កំពូលទស្សនៈមាសរបស់ "ខុង ជឺ" ដែលមានតម្លៃរាប់ពាន់ឆ្នាំអាចប្រើបានទល់បច្ចុប្បន្ន!
Connect with us

បែបផែនជីវិត

កំពូលទស្សនៈមាសរបស់ “ខុង ជឺ” ដែលមានតម្លៃរាប់ពាន់ឆ្នាំអាចប្រើបានទល់បច្ចុប្បន្ន!

ថ្ងៃនេះ Anarchak សូមបន្តលើកយករឿងនិទានដែលបង្កប់អត្ថន័យអប់រំផ្លូវចិត្តមានប្រយោជន៍ក្នុងជីវភាពប្រចាំថ្ងៃមកជូនប្រិយមិត្តអានទាំងអស់គ្នា។

យើងទាំងអស់គ្នាប្រាកដជាធ្លាប់ឮកិត្តិនាមអ្នកប្រាជ្ញក៏ដូចជាទស្សនវិទូចិនដ៏ល្បីល្បាញគឺ “ខុងជឺ”។ បើទោះបីជាលោកបានលាចាកលោកទៅរាប់ពាន់ឆ្នាំហើយក៏ដោយ ក៏ទស្សនៈនិងពាក្យក្រើនដាស់តឿនរបស់លោកនៅតែបន្សល់ទុកមកទល់បច្ចុប្បន្នជាយានមួយជួយតម្រែតម្រង់ផ្លូវមនុស្សគ្រប់ស្រទាប់វណ្ណៈ។

ខាងក្រោមជាទស្សនៈពិសេសៗដែលយើងសូមចងក្រងជូនប្រិយមិត្ត៖

ធ្វើគុណទៅហើយបើគេតបមកវិញនោះប្រៀបដូចជាយើងមិនបានធ្វើគុណអញ្ចឹង។ ដូច្នេះហើយបើធ្វើគុណ ចូរកុំរំពឹងអ្វីតបស្នងវិញ។

ធ្វើគុណទៅហើយកុំបាច់ឡើយរំលឹកពីគុណនោះនៅចំពោះមុខអ្នកដែលយើងផ្ដល់គុណទៅឱ្យ ព្រោះវានឹងធ្វើឱ្យតម្លៃគុណថយចុះ។ ផ្ទុយទៅវិញ បើយើងមិនរំលឹកអ្នកនោះនឹងកាន់តែចងចាំ!

កុំពពាយនាយអួតទង្វើល្អដែលខ្លួនយើងបានធ្វើព្រោះការសរសើរខ្លួនឯងមិនខុសអីពីអង្គុយលើចង្អេរលើកខ្លួនឯងទេ អ្នកមិនអាចខ្ពស់ទៅណារួចឡើយ។ ទុកឱ្យសេចក្ដីល្អរបស់យើងត្រូវបានអ្នកដទៃយកទៅសរសើរវិញវាមានន័យជាង និងអមតៈជាង។

ទោះទៅមុខយឺតយ៉ាងណាក៏ដោយ ទោះដើរឬក៏វារក៏ដោយវាមិនជាបញ្ហាទេ ដរាបណាយើងមិនឈប់ ដរាបណាយើងមិនបោះបង់ការប្រឹងប្រែងទៅមុខ។

ប្រព្រឹត្តចំពោះអ្នកដទៃដូចដែលយើងចង់ឱ្យអ្នកដទៃប្រព្រឹត្តមកលើយើង។ ហើយកុំប្រព្រឹត្តទៅលើគេទង្វើដែលយើងមិនចង់ឱ្យគេប្រព្រឹត្តិមកលើយើង។

អំពើណាដែលធ្វើហើយបានផលល្អមកលើយើងជារឿងល្អ តែបើបានផលល្អមកលើយើងផងនិងអ្នកដទៃផងជាទង្វើល្អបំផុត។ ផ្ទុយទៅវិញបើបានផលល្អមកយើងតែនាំទុក្ខអ្នកដទៃ ត្រូវចៀសកុំធ្វើវា។

ធ្វើការងារណាដែលយើងចូលចិត្ត នោះយើងនឹងមិនមានអារម្មណ៍ថាធុញទ្រាន់នឹងជីវិតធ្វើការប្រចាំថ្ងៃឡើយ ពោលយើងនឹងមានកម្លាំងធ្វើការរហូតដល់ទីបញ្ចប់នៃជិីវិត៕

ប្រភព៖ wisdom

ចុចអាន៖ សម្ដីមាសខុងជឺ៖ ឧស្សាហ៍ខុសរឿង ៥ ប្រការ ទោះប្រឹងប្រែងយ៉ាងណាក៏ឆ្លងមិនផុតពីក្រ និងបរាជ័យ!!!

