត

ចំណីគំនិតដ៏មានតម្លៃពីលោក Warren Buffet ដែលអ្នកមិនគួរមើលរំលង!

បើនិយាយដល់ឈ្មោះលោក Warren Buffet ប្រហែលជាមានមនុស្សមិនតិចប៉ុន្មានទេដែលបានស្គាល់រូបលោក ដោយសារតែលោកគឺជាបុគ្គលជោគជ័យម្នាក់ក្នុងចំនោមបុគ្គលជោគជ័យប៉ុន្មានអ្នកដែលពិភពលោកតែងតែនឹកដល់។ ប៉ុន្តែតើអ្នកទៅដែលជាគន្លឹះដែលធ្វើអោយលោកទទួលបានជោគជ័យបែបនេះ? ខាងក្រោមនេះគឺជាចំណីគំនិតដែលលោក បានចែករម្លែក ដល់មនុស្សគ្រប់គ្នាដែលអាចយកមកធ្វើជាគន្លឹះក្នុងការដឹកនាំជីវិតអោយឆ្ពោះទៅកាន់ភាពជោគជ័យបាន។

ចំណីគំនិតទាំងនេះមានដូចតទៅ៖

១. ការរកប្រាក់

“កុំពឹងផ្អែកតែលើប្រភពចំនូលតែមួយ ត្រូវចេះធ្វើការវិនិយោគដើម្បីបង្កើតប្រភពចំនូលផ្សេងទៀត”។ ឃ្លាមួយនេះចង់សម្តៅថា ប្រភពចំនូលតែមួយអាចនឹងបង្កជាការព្រួយបារម្ភខ្ពស់ ព្រោះថាប្រសិនជាមានអ្វីមកប៉ះពាល់នោះ អ្នកនឹងជួយប្រឈមមុខនឹងបញ្ហាដ៏ធំ ព្រោះអ្នកពុំមានផ្លូវក្រោយសម្រាប់ជួយ។ ផ្ទុយទៅវិញ ប្រសិនជាអ្នកមានប្រភពចំនូលលើសពីមួយ ប្រសិនជាប្រភពចំនូលមួយមានការកកស្ទះ អ្នកអាចយកប្រភពចំនូលផ្សេងៗមកជួយដោះទាល់។

២. ការចាយវាយ

“ប្រសិនជាអ្នកទិញរបស់ដែលអ្នកមិនត្រូវការ អ្នកនឹងត្រូវលក់របស់ដែលអ្នកត្រូវការចោលដើម្បីបានវា”។ ឃ្លានេះមានន័យខ្លាំងណាស់សម្រាប់អ្នកដែលនិយមចំនាយលើរបស់ដែលខ្លួនចង់បានច្រើនជាងរបស់ដែលខ្លួនត្រូវការ។ ដូច្នេះមុននឹងសម្រេចចិត្តចំនាយលុយចាយវាទៅលើអ្វីមួយ អ្នកត្រូវកំណត់អោយច្បាស់សិនថាតើវាជារបស់ដែលអ្នកត្រូវការ ឬក៏របស់ដែលអ្នកចង់បាន។

៣. ការសន្សំ

“កុំសន្សំប្រាក់ដែលសល់ពីការចាយវាយ ប៉ុន្តែត្រូវចាយប្រាក់ដែលសល់ពីការសន្សំ”។ មនុស្សជាច្រើនតែងតែឆ្ងល់ថាហេតុអ្វីបានជាពេលខ្លះខ្លួនបានសន្សំប្រាក់ដែរ ប៉ុន្តែវាដូចជាមិនបានច្រើនសោះអញ្ចឹង? នេះគឺដោយសារតែអ្នកច្រើនតែសន្សំប្រាក់ដែលសល់ពីការចាយវាយ។ ទម្លាប់នេះនឹងធ្វើអោយអ្នកមិនសូវយកចិត្តទុកដាក់នៅក្នុងការសន្សំ ព្រោះកាលណាបើអ្នកមានលុយនៅក្នុងដៃច្រើន អ្នកច្រើនតែរកឃើញរបស់ជាច្រើនដែលអ្នកត្រូវការ។ ដូច្នេះដើម្បីសន្សំប្រាក់អោយបានច្រើន អ្នកគួរតែចេះកម្រិតចំនួនប្រាក់ដែលអ្នកត្រូវសន្សំ រួចសឹមសល់ប៉ុន្មានទុកសម្រាប់ចាយតាមក្រោយ។

