ស្រលាញ់ត្រូវហ៊ានសារភាព តែបើគេបដិសេដ តើយើងត្រូវធ្វើយ៉ាងណាបន្តទៀត?
Connect with us

គ្រួសារ & ស្នេហា

ស្រលាញ់ត្រូវហ៊ានសារភាព តែបើគេបដិសេធ តើយើងត្រូវធ្វើយ៉ាងណាបន្តទៀត?

ការស្រលាញ់គេតែម្នាក់ឯងមិនមែនជារឿងងាយស្រួលនោះទេ ប៉ុន្តែទោះយ៉ាងក៏វាមិនពិបាកដល់ការសារភាពប្រាប់គេពីអារម្មណ៍យើងហើយ ត្រូវបានគេបដិសេដដែរ។ ការសម្រេចចិត្តក្នុងការសារភាពក្តីស្រលាញ់ទៅនរណាម្នាក់មិនមែនជារឿងធម្មតានោះទេ ដោយសារមនុស្សម្នាក់នោះត្រូវការកម្លាំងចិត្ត និងទំនុកចិត្តជាខ្លាំងដើម្បីធ្វើវា ប៉ុន្តែនៅពេលដែលគេមិនទទួលយកការស្រលាញ់របស់ខ្លួនហើយនោះ គេនឹងមានការអាក់អន់ចិត្តទោះបីតិចរឺច្រើនក៏ដោយ។

ប៉ុន្តែក្រៅពីមិនសប្បាយចិត្ត តើមានរឿងអ្វីទៀតដែលអ្នកគួរតែបន្តធ្វើ?

ខាងក្រោមនេះគឺជារឿង៥យ៉ាងដែលអ្នកគួរតែគិត និងធ្វើវា៖

១. រក្សាទំនាក់ទំនង

ទោះបីជាគេមិនអាចស្រលាញ់អ្នក អ្នកមិនគួរផ្តាច់ការទាក់ទងជាមួយគេនោះតែម្តងទេ ព្រោះការដែលធ្វើបែបនេះមិនមែនជារឿងល្អនោះទេសម្រាប់អ្នកទាំងពីរ។ មនុស្សដែលចេះគិតមិនយករឿងប៉ិននេះយកមកធ្វើអោយបាក់បែកមិត្តភាពរបស់ខ្លួននោះទេ។ ដូចនេះអ្នកគួរសុំគេរាប់អានជាមិត្តធម្មតាដូចរាល់ដងវិញ ទើបល្អ។

២.កុំចាត់ទុកការបរាជ័យនេះជារឿងធំ

ថ្វីត្បិតតែមនុស្សដែលខ្លួនខំស្រលាញ់ មិនអាចស្រលាញ់ខ្លួនមែន តែវាមិនមែនជារឿងធំដុំអ្វីប៉ុន្មាននោះទេ។ អ្នកត្រូវដឹងថា នៅមានមនុស្សជាច្រើនទៀតដែលអាចនឹងស័ក្តិសមនឹងអ្នកបានច្រើនជាងគេម្នាក់នោះ គ្រាន់តែអ្នកមិនទាន់បានជួប។ ដូច្នេះហើយកុំទាន់អស់សង្ឃឹមដោយគ្រាន់តែមនុស្សម្នាក់នេះបដិសេដ។ ហើយប្រសិនជាអ្នកនៅតែស្រលាញ់មនុស្សម្នាក់នេះខ្លាំង អ្នកនៅតែអាចសារភាពទៅគេម្តងទៀតនៅពេលណាមួយខាងមុខ ថាមិនត្រូវចម្លើយនឹងអាចផ្លាស់ប្តូរ។

៣. គិតឡើងវិញ

តើអ្នកពិតជាគួរតែនៅស្រលាញ់គេទៀតរឺអត់ បន្ទាប់ពីគេបដិសេដអ្នកហើយ? ហើយតើហេតុអ្វីបានជាគេមិនអាចទទួលយកអ្នក? អ្នកគួរគិតរកចម្លើយសម្រាប់សំនួរទាំងនេះព្រោះវានឹងឈប់ធ្វើអោយអ្នកគិតច្រើនទៅលើរឿងដែលអ្នកមិនគួរគិតបន្តទៀត។

