បុរសម្នាក់ខូចឡានកណ្ដាលព្រៃ ចូលទៅសុំព្រះសង្ឃស្នាក់មួយយប់លឺសម្លេងចម្លែកស្រាប់តែ...
Connect with us

ទាក់ទាញ

បុរសម្នាក់ខូចឡានកណ្ដាលព្រៃ ចូលទៅសុំព្រះសង្ឃស្នាក់មួយយប់លឺសម្លេងចម្លែកស្រាប់តែ…

បុរសម្នាក់បានបើកបររថយន្ដលើដងផ្លូវមួយតាមព្រៃទៅផ្ទះវិញ ប៉ុន្ដែរថយន្ដរបស់គាត់បានខូចនៅក្បែរវត្តមួយ។ ដោយហេតុមេឃចាប់ផ្ដើមងងឹត និងអាកាសធាតុត្រជាក់ គាត់ក៏បានសុំព្រះសង្ឃដើម្បីស្នាក់នៅទីនោះមួយយប់។

 ព្រះសង្ឃក៏យល់ព្រម រួចរៀបចំបាយម្ហូបមួយចំនួន និងថែមទាំងជួយជួសជុលរថយន្ដឲ្យគាត់ថែមទៀតផង។

យប់កាន់តែជ្រៅ បុរសម្នាក់នោះក៏ចូលទៅសម្រាក ប៉ុន្ដែគាត់បានលឺសម្លេងចម្លែកមួយ។ គាន់មានចម្ងល់ទៅនឹងសម្លេងនោះជាខ្លាំង ប៉ុន្ដែមិនបានបញ្ចេញអាការៈអ្វីឡើយ។ លុះព្រឹកឡើងគាត់ក៏បានសួរទៅកាន់ព្រះសង្ឃថា “តើសម្លេងនាយប់មិញនេះជាសម្លេងអ្វីដែរតេជគុណ?”

ព្រះសង្ឃបានឆ្លើយថា “អាត្មាមិនអាចប្រាប់ញោមបានទេ ព្រោះញោមមិនមែនជាព្រះសង្ឃ។” ភ្លាមនោះ បុរសម្នាក់នោះដូចអន់ចិត្តបន្ដិចដែរ ប៉ុន្ដែគាត់ត្រូវគោរពតាមច្បាប់នៃវត្តអារាម។ ក្រោយមកទៀតគាត់ក៏បានលាព្រះសង្ឃ រួចចាកចេញទៅ។

ប៉ុន្មានឆ្នាំក្រោយមកទៀត បុរសដដែលបានជួបទៅនឹងបញ្ហដដែល ហើយកន្លែងដដែលទៀត ពោលគឺរថយន្ដរបស់គាត់ខូចដដែល។ លើកនេះ ព្រះសង្ឃនៅតែទទួលបុរសម្នាក់នោះឲ្យស្នាក់នៅអារាមរបស់ខ្លួនដដែល ហើយមើលថែទាំ និងជួសជុលរថយន្ដឲ្យដូចលើកមុនអញ្ចឹង។

លុះដល់យប់ឡើង សម្លេងចម្លែកនៅតែបន្លឺឡើងដដែល ដូចគ្នាទៅនឹងសម្លេងដែលគាត់បានលឺកាលពីប៉ុន្មានឆ្នាំមុន។ ដោយក្ដីមិនអស់ចិត្ត បុរសម្នាក់នោះបានសម្រេចចិត្តសួរទៅកាន់ព្រះសង្ឃម្ដងទៀត ប៉ុន្ដែចម្លើយដែលទទួលបានគឺនៅតែដូចមុន ពោលគឺព្រះសង្ឃមិនអាចប្រាប់បុរសនោះបានទេ លុះត្រាតែបុរសនោះជាព្រះសង្ឃ។

ដោយសារចង់ដឹងខ្លាំងពេក បុរសនោះក៏បានសួរទៅកាន់ព្រះសង្ឃថា “ខ្ញុំពិតជាចង់ដឹងខ្លាំងណាស់ ឥឡូវប្រាប់ខ្ញុំមក តើធ្វើម្ដេចទើបអាចក្លាយជាព្រះសង្ឃបាន តេជគុណ?” ព្រះសង្ឃបានឆ្លើយថា “ប្រសិនបើញោមចង់ក្លាយជាព្រះសង្ឃមែន ញោមត្រូវធ្វើដំណើរទៅពាសពេញពិភពលោក រួចរាប់ចំនួនពិតប្រាកដនៃដើមស្មៅ និងគ្រួស។ នៅពេលញោមធ្វើបានហើយ ញោមនឹងអាចក្លាយជាព្រះសង្ឃបាន។”

បុរសម្នាក់នោះក៏យល់ព្រម។ ច្រើនឆ្នាំកន្លងមកទៀត គាត់ក៏បានត្រឡប់មកវិញសារជាថ្មី។ ពេលទៅដល់មុខអារាមនោះ គាត់បានសួររកព្រះសង្ឃ រួចនិយាយថា “ខ្ញុំបានធ្វើដំណើរពាសពេញពិភពលោករួចហើយ ហើយក៏បានសម្រេចនូវអ្វីដែលព្រះអង្គឲ្យខ្ញុំធ្វើដែរ។