៤. ការសាកល្បង

“កុំវាស់ស្ទង់ជម្រៅទឹកសមុទ្រដោយប្រើជើងមួយគូ”។ ឃ្លានេះចង់សម្តៅថា មនុស្សម្នាក់ត្រូវចេះប្រមាណកម្លាំងរបស់ខ្លួន មុននឹងសម្រេចចិត្តឈានទៅរកអ្វីមួយ ព្រោះកាលណាដែលអ្នកហ៊ានជ្រុលហួសពីសមត្ថភាព វានឹងធ្វើអោយបង់ប្រយោជន៍អត់អំពើ។

៥. ការវិនិយោគ

“កុំប្រមូលពងទាមកដាក់នៅក្នុងកន្រ្តកតែមួយ”។ សម្តីមួយឃ្លានេះចង់អប់រំថា កាលណាដែលអ្នកផ្តោតធនធានដែលអ្នកមានទាំងអស់ទៅលើការវិនិយោគអ្វីមួយ នោះ វានឹងអាចធ្វើអោយបាត់បង់ធនធាននោះដោយងាយស្រួលប្រសិនជាអ្នកធ្វើវាមិនជោគជ័យ។ ដូច្នេះអ្នកត្រូវចេះគ្រប់គ្រងធនធានដែលអ្នកមាន ថាតើគួរតែទុកប៉ុណ្ណាដើម្បីវិនិយោគ និងប៉ុណ្ណាដើម្បីទុកសម្រាប់ពេលមានបញ្ហាអ្វីមួយ។

៦. ការប្រឈមមុខនឹងឧបសគ្គ

“នៅពេលដែលមានរឿងអ្វីអាក្រក់កើតឡើងលើអ្នក អ្នកមានជម្រើសបីសម្រាប់ជ្រើសរើស។ ទី១ អ្នកអាចអោយវាអោយនិយមន័យលើសមត្ថភាពរបស់អ្នក។ ទី២ អ្នកអាចអោយវាបំផ្លាញអ្នក។ ទី៣ អ្នកអាចអោយវាជួយអោយអ្នកខ្លាំងជាងមុន។ ឃ្លានេះចង់បង្រៀនពីការសម្រេចចិត្តក្នុងជីវិតរបស់មនុស្សម្នាក់នៅពេលដែលខ្លួនជួបនឹងឧបសគ្គ។ មនុស្សដែលខ្លាំងនឹងជ្រើសចំនុចទី៣ គឺប្រើប្រាស់ឧបសគ្គមកពង្រឹង និងធ្វើអោយខ្លួនឯងខ្លាំង៕

អត្ថបទល្អផ្សេងទៀត៖ រឿងជីវិតដែលអ្នកអាចរៀនបានពីរដ្ឋមន្ត្រីបារាំងស្រីវ័យក្មេងជាងគេម្នាក់នេះ!

វិធីម្យ៉ាងដើម្បីជួយអោយមនុស្សម្នាក់អាចមានកម្លាំងចិត្តឆ្ពោះទៅរកភាពជោគជ័យគឺតាមរយះការរៀនសូត្រពីខ្សែជីវិតរបស់បុគ្គលដទៃទៀត។ ថ្ងៃនេះ Anarchak ដូចជាសព្វដង បាននឹងនាំយកខ្សែជីវិតតស៊ូរបស់មនុស្សម្នាក់មកចែកជូនប្រិយមិត្តទាំងអស់គ្នាដើម្បីអាន និងពិចារណាទាំងអស់គ្នា។

មនុស្សស្រីម្នាក់មានឈ្មោះថា Najat Vallaud-Belkacem ដែលឆ្នាំនេះគាត់មានអាយុ 40ឆ្នាំ។ ប្រហែលជាមានមនុស្សតិចណាស់ស្គាល់ថាគាត់ម្នាក់នេះគឺជានរណា ប៉ុន្តែថ្វីត្បិតតែកេរ្តិ័របស់គាត់មិនល្បីសព្វសាយដូចជាបុគ្គលជោគជ័យ រឺមហាសេដ្ឋីមួយចំនួនក៏ពិតមែន រឿងរ៉ាវជីវិតរបស់គាត់គឺពោរពេញទៅដោយការតស៊ូមិនចាញ់ពួកគេទាំងនោះប៉ុន្មានឡើយ។