៤. រៀនពីការបដិសេដនោះ

គេមិនអាចទទួលយកអ្នកបានគឺប្រាកដជាមានហេតុផលអ្វីមួយហើយ។ ប៉ុន្តែបន្ទាប់ពីគិតពីហេតុផលទាំងនោះហើយ អ្នកគួររៀនពីបទពិសោធន៍មួយនេះ។ ធ្វើបែបនេះមិនមែនដើម្បីគេនោះទេ ប៉ុន្តែគឺដើម្បីអោយខ្លួនអ្នកល្អប្រសើរ ព្រោះអ្នកអាចរៀនពីចំនុចខ្វះខាតរបស់ខ្លួន និងអភិវឌ្ឍខ្លួនឯង។

៥. បង្កើនទំនុកចិត្តឡើងវិញ

បន្ទាប់ពីការបដិសេដ អ្នកប្រហែលជាបាត់បង់ទំនុកចិត្តលើខ្លួនឯងមួយចំនួនហើយ ប៉ុន្តែមកដល់ចំនុចនេះ អ្នកគួរតែចាប់ផ្តើម បង្កើនទំនុកចិត្តលើខ្លួនឯងឡើងវិញ។ អ្នកមិនគួរដោយសារតែរឿងនេះបាត់បង់ជំនឿលើខ្លួនឯង និងមនុស្សគ្រប់គ្នានោះទេ។

ការបរាជ័យមិនមែនជារឿងសំខាន់នោះទេ អ្វីដែលសំខាន់គឺអ្នកមិនបោះបង់ចោលតស៊ូរបស់ខ្លួន។ ចុងក្រោយ អ្នកនៅតែជាខ្លួនអ្នក ហើយថ្ងៃនេះគេមិនត្រូវការអ្នក នៅមានអ្នកដែលត្រូវការអ្នកនៅថ្ងៃស្អែកទៀត៕

Anarchak នឹងនាំមកនូវអត្ថបទដែលមានប្រយោជន៍ និងផ្ដល់ចំណេះដឹងជាបន្តបន្ទាប់ទៀត!

អត្ថបទល្អផ្សេងទៀត៖

រឿងទាំង ៧ ដែលអ្នកមិនគួរធ្វើបន្ទាប់ពីបែកគ្នា!

ការស្រលាញ់តែងតែមានរឿងជួប និងបែកគេចមិនផុតនោះទេ។ ប៉ុន្តែនៅពេលដែលអ្នកបែកគ្នាជាមួយសង្សារ តើអ្នកនឹងធ្វើអ្វីបន្តទៀត? តើអ្នកដឹងទេថា ពេលខ្លះរឿងដែលអ្នកបានធ្វើមិនមែនសុទ្ធតែត្រឹមត្រូវដូចអ្វីដែលអ្នកគិតនោះទេ?

ខាងក្រោមនេះជារឿងដែលអ្នកមិនគួរធ្វើនៅពេលដែលទំនាក់ទំនងស្នេហារបស់អ្នកដល់ទីបញ្ចប់ បើទោះបីជាយ៉ាងណាក៏ដោយ៖

១. គេចចេញពីការនិយាយគ្នាអោយច្បាស់លាស់

ជួនកាលមិនថាស្នេហារបស់អ្នកចប់ទៅដោយវិធីណាទេ អ្នកគួរតែនិយាយគ្នាអោយច្បាស់ពីមូលហេតុសព្វគ្រប់បែបយ៉ាងដើម្បីកុំអោយមានការស្តាយក្រោយបន្ទាប់ពីម្នាក់ៗអស់ចិត្តរៀងៗខ្លួន។

២. តាមដានរឿងរបស់សង្សារចាស់ និងសង្សារថ្មីគេ

ការដែលអ្នកធ្វើបែបនេះ វាប្រៀបដូចជាអ្នកយកកាំបិតមកចាក់ខ្លួនឯងដូច្នេះដែរ។ ការដែលអ្នកនៅតែចង់ចេះចង់ដឹងរឿងគេនឹងធ្វើអោយអ្នកនៅតែរស់នៅក្នុងអតីតកាលដែលបានកន្លងផុតទៅហើយ។ ធ្វើដូចនេះមានតែធ្វើបាបខ្លួនឯងទេ។