នៅលើលោកនេះគឺមានដើមស្មៅចំនួន 145,236,284,232​ ដើម និងគ្រួសចំនួន 231,281,219,999,129,382 គ្រាប់ ។” ព្រះសង្ឃបានឆ្លើយថា “អបអរសាទរ។ ឥឡូវនេះញោមអាចធ្វើជាព្រះសង្ឃបានហើយ។ ចំណែកឯសម្លេងចម្លែកនោះ យើងក៏អាចបង្ហាញដល់ញោមបានដែរ។” ព្រះសង្ឃបាននាំផ្លូវបុរសម្នាក់នោះទៅកាន់ទ្វាឈើមួយ រួចក៏និយាយថា “សម្លេងនោះ គឺនៅពីក្រោយទ្វានេះ។”

បុរសម្នាក់នោះក៏ដើរសម្ដៅទៅរកទ្វា ប៉ុន្ដែវាត្រូវបានចាក់សោរជាប់។ គាត់និយាយថា “កុំលេងសើចជាមួយខ្ញុំអី! សូមឲ្យសោរមក។” ព្រះសង្ឃក៏បានឲ្យសោរទៅកាន់បុរសម្នាក់នោះ រួចគាត់ក៏បើកទ្វា។ អ្វីដែលគួរឲ្យភ្ញាក់ផ្អើលនោះគឺ ក្រោយទ្វាឈើនោះគឺមានទ្វាមួយទៀត។

បុរសម្នាក់នោះបានសួរព្រះសង្ឃដើម្បីរកសោរទៀត ព្រះសង្ឃក៏ព្រមឲ្យសោរទៅដូចគ្នាដែរ។ បន្ទាប់មកគាត់ក៏បើកទ្វានោះ ប៉ុន្ដែអ្វីដែលគាត់ឃើញនោះគឺបែរជាទ្វាមួយផ្សេងទៀត។ គាត់ក៏បន្ដសួររកសោរទ្វាពីព្រះសង្ឃទៀត ព្រះសង្ឃក៏ឲ្យ។

បន្ទាប់មកទៀត នៅក្រោយទ្វានោះគឺមានទ្វាបន្ដទៀត រហូតដល់ទ្វាចុងក្រោយគេគឺបង្អស់ពណ៌ស្វាយដ៏ស្រស់ស្អាត។ ចុងក្រោយ ព្រះសង្ឃបាននិយាយថា “នេះគឺជាសោរចុងក្រោយសម្រាប់ទ្វាទាំងឡាយ។” បុរសម្នាក់នោះក៏ទទួលយកសោរពីព្រះសង្ឃ រួចត្រៀមខ្លួនរួចជាស្រេចក្នុងការបើកទ្វា។

គាត់បានចាក់សោរទ្វានោះ រួចក៏ឃើញភាពភ្ញាក់ផ្អើលមួយនៅពីក្រោយអាថ៌កំបាំងនៃសម្លេងចម្លែកនោះប៉ុន្ដែ គាត់មិនអាចប្រាប់អ្នកបានទេថាសម្លេងនោះជាអ្វី ព្រោះ អ្នកមិនមែនជាព្រះសង្ឃ!!!

នេះគ្រាន់ជារឿងកំប្លែងបន្ធូរអារម្មណ៍ប្រិយមិត្តតែប៉ុណ្ណោះ!

ចុចអាន៖ផ្ទះអាថ៌កំបាំងទាំង ១០ ដែលមានមនុស្សតិចណាស់បានដឹងអំពីវា!

ចុចអាន៖ មនុស្សទាំង ៧ នេះបានស្លាប់ដោយមិនគួរអោយជឿបំផុត!

ដោយ៖ ដានី

ប្រភព៖ បរទេស

មតិយោបល់

អន្តរជាតិ2 weeks ago

សូមចូលរួមរំលែកទុក្ខ! នៅជប៉ុនមនុស្សជាង ៥៧ នាក់បានស្លាប់ និង ២ ម៉ឺននាក់កំពុងសង្គ្រោះបន្ទាន់ ក្រោយប្រឈមរលកកំដៅខ្លាំងពេក

ថ្មីៗ3 days ago

ត្រូវប៉ាន់ហើយ! រដ្ឋាភិបាល​កំពុង​សិក្សា​ស្ថាបនា​ផ្លូវ​ក្រវ៉ា​តក្រុង​ទី ៤ ថ្មីបន្ថែម​ទៀត​ ខណៈ​ផ្លូវ​ក្រ​វ៉ាត់​ក្រុង​ទី ៣ ​កំពុង​សាងសង់យ៉ាងរលូន​

បែបផែនជីវិត3 weeks ago

រស់ក្នុងសង្គមបច្ចុប្បន្ន គួររៀនបែងចែកឱ្យដាច់រវាង«មនុស្សល្អពិត និង មនុស្សល្អក្លែងក្លាយ»

គួរដឹង3 weeks ago

១០ ឃ្លាមនុស្សបរាជ័យតែទន្ទេញប្រាប់​​ខ្លួនឯង

បែបផែនជីវិត3 weeks ago

ទស្សនៈ លោក តេង ស៊ា​វ​ពីង ៖ «គ្មានមិត្តពិត ហើយក៏គ្មានសត្រូវដែរ គឺមានតែផលប្រយោជន៍»

Trending

Copyright © 2019 ANARCHAK