កើតមកនៅក្នុងគ្រួសារមួយនៅក្នុងប្រទេសម៉ូរ៉ូកូ ដែលមានជីវភាពមានព្រឹកខ្វះល្ងាចមានល្ងាចខ្វះព្រឹក ការងារប្រចាំថ្ងៃរបស់គាត់គឺដើរឃ្វាលជៀម និងដងទឹកចេញពីអណ្តូងដើម្បីប្រើប្រាស់នៅក្នុងខ្វះព្រោះតែផ្ទះគាត់ពុំមានទឹកស្អាតប្រើប្រាស់ដូចផ្ទះអ្នកដទៃ។ ដោយសារតែមើលទៅ ជីវភាពនៅទីនោះនឹងមិនមានថ្ងៃល្អប្រសើរនោះទេ គ្រួសាររបស់គាត់ក៏បានសម្រេចចិត្តចំនាកស្រុកទៅរស់នៅប្រទេសបារាំង ដោយសង្ឃឹមថាពួកគេនឹងអាចមានជីវិតល្អប្រសើរនៅលើទឹកដីប្រទេសអ្នកមានមួយនេះ។

ប៉ុន្តែនៅទីនោះ គ្រួសាររបស់គាត់ត្រូវបានជួបប្រទះទៅដោយបញ្ហារើសអើងពីអ្នកដទៃព្រោះតែគាត់ពុំមានប្រាក់ និងជាអ្នកចំណូលស្រុកថ្មីផង។ ពេលដែលគាត់ទៅរៀន មិត្តរួមថ្នាក់ជាច្រើនបានសើចចម្អកគាត់ ដោយនិយាយថាគាត់ជាសត្វចម្លែក។ តាំងពីពេលនោះមក គាត់ចាប់ផ្តើមមានគំនិតមួយងើបប្រឆាំងនឹងការរើសអើងរបស់អ្នកដទៃ។

គាត់បានព្យាយាមរៀនសូត្រយ៉ាងខ្លាំង ដើម្បីអោយខ្លួនអាចមានសមត្ថភាពគ្រប់គ្រាន់នៅពេលអនាគត។ ពេលដែលបញ្ចប់ការសិក្សា គាត់បានចូលធ្វើជាអ្នកនយោបាយ ដែលគាត់ទាមទារដើម្បីអោយមានភាពស្មើរគ្នាដើម្បីប្រជាជននៅក្នុងប្រទេសមិនថាប្រជាជនដើម រឺអ្នកចំនូលស្រុកថ្មីឡើយ។ គាត់ធ្វើការខណះដែលមនុស្សគ្រប់គ្នាកំពុងតែសម្រាក ដោយសារតែគាត់មិនចង់អោយនរណាម្នាក់ឆ្លងកាត់បទពិសោធន៍ជូរចត់ដែលគាត់បានជួបប្រទះនោះទេ។

ថ្វីត្បិតតែគាត់ព្យាយាមដើម្បីផលប្រយោជន៍នៃភាពស្មើគ្នារបស់មនុស្សគ្រប់គ្នាពិតមែន គាត់នៅតែត្រូវបានអ្នកនយោបាយផ្សេងៗរិះគុន ដោយនិយាយថាគាត់គឺជាបញ្ហានៃសង្គមមួយ។ ហេតុផលគឺដោយសារតែគាត់គឺជាអ្នកចំនូលស្រុកទេ ហើយម្យ៉ាងទៀតគាត់កាន់សាសនាអ៊ីស្លាមទៀត។ ប៉ុន្តែឧបសគ្គទាំងនេះពុំបានបញ្ឈប់គាត់ពីការបំពេញបំណងរបស់គាត់ឡើយ។ នៅពេលនេះ គាត់បានក្លាយជារដ្ឋមន្រ្តីក្រសួងអប់រំនៅប្រទេសបារាំង ហើយក៏ជារដ្ឋមន្រ្តីស្រីដែលមានអាយុក្មេងជាងគេបំផុតម្នាក់ផងដែរ។ ទ្រឹស្តីមួយរបស់គាត់គឺ “មានតែមនុស្សឆ្កួតដែលគិតថាខ្លួនឯងអាចផ្លាស់ប្តូរពិភពលោកទេ គឺជាមនុស្សដែលធ្វើការផ្លាស់ប្តូរពិភពលោកនោះ”៕

ចុចអាន៖ អត្ថបទអប់រំ៖ បុរសម្នាក់ និងប្រពន្ធទាំង៤! អានបន្តិចទៅអ្នកនឹងយល់!

ចុចអាន៖ ព្រះពុទ្ធទ្រង់ប្រើកូនសិស្សទៅដងទឹកពីបឹងតែបឹងសុទ្ធតែកករ តែទ្រង់ប្រើវិធីចិត្តសាស្ដ្រងាយៗអាចឱ្យកូនសិស្សភ្លឺភ្នែក!

មតិយោបល់

Trending

Copyright © 2019 ANARCHAK