ចុចអាន៖ អប់រំផ្លូវចិត្ត៖ នេះជាជំងឺដ៏សាហាវដែលកើតចេញពីខ្លួនយើងហើយស៊ីបំផ្លាញទាំងយើងនិងអ្នកជុំវិញ!

អត្ថបទល្អផ្សេងទៀត៖ ព្រះពុទ្ធទ្រង់ប្រើកូនសិស្សទៅដងទឹកពីបឹងតែបឹងសុទ្ធតែកករ តែទ្រង់ប្រើវិធីចិត្តសាស្ដ្រងាយៗអាចឱ្យកូនសិស្សភ្លឺភ្នែក!

ថ្ងៃមួយព្រះពុទ្ធទ្រង់កំពុងព្រះនិមន្តទៅភូមិមួយឆ្ងាយជាមួយនឹងកូនសិស្សរបស់ទ្រង់ម្នាក់។ ទ្រង់និងកូនសិស្សបាននិមន្តកាត់បឹងមួយ។ ព្រះពុទ្ធមានពុទ្ធដីកាទៅកូនសិស្សថា “អាត្មាស្រេកទឹកណាស់។ សូមយកទឹកឱ្យអាត្មាពីបឹងទីនោះមកគ្រាន់នឹងឆាន់”។

កូនសិស្សបានចុះទៅបឹងនោះ ក៏ប៉ុន្តែបឹងនោះពោរពេញដោយអ្នកភូមិកំពុងបោកខោអាវក្នុងទឹក និងមានទាំងគោ រទេះសេះចតនៅមាត់បឹងផង។ ហេតុនេះទឹកបឹងនោះពោរពេញដោយកករកខ្វក់មិនអាចយកមកទទួលទានឬឆាន់បានទេ។

កូនសិស្សទ្រង់ក៏ត្រឡប់មកវិញនិងរ៉ាយរ៉ាប់តាមដំណើររឿង ដោយមិនអាចយកទឹកនោះមកបានដោយសារតែវាកខ្វក់ពេក។

ក្រោយព្រះសណ្ដាប់ ព្រះពុទ្ធមានពុទ្ធដីកាថាតបឱ្យកូនសិស្សនោះយកទឹកខ្លះៗពីបឹងនោះមកក្រោមគ្រាន់លាងជម្រះកាយសិន។

បន្ទាប់ពីនោះពេលរសៀលជ្រេបន្តិច ព្រះពុទ្ធទ្រង់ត្រាសបង្គាប់ឱ្យកូនសិស្សទៅបឹងនោះម្ដងទៀត ដើម្បីយកទឹកមកឆាន់។ កូនសិស្សបានត្រឡប់ទៅបឹងវិញ ប៉ុន្ដែលើកនេះទឹកមានសភាពថ្លាល្អគ្មានភក់ជ្រាំទេ។

នោះក៏ដោយសារក្រោយពេលដែលអ្នកភូមិតនិងរទេះសេះបរចេញអស់ទៅ ភក់ទាំងនោះបានធ្លាក់ទៅបាតបឹងហើយទឹកនៅខាងលើក៏ថ្លាឆ្វង់ ដូច្នេះកូនសិស្សក៏អាចស្រង់យកទឹកទៅប្រគេនថ្វាយព្រះពុទ្ធ។

ព្រះពុទ្ធបានសម្លឹងមើលទៅក្នុងទឹក និងមានពុទ្ធដីកាដាស់តឿនថា “ឃើញទេ!ទោះបីជាទឹកមានកករ យ៉ាងណា រង់ចាំបន្តិចទៅឱ្យទឹកស្ងប់សិន ហើយភក់និងកករទាំងនោះនឹងធ្លាក់ទៅបាតបឹងដោយខ្លួនវា។”

“ពេលនេះយើងអាចទទួលបានទឹកថ្លាឆ្វង់មួយផ្ដិល ហើយមិនបាច់ប្រឹងប្រែងឡើយដោយគ្រាន់តែមានការអត់ធ្មត់ប៉ុណ្ណោះ! “។