៣. ទៅកន្លែងចាស់ៗដែលអ្នកទាំងពីរធ្លាប់ទៅ

៤. ដាក់គុកខ្លួនឯង

ចំនុចនេះមានន័យថា អ្នកមិនគួរសង្ងំធ្វើបាបខ្លួនឯង មិនចេញទៅណា រឺមិនជួបនរណាសោះ។ ការធ្វើបែបនេះគឺជាធ្វើបាបខ្លួនឯងមួយ ហើយកាលណាបើអ្នកធ្វើបាបខ្លួនឯងហើយ គ្មាននរណាអាចជួយអ្នកបាននោះទេ។

៥. ចាប់ផ្តើមជាមួយអ្នកថ្មី

ចាប់ផ្តើមជាមួយអ្នកថ្មីមិនមានជារឿងអាក្រក់ទេ ប៉ុន្តែអ្នកគួរតែច្បាស់ខ្លួនឯងសិនអ្នកមិនមែនយកគេមកគ្រាន់តែចង់បំភ្លេចអ្នកមុន ជាពិសេសនៅកំឡុងពេលភ្លាមៗបន្ទាប់ពីបែកគ្នា។ ធ្វើបែបនេះមិនបានបញ្ជាក់ថាអ្នកជាមនុស្សចេះគិតទេ តែវាអាចធ្វើអោយគេគិតថាអ្នកជាមនុស្សចូលចិត្តលេងសើចរឿងស្នេហា។

៦. ដើរផឹក

ការធ្វើបែបនេះមិនត្រឹមតែអាចបំផ្លាញសុខភាព និងប្រាក់កាក់របស់អ្នក វាថែមទាំងធ្វើអោយអ្នកដទៃមើលមកអ្នកជាមនុស្សដែលអន់ និងស័ក្តិសមអោយបែកគ្នា។

៧. ព្យាយាមសងសឹកសង្សារចាស់

បើអ្នកពិតជាគិតចង់ធ្វើបែបនេះមែន អ្នកគួរតែបញ្ឈប់ការគិតនេះទៅដោយសារតែវាមិនមែនជារឿងដែលមានប្រយោជន៍សម្រាប់អ្នកដែលអ្នកគួរធ្វើនោះទេ។ យល់ល្អអ្នកយកពេលទាំងនេះទៅចំនាយធ្វើរឿងល្អៗជាមួយមនុស្សដែលស្រលាញ់រាប់អានអ្នកវិញប្រសើរជាង៕

ចុចអានផ្សេងៗ៖ អ្នកប្រាជ្ញដោះស្រាយគ្រប់ប្រស្នារមិនដែលទាល់ប្រាជ្ញាម្តងណាឡើយតែចុងក្រោយមកចាញ់……

ចុចអានផ្សេងៗ៖ បើមិនប្រាប់ មិនចង់ជឿថាកន្លែងទាំង ១០ នេះមានពិតនៅលើផែនដីទេ!

មតិយោបល់

ពីនេះពីនោះ4 hours ago

ពិតជាមោទនភាពណាស់! មាស សុខសោភា បង្ហាញខ្លួនក្នុងបទចម្រៀងបរទេស ជាមួយតារាចម្រៀងមកពី ១០ ប្រទេសផ្សេងទៀត (មានវីដេអូ)

ពីនេះពីនោះ7 hours ago

ប្រពៃណាស់! ឧកញ៉ា ឡេង ណាវ៉ាត្រា ផ្តល់អោយបងប្អូនសិក្សាភាសាកូរ៉េដោយឥតគិតថ្លៃ ព្រោះលោករ៉ាប់រងរាល់ការចំណាយទាំងស្រុងលើការសិក្សា ដូច្នេះ…

ពីនេះពីនោះ8 hours ago

កំសត់ពេកហើយ! អ្នកច្រៀងក៏យំ អ្នកមើលក៏យំ ក្រោយស្តាប់បទថ្មី សុវត្ថិឌី ធារិកា រៀបរាប់ពីជីវិតរបស់លោកតាធាក់ស៊ីក្លូ (មានវីដេអូ)

បែបផែនជីវិត19 hours ago

បដិសេធអាចជាជម្រើសល្អ! ១០ ចំណុចជាហេតុផលដែលអ្នកគួររៀនបដិសេធ

បែបផែនជីវិត19 hours ago

អ្នកប្រាជ្ញចិន ឡៅជឺ៖ “នៅពេលជាតិរងទុក្ខវេទនា នឹងមានអ្នកស្នេហាជាតិងើបឡើង”

Trending

Copyright © 2019 ANARCHAK