តម្លៃអប់រំ ៖ បញ្ហាខ្លះនៅក្នុងជីវិតត្រូវការការដោះស្រាយភ្លាមៗមិនអាចបង្អែរបង្អន់បាន តែក៏មានបញ្ហាខ្លះត្រូវការតែពេលវេលានិងការអត់ធ្មត់រង់ចាំឱ្យវារលាយបាត់ទៅប៉ុណ្ណោះ។ ឧទាហរណ៍ដូចជា ការខឹងក្រេវក្រោធ ឬក៏ពេលវេលានៃការធ្វើការមិនអំណោយផលជាដើម។

យើងមិនចាំបាច់ទៅប្រឹងប្រែងអ្វីច្រើននាំតែកាន់តែថ្លោះធ្លោយ តែគ្រាន់តែរង់ចាំអត់ធ្មត់ឱ្យអារម្មណ៍ខឹងនោះឬក៏ពេលវេលាមិនអំណោយផលនោះវារលត់បន្តិចម្ដងៗសឹមប្រឹងប្រែងដោះស្រាយជាក្រោយទើបសម្រេចបានលទ្ធផលល្អនិងលឿន៕

ពីនេះពីនោះ4 hours ago

ឆ្កួតពេកហើយ! និស្សិតអាមេរិក ភ្នាល់គ្នាដាក់លុយ ដោយធ្វើពិធីជប់លៀងជាមួយអ្នកជំងឺកូវីដ បើនរណាកើតកូវីដមុនអ្នកនោះជាអ្នកឈ្នះ

ពីនេះពីនោះ7 hours ago

ទោះតែងខ្លួនសាមញ្ញតែអ្នក​ម្តាយ​ថ្មីថ្មោង តូតា កាន់តែស្អាតខ្លាំង ទោះកំពុងពរពោះ

ពីនេះពីនោះ10 hours ago

ចោរហារយមិនស្គាល់បាបបុណ្យ !លួចយកព្រះពុទ្ធបដិមាចំនួន១៤អង្គក្នុងវត្តព្រៃច្បារ ត្រូវសមត្ថកិច្ចឃាត់ខ្លួនបាន

ពីនេះពីនោះ11 hours ago

រាជរដ្ឋាភិបាលអនុញ្ញាតឱ្យអាជីវកម្ម ហាង​ខារ៉ាអូខេ KTV និងមក្លឹបកម្សាន្ត ប្រែក្លាយទៅជាភោជនីយដ្ឋាន

ថ្មីៗ14 hours ago

ត្រូវប៉ាន់ហើយ! ផ្សារ​ទំនើប​ខ្នាត​យក្ស​ ៣ នឹង​ប្រកួត​ប្រជែង​គ្នា​នៅ​តំបន់​ផ្លូវ ៦០​ម៉ែត្រ​ ភាគ​ខាង​ត្បូង​រាជ​ធានី​ភ្នំពេញ

គួរដឹង3 weeks ago

រកឃើញ​មូលហេតុ​ដែល​កំពូល​អធិរាជ​ច្បាំង​មិនដែល​ចាញ់​របស់​ម៉ុង​ហ្គោល​ដកថយ​ពី​ហុង​គ្រី​! កុំ​អី​ទ្វីបអឺរ៉ុប​ទាំងមូល​ខ្ញី​របស់កូនចៅ​សង់​ស៊ី​ខាន់​

គួរដឹង4 weeks ago

តក់ស្លុត! ក្រោយឃើញស្លាកស្នាមគួរឱ្យខ្លាចរបស់អ្នកនៅរស់ពីរន្ទះបាញ់នៅជុំវិញពិភពលោក!

គួរដឹង2 weeks ago

ដំបូន្មានចំពោះមនុស្សមានអាយុលើសពី៤០ឆ្នាំ

ថ្មីៗ2 weeks ago

ចាប់ពីពេលនេះទៅ ជួបរឿងអយុត្តិធម៌ គ្រាន់តែខំមិនចូលផេកសម្ដេចក្រឡាហោម ស ខេង នោះសម្ដេចនឹងដោះស្រាយរាល់សំណូមពររបស់បងប្អូនប្រជាពលរដ្ឋ

បែបផែនជីវិត4 weeks ago

សូមចំណាយពេលរបស់អ្នក ៤-១០នាទីអានអត្ថបទនេះ ដើម្បីទទួលបាននូវគំនិតអប់រំមួយចំនួនពីសង្គមរស់នៅបច្ចុប្បន្ន

Trending

Copyright © 2019 ANARCHAK